హైదరాబాద్, సెప్టెంబర్5(విధాత): మంత్రి సీతక్కను శుక్రవారం ప్రజాభవన్‌లో ఇస్కాన్ ప్రతినిధులు మర్యాదపూర్వకంగా కలిశారు.
సిరిసిల్ల జిల్లా లోనీ నేరెళ్ల గ్రామంలో 18 ఎకరాల్లో నిర్మిస్తున్న ఇస్కాన్ ప్రాజెక్టుకు రహదారి మార్గం కల్పించాలని మంత్రి సీతక్కకి ఇస్కాన్ బృంద సభ్యులు విజ్ఞప్తి చేశారు.
నేరెళ్లలో గోశాల, అన్నదాన సత్రం, సేంద్రియ వ్యవసాయ పద్ధతులు శిక్షణ, సోలార్ విద్యుత్, సాలిడ్ వాటర్ వేస్ట్ మేనేజ్మెంట్ తోపాటు ఆధ్యాత్మిక కార్యక్రమాలు చేపట్టనున్నట్లు వెల్లడించారు. ఆ ప్రాజెక్ట్‌కు రహదారి వసతి కల్పించాలని మంత్రికి విజ్ఞప్తి చేశారు.
ఇస్కాన్ బృందం విజ్ఞప్తికి సానుకూలంగా స్పందించిన మంత్రి సీతక్క రహదారి నిర్మాణం కోసం ప్రతిపాదనలు సిద్ధం చేయాలని పీఆర్ ఈఎన్‌సీకి ఆదేశాలు జారీ చేశారు.