ఐసీసీ టి20 క్రికెట్ ప్రపంచకప్(ICC T20 World Cup 2024)లో తలపడే 20 జట్లను నాలుగు గ్రూపులు ఎ, బి, సి, డి గా విభజించారు. ఒక్కో గ్రూప్లో ఐదేసి జట్లుంటాయి. లీగ్ దశ దాటాక, గ్రూప్లో మొదటి, రెండో స్థానాల్లో ఉన్న జట్లు సూపర్–8కి వెళతాయి. సూపర్–8లో మళ్లీ రెండు గ్రూప్లు ఏర్పడతాయి. గ్రూప్–1(Group- 1), గ్రూప్–2(Group 2). ఈ గ్రూప్ 1,2 ల్లో ఉండే జట్లు ఈ విధంగా ఉంటాయి.
గ్రూప్–1 : ఏ1, సి1, బి2, డి2 (Group 1: A1, C1, B2, D2)
గ్రూప్–2: బి1, డి1, ఏ2, సి2 (GROUP 2 : B1, D1, A2, C2)
ఐసీసీ సీడింగ్(ICC Seeding) వల్ల ఈ గ్రూపుల్లోనే ఓ మెలిక ఉంది. ఇంతకుముందు ప్రపంచకప్లలా కాకుండా, ఈసారి మొదటి రౌండ్(First Round : League Stage) ఫలితాల ప్రభావం లేకుండా ఐసీసీ ముందే జాగ్రత్తలు తీసుకుని సూపర్–8 జట్లను సీడింగ్ ద్వారా ముందే నిర్ణయించేసింది.
ఏంటీ ఐసీసీ సీడింగ్? What is ICC Seeding?
ప్రపంచకప్ టోర్నీకి ముందు ఐసిసి టి20 ర్యాంకింగ్స్ ఆధారంగా ఐసీసీ జట్లకు ఈ సీడింగ్ ఇచ్చింది. అంటే గత సంవత్సర కాలంగా మారుతున్న అంతర్జాతీయ టి20 మ్యాచ్ల ఫలితాలను బట్టి ఆయా జట్లకు ఐసిసి ర్యాంకులు కేటాయిస్తుందని మనకు ముందే తెలుసు. కాబట్టి కేవలం జట్ల మొదటి దశ(ఫస్ట్ రౌండ్) ఫలితాలను మాత్రమే దృష్టిలో ఉంచుకుంటే, ఆ జట్టు సామర్థ్యాన్ని తక్కువచేసినట్లవుతుందని భావించిన ఐసీసీ, ప్రపంచకప్ మొదలు కావడానికి ముందు రోజు ఐసిసి టి20 ర్యాంకింగ్స్(ICC T20 Rankings before World Cup) ఆధారంగా సూపర్–8లో జట్లకు సీడింగ్ ఇచ్చింది. దాని ప్రకారం, టి20 ప్రపంచకప్ సీడింగ్లు ఇలా ఉన్నాయి.
| సీడింగ్ | గ్రూప్–ఎ | గ్రూప్–బి | గ్రూప్–సి | గ్రూప్–డి |
| 1 | భారత్ | ఇంగ్లండ్ | న్యూజీలాండ్ | దక్షిణాఫ్రికా |
| 2 | పాకిస్తాన్ | అస్ట్రేలియా | వెస్టిండీస్ | శ్రీలంక |
| 3 | ఐర్లండ్ | నమీబియా | అఫ్ఘనిస్తాన్ | బంగ్లాదేశ్ |
| 4 | కెనడా | స్కాట్లాండ్ | ఉగాండా | నెదర్లాండ్స్ |
| 5 | అమెరికా | ఒమన్ | పపువా న్యూగినీ | నేపాల్ |
పై పట్టిక ప్రకారం, భారత్ ఏ1 గా ఉంది. ఫస్ట్ రౌండ్(లీగ్ దశ)లోనూ టాపర్గా ఉంది. పాకిస్తాన్ ఏ2 గా ఉంది. కానీ, పాకిస్తాన్ సూపర్–8లోకి ప్రవేశించలేకపోయింది కాబట్టి, సూపర్–8(సెకండ్ రౌండ్–రెండో దశ)లోకి ప్రవేశించిన అమెరికా ఏ2 అవుతుంది. అలాగే అస్ట్రేలియా లీగ్ దశలో నెంబర్ 1 గా ఉన్నా, ఇంగ్లండ్ రెండోస్థానంలో ఉన్నా, సీడింగ్లో అస్ట్రేలియా 2వ స్థానంలో ఉంది కాబట్టి, బి2 గానే ఆడుతుంది. ఇంగ్లండ్ బి1గానే ఆడుతుంది.
అలాగే పై సీడింగ్ల ప్రకారం సూపర్–8 మ్యాచ్ల షెడ్యూల్ ఈ విధంగా ఉంది. అందుకే 24వ తేదీ భారత్, అస్ట్రేలియా(India vs Australia)ల మధ్య మ్యాచ్ ముందే డిసైడ్ అయింది. ఒకవేళ గ్రూప్లోని టాప్ 2 జట్లలో ఏదైనా సూపర్–8కు అర్హత సాధించలేకపోతే, సాధించిన జట్టు ఆ స్థానాన్ని భర్తీ చేస్తుంది. అమెరికా, పాకిస్తాన్ను రీప్లేస్ చేసినట్లు. లీగ్ దశ (మొదటి రౌండ్) ముగిసేనాటికి ఇలా అన్ని స్థానాలూ భర్తీ అవుతాయి. ప్రస్తుతానికి పరిస్థితి ఈ కింది విధంగా ఉంది.
19.06.2024 – ఎ2 X డి1 (అమెరికా X దక్షిణాఫ్రికా )
20.06.2024 – బి1 X సి2 (వెస్టిండీస్ X సి2)
20.06.2024 – సి1 X ఎ1 (అఫ్ఘనిస్తాన్ X భారత్)
21.06.2024 – బి2 X డి2 (అస్ట్రేలియా X డి2)
21.06.2024 – బి1 X డి1 (డి1 X దక్షిణాఫ్రికా)
22.06.2024 – ఎ2 X సి2 (అమెరికా X వెస్టిండీస్)
22.06.2024 – ఎ1 X డి2 (భారత్ X డి2)
23.06.2024 – సి1 X బి2 (అఫ్ఘనిస్తాన్ X అస్ట్రేలియా)
23.06.2024 – ఎ2 X బి1 (అమెరికా X బి1)
24.06.2024 – సి2 X డి1 (వెస్టిండీస్ X దక్షిణాఫ్రికా)
24.06.2024 – బి2 X ఎ1 (అస్ట్రేలియా X భారత్)
25.06.2024 – సి1 X డి2(అఫ్ఘనిస్తాన్ X డి2)
ఇదీ లెక్క. ఇక్కడితో సూపర్–8 సమాప్తం. ఇక సెమీస్ మొదలు. ఈ సీడింగ్ పద్ధతి ఐసీసీ ఇంతకుముందే వాడింది. 2007, 2009, 2010, 2012లలో ఇదే పద్ధతిని అవలంబించింది. కానీ, తర్వాత మానేసి ఇప్పుడు మళ్లీ మొదటుపెట్టింది.