Turmeric Board | నిజామాబాద్ పసుపు పంటకు క్యాపిటల్ సిటీ : అమిత్ షా

Turmeric Board | 40 ఏళ్లుగా పసుపు బోర్డు కోసం పోరాడుతున్న రైతుల కల నేరవేరిందని, నిజామాబాద్ పసుపు పంటకు రాజధాని లాంటిదని కేంద్ర మంత్రి అమిత్ షా వెల్లడించారు. ఆదివారం తెలంగాణలో పసుపు బోర్డు కార్యాలయాన్ని ప్రారంభించి పసుపు ఉత్పత్తులను పరిశీలించారు. ఈ సందర్భంగా కేంద్ర మంత్రి మాట్లాడారు. తన చేతుల మీదుగా పసుపు బోర్డు ప్రారంభం కావడం అదృష్టంగా ఉందన్న అమిత్ షా.. పసుపు రైతులకు ఇచ్చిన హామీ మేరకు పసుపు బోర్డు ఏర్పాటు చేశామన్నారు. ఈ రోజు తనకు చాలా సంతోషంగా ఉందని చెప్పారు. పసుపు రైతుల సంక్షేమానికి కేంద్ర ప్రభుత్వం కట్టుబడి ఉంటుందని హామి ఇచ్చారు. దేశ ప్రజలు ఆరోగ్యంగా ఉండడానికి పసుపు కీలక పాత్ర పోషిస్తుందని తెలిపారు. పసుపు దివ్య ఔషధం లాంటిదని ఈ సంపద నిజామాబాద్ నుంచి ప్రపంచ దేశాలకు ఎగుమతి అవుతుందని తెలిపారు అమిత్ షా.. కార్యక్రమంలో అమిత్ షాతో పాటు రాష్ట్ర మంత్రులు తుమ్మల, సీతక్క, ఎంపీలు అరవింద్, లక్ష్మణ్, పసుపు బోర్డు చైర్మన్ పల్లె గంగారెడ్డి, స్థానిక ఎమ్మెల్యే, అధికారులు పాల్గొన్నారు.