Ms Dhoni | క్రికెట్ అభిమానులకు ఎంఎస్ ధోని పేరు అంటే ఓ ప్రత్యేకమైన ఎమోషన్. క్రీడాకారుడిగా ఎంత గంభీరంగా, కూల్‌గా కనిపిస్తాడో… వ్యక్తిగతంగా అంత సరదాగా ఉండే వ్యక్తి ధోని. గ్రౌండ్‌ వెలుపల కుటుంబంతో, స్నేహితులతో సరదాగా గడుపుతూ కనిపించే ఆయన తాజాగా ఓ పెళ్లి వేడుకలో పాల్గొన్నారు. ఆ వేడుకలో వధూవరులను ఉద్దేశించి చేసిన ఫన్నీ కామెంట్స్ సోషల్ మీడియాలో వైరల్ అవుతున్నాయి. ప్ర‌స్తుతం వైరల్ అవుతున్న వీడియో ధోని అభిమానుల‌ని ఎంత‌గానో ఆక‌ట్టుకుంటుంది.
తాజాగా నెట్టింట చ‌క్క‌ర్లు కొడుతున్న వీడియోలో ధోని వేదికపై నిలబడి నూతన వధూవరులను ఉద్దేశించి మాట్లాడాడు. వరుడిని చూశాక ధోని నవ్వుతూ, “కొంత మంది నిప్పుతో చెలగాటమాడాలని అనుకుంటారు… వారిలో ఉత్కర్ష్ (వరుడు) ఒకరు!”అని అన్నాడు. ఈ ఒక్క లైన్‌తోనే అక్కడ వాతావరణం నవ్వులతో మార్మోగిపోయింది. దాంతో ఆగకుండా ధోని మరో లెవల్ కామెడీ బాంబ్ పేల్చాడు. నన్ను మాత్రం మినహాయింపు అనుకోకండి. నా భార్య కూడా అంతే ! ఇక్కడ ఉన్న భర్తలందరి పరిస్థితి కూడా ఇలాగే ఉంటుంది. నువ్వు వరల్డ్ కప్ గెలిచావా… లేదా… అనేది అసలు మ్యాటర్ కాదు!” ధోని ఇలా చెప్పగానే వేడుకలో ఉన్నవారు అంతా తెగ న‌వ్వుకున్నారు.
ఆ తర్వాత వధువుకు మిస్టర్ కూల్ ఇచ్చిన సింపుల్ సలహా ఏంటంటే.. “భర్త కోపంగా ఉన్నప్పుడు ఏమీ అనకండి. భర్తల కోపం ఐదు నిమిషాల్లో చల్లారిపోతుంది. వారికి ఎన్నో టెన్షన్లు ఉంటాయి… అర్థం చేసుకోండి అని సూచించాడు. ఈ మాటలకు అక్కడున్న వారంతా చప్పట్లతో స్పందించారు. వీడియో వైరల్ కావడం వెంటనే కామెంట్ల వ‌ర్షం కురుస్తుంది. “ధోనీ భయ్యా… నువ్వూ మాలో ఒకడివా?”, “మిస్టర్ కూల్ కంటే మిస్టర్ కామెడీ బెటర్!”, “ధోని అన్నది నిజం… అన్ని హస్బెండ్ల పరిస్థితి ఇదే”, అంటూ నెటిజన్లు సరదాగా కామెంట్ చేస్తున్నారు. ఈ పెళ్లి వేడుక ఎప్పుడు జరిగిందో, ఎక్కడ జరిగిందో స్పష్టంగా తెలియలేదు.అయితే వీడియో వెలుగులోకి రావడంతో నిమిషాల వ్యవధిలోనే సోషల్ మీడియాలో హాట్ టాపిక్‌గా మారింది.
Captain cool turning into Husband School 😭❤️ pic.twitter.com/tt7nD0I9Uf
— Professor Sahab (@ProfesorSahab) November 27, 2025