Silver Gifts | హిందు ధ‌ర్మంలో బంగారం( Gold ), వెండి( Silver )కి అత్య‌ధిక ప్రాముఖ్య‌త ఇస్తారు. బంగారం, వెండితో త‌యారు చేసిన దేవ‌త విగ్ర‌హాల‌ను పూజిస్తుంటారు. అయితే వెండితో త‌యారు చేసిన కొన్ని వ‌స్తువుల‌ను ఇతరులకు దానం చేయ‌డం లేదా బహుమతిగా ఇవ్వడం ద్వారా అదృష్టం వ‌రిస్తుంద‌ని జ్యోతిష్య పండితులు చెబుతున్నారు. అంటే దానం చేసిన ఇంట్లో సిరిసంప‌ద‌లు, సుఖ సంతోషాలు వెల్లివిరుస్తాయ‌ని పేర్కొంటున్నారు. మ‌రి దానం చేయాల్సిన ఆ వెండి వస్తువులు ఏంటో తెలుసుకుందాం..
వెండి నాణెం..
వెండి నాణెం ఇతరులకు బ‌హుమ‌తి ఇవ్వడం వల్ల ఆ ఇంట్లో ల‌క్ష్మీదేవి అనుగ్ర‌హం క‌లుగుతుంద‌ట. ధ‌న సంబంధిత కష్టాలు తొల‌గిపోయి.. సిరిసంప‌ద‌లు పెరుగుతాయ‌ని పండితులు చెబుతున్నారు. వెండి నాణెంను పూజ‌కు ఉప‌యోగించినా.. శుభ‌ఫ‌లితాలు క‌లుగుతాయ‌ట. ఇది ధ‌న ప్రాప్తికి సూచ‌కంగా ప‌రిగ‌ణించ‌బ‌డుతుంది.
వెండి వినాయకుడు..
వెండి వినాయకుడిని బహుమతిగా ఇచ్చినప్పుడు జీవితంలో ఉన్న ఆటంకాలు, కష్టాలు తొల‌గిపోతాయ‌ట. వినాయకుడు విఘ్నాలను తొలగించి సుఖాన్ని అందించే దైవంగా భావించబడతాడు. కాబ‌ట్టి ఈ రూపం ఇవ్వడం వల్ల ఆ వ్యక్తికి విజయం, సంతోషం లభిస్తాయని పండితులు చెబుతున్నారు.
వెండి పెన్ను..
చ‌దువుకునే విద్యార్థుల‌కు వెండి పెన్ను బహుమతిగా ఇచ్చిన‌ట్లు అయితే ఇచ్చిన వారికి జ్ఞానం పెరుగుతుంద‌ట. ఏకాగ్ర‌త పెరిగి.. ఆ ఇంట్లో ఉన్న పిల్ల‌లు చ‌దువుల్లో గొప్ప‌గా రాణిస్తార‌ట. చిత్త‌శుద్ధి కూడా పెరుగుతుంద‌ట. చదువు, రచనల్లో ఉన్నవారికి ఇది శుభదాయకంగా మారుతుంద‌ని పండితులు చెబుతున్నారు.
వెండి ఆవు..
వెండితో త‌యారు చేసిన ఆవు, దూడను ఎవరికైనా బహుమతిగా ఇచ్చినట్లయితే వారి కుటుంబంలో సంతోషం పెరుగుతుంద‌ట. కుటుంబ సభ్యుల మధ్య ప్రేమ పెరిగి, అనుబంధాలు బలపడతాయ‌ట. ఇది ఓ సాంప్రదాయిక శుభ చిహ్నంగా పరిగణించబడుతుంద‌ని పండితులు సూచిస్తున్నారు.
వెండి కుండలు..
వెండి కుండలు బహుమతిగా ఇచ్చినప్పుడు సానుకూల శక్తి మన గృహంలోకి ప్ర‌వేశిస్తుంద‌ట. ఇది ధనప్రాప్తికి సహాయపడుతుంద‌ట. ఇంట్లో సానుకూల శక్తి పెరిగి శాంతి చోటుచేసుకుంటుంద‌ట. ఇది ఒక సంపద యోగానికి సూచనగా భావించబడుతుంద‌ని పండితులు పేర్కొంటున్నారు.
ఈ ఐదు వెండి వస్తువులు శుభాన్ని, సంతోషాన్ని, ధనాన్ని అందించే విధంగా ఉంటాయి. సత్యం, శ్రద్ధతో ఇతరులకు ఇవి బహుమతిగా ఇస్తే జీవితంలో మంచి మార్పులు వస్తాయని పండితులు చెబుతున్నారు.