Allu Arjun | ఐకాన్ స్టార్ అల్లు అర్జున్, స్టార్ దర్శకుడు లోకేష్ కనగరాజ్ కలయికలో రూపొందనున్న కొత్త చిత్రం ఇంకా సెట్స్పైకి వెళ్లకముందే ఇండస్ట్రీలో హాట్ టాపిక్గా మారింది. #AA23గా పిలుస్తున్న ఈ ప్రాజెక్ట్కు సంబంధించిన అనౌన్స్మెంట్ వీడియో విడుదలైన క్షణం నుంచే ఇది సినీ అభిమానుల దృష్టిని పూర్తిగా ఆకర్షించింది. కథా వివరాలు బయటకు రాకపోయినా, ప్రెజెంటేషన్ మాత్రం ఈ సినిమాపై అంచనాలను అమాంతం పెంచేసింది. ప్రకటన వీడియోలో కనిపించిన స్టైలిష్ విజువల్స్తో పాటు, సంగీత దర్శకుడు అనిరుధ్ అందించిన పవర్ఫుల్ బ్యాక్గ్రౌండ్ మ్యూజిక్ సోషల్ మీడియాలో ట్రెండ్గా మారింది. ముఖ్యంగా ఇన్స్టాగ్రామ్లో ఈ థీమ్ మ్యూజిక్తో అభిమానులు వరుసగా రీల్స్ చేస్తున్నారు.
సినిమా షూటింగ్ మొదలవ్వకముందే అనౌన్స్మెంట్ మ్యూజిక్ ఆధారంగా లక్షల సంఖ్యలో రీల్స్ రావడం ప్రస్తుతం టాలీవుడ్, కోలీవుడ్ రెండింట్లోనూ చర్చనీయాంశంగా మారింది. ఇప్పటికే #AA23 అనౌన్స్మెంట్ థీమ్పై 3.55 లక్షలకు పైగా రీల్స్ రూపొందడం విశేషం. దీంతో ఎలాంటి సింగిల్, టీజర్ లేదా గ్లింప్స్ లేకుండానే ఈ సినిమా సోషల్ మీడియా వేదికగా ఒక అరుదైన రికార్డును సొంతం చేసుకుంది. సినిమా ప్రకటనకు సంబంధించిన మ్యూజిక్కి ఇంత స్థాయి స్పందన రావడం ఇదే తొలిసారి కావడంతో ఇండస్ట్రీ వర్గాలు కూడా ఆశ్చర్యం వ్యక్తం చేస్తున్నాయి.
డిజిటల్ యుగంలో సినిమా ప్రారంభ దశ నుంచే ప్రేక్షకులను ఆకట్టుకోవడం కీలకంగా మారింది. ఆ విషయంలో #AA23 టీమ్ పర్ఫెక్ట్ మార్క్ కొట్టిందని చెప్పవచ్చు. అంతేకాదు, ఈ సినిమా లోకేష్ కనగరాజ్ కలల ప్రాజెక్ట్గా చెబుతున్న ఓ స్పెషల్ కథ ఆధారంగా తెరకెక్కనుందనే ప్రచారం కూడా ఆసక్తిని పెంచుతోంది.
ఈ భారీ బడ్జెట్ సినిమాను ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తోంది. అల్లు అర్జున్కి ఉన్న పాన్ ఇండియా క్రేజ్, లోకేష్ కనగరాజ్ యాక్షన్ టచ్ కలిస్తే ఎలాంటి మ్యాజిక్ జరుగుతుందో చూడాలని అభిమానులు ఇప్పటికే ఎదురుచూస్తున్నారు. షూటింగ్ ప్రారంభానికి ముందే ఇంతటి క్రేజ్ దక్కడం, ఈ సినిమా రాబోయే రోజుల్లో బాక్సాఫీస్ దగ్గర ఎంత పెద్ద సంచలనం సృష్టించబోతోందో ముందే సూచిస్తున్నట్టు కనిపిస్తోంది.