హైదరాబాద్: peacock feather harassment | జూబ్లీహిల్స్ ప్రాంతంలో మహిళలను బహిరంగంగా వేధించిన ఘటన దేశవ్యాప్తంగా ఆగ్రహం రేపుతోంది. ముగ్గురు యువకులు బైక్‌పై వచ్చి, స్కూటర్పై వెళుతున్న మహిళలను నెమలి ఈకతో తాకుతూ అనుచితంగా వేధించగా, ఒక ధైర్యవంతుడైన పౌరుడు జోక్యం చేసుకోవడంతో వీడియో సోషల్ మీడియాలో వైరల్ అయింది.
ఘటన ఎలా జరిగింది?
ఈ సంఘటన జూబ్లీహిల్స్ నీరూస్ సిగ్నల్ దగ్గర చోటుచేసుకుంది. ముగ్గురు యువకులు, స్కూటర్పై వెళుతున్న ఇద్దరు యువతులను బైక్‌పై అనుసరిస్తూ, నెమలి ఈకతో వారిని తాకే ప్రయత్నం చేశారు. ఈ దృశ్యాన్ని వెనుకే కారులో వస్తున్న అనికేత్ శెట్టి అనే వ్యక్తి గుర్తించి, తన భార్యతో ప్రశ్నించాడు.
వీడియోలో “ఏయ్, ఏమి చేస్తున్నావ్? ఎందుకు వేధిస్తున్నావ్ వీరిని?” అని అనికేత్ అరవడం స్పష్టంగా వినిపించాయి.
అనికేత్ భార్య రికార్డు చేసిన ఈ ఘటనలో, బైక్ నంబర్ ప్లేట్ కూడా స్పష్టంగా ఉంది. తరువాత ఈ వీడియోను అనికేత్ శెట్టి సోషల్ మీడియాలో పోస్ట్ చేస్తూ, హైదరాబాద్ పోలీసులను ట్యాగ్ చేశారు. వెంటనే సైబరాబాద్ ట్రాఫిక్ పోలీసులు స్పందించి చర్యలు తీసుకుంటామని హామీ ఇచ్చారు. వీడియో చూడండి:
Bike no. TS 13 ES 1865@CPHydCity @hydcitypolice
These 3 pieces of shit were following the girls in front of them and touching them with the peacock feather till I pulled down the window & yelled at them. Would’ve chased them further but the car in front of me didn’t give way pic.twitter.com/pqtOdnSKTr
— Aniketh Shetty (@AnikethShetty1) August 25, 2025
తాజాగా మాధాపూర్ పోలీసులు, “ముగ్గురు నిందితులను గుర్తించాము. వారిని అదుపులోకి తీసుకున్నాం. సుమోటో కేసు నమోదు చేసి దర్యాప్తు చేస్తున్నాం” అని అధికారికంగా ప్రకటించారు.
ప్రజల ప్రతిస్పందన
- పలువురు నెటిజన్లు అనికేత్ శెట్టి ధైర్యాన్ని అభినందించారు.
- “ఇలాంటి రహదారి రాక్షసులను కఠినంగా శిక్షించాలి. మహిళలపై వేధింపులు వినోదం కాదు – ఇది నేరం” అని వ్యాఖ్యానించారు.
- “ఇలాంటి ఘటనల వల్లే దేశం పేరు చెడిపోతుంది. అమ్మాయిలు రాత్రిళ్లు బయట తిరగడానికి భయపడతారు” అని మరో యూజర్ అన్నాడు.
- “నంబర్ ప్లేట్ రికార్డ్ చేసిన ఆ మహిళ ధైర్యానికి హ్యాట్సాఫ్. ఇప్పుడు పోలీసులు వీరిపై కఠిన చర్యలు తీసుకోవచ్చు” అని ఒకరు పేర్కొన్నారు.