Success : జీవితంలో సక్సెస్ కావాలని ప్రతి ఒక్కరూ భావిస్తారు. కానీ అందరూ సక్సెస్ కాలేకపోతారు. ఎందుకంటే విజయం కోరుకున్నంత సులువుగా రాదు. అందుకోసం ఎంతో కృషి చేయాలి. ఎన్నో అలవాట్లు మార్చుకోవాలి. జీవితంలో విజయం సాధించిన చాలా మంది ఎన్నో కష్టాలు దాటి వచ్చిన వారే ఉంటారు. కష్టాలను ఇష్టాలుగా స్వీకరించి ముందుకుసాగే వారే విజయాన్ని సొంతం చేసుకుంటారు. జీవితంలో సక్సెస్ రావాలంటే కష్టమైన సరే కొన్ని మంచి లక్షణాలు అలవర్చుకోవాలి. అవేంటో ఇప్పుడు చూద్దాం..
అందరికీ రోజులో ఉండేది 24 గంటలు మాత్రమే. అయితే ఆ సమయాన్ని ఎవరు ఎక్కువగా ఉపయోగించుకుంటే వాళ్లే విజయం సాధిస్తారు. ఇందుకోసం అందుకోసం మొదట చేయాల్సింది ఉదయాన్నే నిద్ర లేవడం. ఉదయం 5 గంటలకే నిద్రలేవడం అలవాటు చేసుకుంటే రోజులో ఎంతో సమయం మిగులుతుంది.
విజయం సాధించే వారిలో ఉండే మరో మంచి లక్షణం పుసక్త పఠనం. ఇప్పుడు జీవితంలో గొప్ప స్థానంలో ఉన్న వాళ్లు అందరికీ కచ్చితంగా పుస్తకం చదివే అలవాటు ఉంటుంది. ముఖ్యంగా మోటివేషనల్‌కు సంబంధించిన పుస్తకాలు చదవడంవల్ల మనలో ప్రేరణ కలుగుతుంది. ఒక్కసారి పుస్తకం చదవడం అలవాటు చేసుకుంటే ఆ తర్వాత మీలో వచ్చే మార్పును మీరే స్పష్టంగా గమనిస్తారు.
జీవితంలో అనుకున్నది సాధించాలంటే ముందుగా మన ఆరోగ్యం బాగుండాలి. కాబట్టి ఆరోగ్యం విషయంలో అన్ని జాగ్రత్తలు తీసుకోవాలి. కచ్చితంగా ఉదయం లేవగానే వ్యాయామం చేయాలి. ఆరోగ్యకరమైన ఆహారం మాత్రమే తీసుకోవాలి. రాత్రిళ్లు త్వరగా నిద్రపోవాలి. తక్కువ జబ్బులు పడేవారే ఎక్కువ పనిచేస్తారనే విషయాన్ని గుర్తించాలి.
మీరు ఏం సాధించదల్చుకున్న ముందుగా దాని గురించి పాజిటివ్‌గా ఆలోచించడం అలవాటు చేసుకోవాలి. పాజిటివ్‌ ఆలోచనలతో ఉండే వారితో మాత్రమే స్నేహం చేయాలి. కొందరు నిత్యం నెగెటివ్‌ కామెంట్స్‌తో విసిగిస్తుంటారు. అలాంటి వారితో స్నేహం చేస్తే మీరు కూడా నెగిటివ్‌గానే ఆలోచిస్తారు. కాబట్టి విజయానికి అడ్డంకిగా మారుతుంది.
అనవసరపు వాదనలకు దిగడంవల్ల మనుసులో చికాకు కలుగుతుంది. అక్కరకురాని ఆలోచనలతో సమయం వృథా అవుతుంది. కాబట్టి జీవితంలో విజయం సాధించాలంటే ఇతరులతో వాదనలకు దూరంగా ఉండటం ఉత్తమం. విజయం కోసం తపించేవాళ్లు వీలైనంత తక్కువగా వాదిస్తుంటారు. ఎదుటివాళ్ల మాటలు వాదించే పరిస్థితి తెచ్చినా వాదనలకు దూరంగా ఉంటారు.
