కుటుంబ అనుబంధం, ప్రేమ అంటే బహుశా తెలియని ఫ్యామిలీలో పెరగడం వల్ల సాడిజం, సైకో ప్రవృత్తి అలవాటయ్యుంటాయి. అన్నట్లు ఈయన గారి అన్న కూడా యూట్యూబరే. తను ఫ్యాషన్ ట్రెండ్స్పై టిప్స్, ట్రిక్స్ ఇస్తూ విడియోలు చేస్తుంటాడు. గత కొన్ని రోజుల క్రితం ఎవరో అమెరికా వాళ్లు షేర్ చేసిన తండ్రీకూతుళ్ల విడియో(Father-Daughter video)పై అసభ్యంగా కారుకూతలు కూసారు ఈ రోస్టింగ్ బ్యాచ్(Roasting Video). వావీవరుసలు కూడా తెలియకుండా మాట్లాడే ఇలాంటి వెధవలను కన్న తల్లిదండ్రులు ఆత్మహత్య చేసుకోవాల్సిన విషయం ఇది. పిడోఫిలియా-Pedophilia (పిల్లల పట్ల లైంగిక ఆకర్షణ) అనే ఒకరకమైన మానసిక జాఢ్యాన్ని ఆపాదిస్తూ, నీచమైన వ్యాఖ్యలు చేసారు ఆ ముగ్గురు. యూట్యూబ్(Youtube)లో లక్షా డెబ్భైవేలు, ఇన్స్టా(Instagram)లో 55వేలు ఖాతాదారులున్నారు. ఉంటారు కూడా.. విషయం అట్టుంటది మరి ప్రణీత్తోని.
ఈ విడియోను మొట్టమొదటగా సభ్యసమాజం దృష్టికి తీసుకొచ్చింది సినీ హీరో సాయి ధరమ్ తేజ్(Hero Sai Dharam Tej). ఆయనే దీన్ని పోలీసులకు, ముఖ్యమంత్రికి, డిజిపికి, మంత్రి సీతక్కకు ట్యాగ్ చేసాడు. దాంతో విపరీతంగా వైరల్ అయిన ఈ రోస్టింగ్ వీడియోను చూసిన ప్రతీ ఒక్కరూ ఛీత్కరించారు. మానవ సమాజంలో బతికే అర్హత ఈ ప్రణీత్ అనే వాడికి లేదని విమర్శించారు. ముఖ్యమంత్రి(CM of Telangana) కూడా తీవ్రంగా స్పందించి, పోలీసులకు వారిని అరెస్టు చేయాల్సిందిగా ఆదేశించారు. అమెరికాకు పారిపోదామనుకున్న ఈ సైకోను తెలంగాణ పోలీసులు బెంగళూరు విమానాశ్రయంలో అరెస్టు చేసి తీసుకొచ్చారు.Praneet arrested in Bengaluru.
రోస్టింగ్ అంటే(Roasting)… ఎవరినైనా నీచంగా విమర్శించడం. ఏదైనా ఒక విడియోనో, ఫోటోనో పట్టుకుని ఇద్దరు ముగ్గురు కలిసి, దానిపై అసహ్యంగా కామెంట్లు చేయడం. ఇది ఈ మధ్య బాగా పాపులర్ అవుతోన్న ట్రెండ్. ఇదోరకం సైబర్ బుల్లీయింగ్- Cyber Bullying (సాంకేతికత సహాయంతో ఒక వ్యక్తిని లక్ష్యంగా చేసుకుని వేధించడం) అయితే దేన్ని అతి చేయకుండా ఉండటం మనవాళ్లకు అలవాటు లేదు కాబట్టి, అత్యంత నీచమైన రోస్టింగ్ విడియోలు(Highest Hate Roasting Videos from India) భారత్లోనే తయారవుతున్నాయని ఇంటర్నెట్ గణాంకాలు చెబుతున్నాయి.
ప్రణీత్ కుటుంబం విషయానికొస్తే, ఆశ్చర్యకరంగా తండ్రి ఒక ఐఏఎస్ అధికారి(IAS Officer Arun Kumar, 2004 Batch). పేరు అరుణ్కుమార్. నిన్నమొన్నటి వరకు ఆయన ఆంధ్రప్రదేశ్లో విధులు నిర్వర్తించారని తెలుస్తోంది. ఈ ఘటనపై ఆయన నుండి ఎటువంటి స్పందనా వ్యక్తం కాలేదు. ప్రణీత్ అన్నయ్య అజయ్ హనుమంతు. ఇతనికి కూడా ఏయ్ జూడ్ (AyeJude) అనే ఓ యూట్యూబ్ చానెల్ ఉంది. అందులో ఫ్యాషన్ ట్రెండ్స్పై టిప్స్, ట్రిక్స్, స్టైలింగ్ గురించి విడియోలు పెడుతుంటాడు. తండ్రి అంత పెద్ద అధికారయినప్పుడు వీరిద్దరికెందుకో ఈ దిక్కుమాలిన రోగం. ఏం చదువుకున్నారో తెలియదు. అదేం నేర్పిందో తెలియదు.
