Gold Rates | పసిడి ధరలు కొనుగోలుదారులకు ఊరటనిచ్చాయి. ఇటీవల పెరుగుతూ వస్తున్న ధరలు తగ్గుముఖం పట్టింది. తాజాగా గురువారం బులియన్ మార్కెట్లో 22 క్యారెట్ల గోల్డ్పై రూ.550 తగ్గి.. తులానికి రూ.72,850కి చేరింది. ఇక 24 క్యారెట్ల బంగారంపై రూ.600 తగ్గి తులానికి రూ.79,470 పతనమైంది. వెండి ధర కిలోకు రూ.2వేలు తగ్గింది. ఇక దేశంలోని వివిధ నగరాల్లో బంగారం ధరలను పరిశీలిస్తే.. చెన్నైలో బంగారం 22 క్యారెట్ల తులానికి రూ.72,850 ఉండగా.. 24 క్యారెట్ల పసిడి రూ.79,470కి పతనమైంది. ఢిల్లీలో 22 క్యారెట్ల బంగారం రూ.73వేలు ఉండగా.. 24 క్యారెట్ల బంగారం రూ.79,620కి చేరింది. ముంబయిలో 22 క్యారెట్ల గోల్డ్ రూ.72,850 ఉండగా.. 24 క్యారెట్ల బంగారం రూ.79,470కి పతనమైంది.
హైదరాబాద్లో 22 క్యారెట్ల పసిడి రూ.72,850 ఉండగా.. 24 క్యారెట్ల పసిడి రూ.79,470 పలుకుతున్నది. ఏపీలోని విజయవాడ, విశాఖపట్నం, తిరుపతితో పాటు మిగతా అన్ని నగరాల్లోనూ ఇవే ధరలు పలుకుతున్నాయి. ఓ వైపు వెండి తగ్గుముఖంపట్టింది. కిలోకు రూ.2వేలు తగ్గి ఢిల్లీలో కిలో బంగారం ధర రూ.1.02లక్షలకు ఎగిసింది. ఇక హైదరాబాద్లో కిలో వెండి రూ.1.10లక్షలు పలుకుతున్నది. వాస్తవానికి బంగారం, వెండి ధరలు రాష్ట్రాలను బట్టి మారుతూ వస్తుంటాయి. ఆయా రాష్ట్రాల్లోని పన్నుల ఆధారంగా ధరలో తేడాలుంటాయి. అదే సమయంలో ప్రపంచవ్యాప్తంగా జరిగే వివిధ పరిణామాలపై ధర ఆధారపడి ఉంటుంది. అంతర్జాతీయంగా ధరలు పెరిగినా, తగ్గినా ఆ ప్రభావం భారత మార్కెట్లపై సైతం పడుతుంది. ద్రవ్యోల్బణం, సెంట్రల్ బ్యాంకుల నిర్ణయాలు, వడ్డీ రేట్లలో మార్పులు, మార్కెట్లలో బంగారానికి ఉన్న డిమాండ్ తదితర కారణాల నేపథ్యంలో బంగారం ధరలు మారుతూ వస్తుంటాయి. అలాగే, వివిధ దేశాల మధ్య జరిగే యుద్ధాలు సైతం ధరలపై ప్రభావం చూపుతుంది.