అన్నట్లు, ఈ మహానుభావుడు కొన్ని సినిమాల్లో చిన్న చిన్న పాత్రలు కూడా ధరించాడు. సుధీర్ బాబు సినిమా ‘హరోం హర'(Harom Hara), అంతకంటే ముందు ఆహా ఓటీటీలో విడుదల అయిన ఫిల్మ్ ‘మై డియర్ దొంగ'(My dear Donga)లో ఓ పాత్ర పోషించాడు. ‘కీడా కోలా'(Keeda Cola) కు దర్శక నటుడు తరుణ్ భాస్కర్ దాస్యం(Tharun Bhascker Dhaassyam – స్పెల్లింగ్ చూసి కంగారు పడకండి.. అది తరుణ్ భాస్కర్ దాస్యమే.. న్యూమరాలజీ అనుకుందాం) చేసిన ప్రమోషనల్ వీడియో కూడా ఈ గురువుగారి సృష్టే. ప్రణీత్ సేవలను ఉపయోగించుకున్న నటులు సుధీర్బాబు, కార్తికేయ తర్వాత ప్రణీత్ సాడిజాన్ని ఖండిస్తూ, ప్రజలకు సారీ చెప్పారు. వీడు ఇటువంటివాడు అని తెలియక ఇంటర్వ్యూలు ఇచ్చామని, తన సినిమాల ప్రమోషన్ కోసమే తప్ప వేరే ఉద్దేశ్యం తమకు లేదని తెలిపారు.
ఇంత జరిగినా, పశ్చాత్తాపం లేని ప్రణీత్ మళ్లీ ఓ విడియో విడుదల చేసి, క్షమాపణ కోరుతున్నట్లుగా నటిస్తూ, తనది డార్క్ హ్యుమర్గా సమర్థించుకునే ప్రయత్నం చేసాడు. తన యూట్యూబ్ చానెల్లో తన గురించి పెట్టుకున్న About కామెంట్ ఏంటో తెలుసా? Alter ego of Praneeth Hanumantu. Unapologetically crowd pleasing content to satisfy the attention whore in me. (అంటే, ప్రణీత్ మరో వ్యక్తిత్వం ఏంటంటే, ఎటువంటి పశ్చాత్తాపం లేకుండా కేవలం ప్రశంసల కోసం, చూసేవారికి అత్యంత ఆకర్షణీయమైన విషయాన్ని అందించేవాడు) . చూసారు కదా.. ఇదీ అతని మెంటాలిటీ. ఇప్పుడింకా అతన్ని జనాలు విపరీతంగా అసహ్యించుకుంటున్నారు. కోర్టు అతనికి 14రోజుల రిమాండ్(14 Days of Remand) విధించింది. కానీ, తర్వాత ఏం జరుగుతుందో మనకు తెలియదు.
నిజానికి ఇటువంటి వికృత పోకడలకు ఆజ్యం పోసింది “ఈనాడు”(Eenadu) సంస్థలు కావడం శోచనీయం. ఉషాకిరణ్ మూవీస్ బ్యానర్ కింద అప్పుడెప్పుడో పదో తరగతి పిల్లల పాత్రలతో ప్రేమ, కడుపు కథతో ‘చిత్రం’(Chitram Movie) సినిమా తీసి, ట్రెండ్గా చెప్పుకున్న ఆ సంస్థ, తన ఈటీవీ ద్వారా, మల్లెమాల ప్రొడక్షన్స్ నిర్మించి(స్తు)న్న ‘జబర్దస్త్’(Jabardasth) అనే అసహ్యమైన కార్యక్రమం కూడా ప్రసారం చేస్తూ, అసభ్య, అనైతిక, అసహ్యకర మాటలకు ఆదిగురువయింది. ఇప్పటికీ జబర్దస్త్ మీద ఎన్ని విమర్శలు, కోర్టు అక్షింతలూ పడ్డప్పటికీ నిరాటంకంగా సాగుతోంది ఈ కార్యక్రమం. ఇదే సినిమా నటులు ఆ ప్రోగ్రాంకు అతిథులుగా వస్తూ, ఇలాంటివాటిని ఎంకరేజ్ చేస్తుంటారు. ఇదే మన దరిద్రం. సోషల్ మీడియా ఎన్ని రకాలుగా మనుషులపై విషం చిమ్ముతోందో తెలియడానికి ప్రణీత్ సంఘటన ఒక ఉదాహరణ.