Gaddar Awards 2025 Winners List: Naga Chaitanya Best Actor, ‘Raju Weds Rambai’ Best Film
తెలంగాణ ప్రభుత్వం 2025 సంవత్సరానికి గాను ప్రతిష్టాత్మక గద్దర్ ఫిల్మ్ అవార్డ్స్ను ప్రకటించింది. మెగాస్టార్ చిరంజీవికి ఎన్టీఆర్ నేషనల్ అవార్డు, విశ్వనటుడు కమల్ హాసన్కు పైడి జయరాజ్ అవార్డు ప్రకటించారు. ఇక రాజు వెడ్స్ రాంబాయి ఉత్తమ చిత్రంగా నిలిచింది. నాగ చైతన్య (తండేల్) ఉత్తమ నటుడిగా, రష్మిక మందన్న (ది గర్ల్ ఫ్రెండ్) ఉత్తమ నటిగా ఎంపికయ్యారు. తెలుగు సినిమా రంగానికి విశిష్ట సేవలు చేసిన పలువురు సినీ ప్రముఖులకు ఈ అవార్డులు ప్రకటించడంతో టాలీవుడ్లో ఆనంద వాతావరణం నెలకొంది.
విధాత వినోదం డెస్క్ | 7 మార్చి 2026 | హైదరాబాద్:
తెలంగాణ రాష్ట్ర ప్రభుత్వం 2025 సంవత్సరానికి గాను ప్రతిష్టాత్మక గద్దర్ ఫిల్మ్ అవార్డ్స్ ను అధికారికంగా ప్రకటించింది. ప్రజా గాయకుడు గద్దర్ స్మారకార్థం ప్రారంభించిన ఈ అవార్డులు తెలుగు సినిమా రంగానికి చేసిన విశిష్ట సేవలను గుర్తిస్తూ అందజేస్తున్నారు. ఈసారి ప్రకటించిన జాబితాలో పలువురు సినీ దిగ్గజాలకు అరుదైన గౌరవం దక్కడం విశేషంగా నిలిచింది.
తెలుగు సినీ పరిశ్రమకు చేసిన అపూర్వ సేవలను గుర్తిస్తూ మెగాస్టార్ చిరంజీవికి ఎన్టీఆర్ నేషనల్ అవార్డు ప్రకటించారు. దశాబ్దాలుగా తెలుగు సినిమాకు ఆయన అందించిన సేవలకు గాను ఈ గౌరవాన్ని తెలంగాణ ప్రభుత్వం ప్రకటించింది. ఇదే సందర్భంలో భారతీయ సినీ రంగంలో తన నటనతో ప్రత్యేక గుర్తింపు పొందిన విశ్వనటుడు కమల్ హాసన్కు పైడి జయరాజ్ అవార్డు ప్రకటించారు.
గద్దర్ ఫిల్మ్ అవార్డ్స్ 2025లో మెగాస్టార్ చిరంజీవిని ఎన్టీఆర్ లెజెండరీ అవార్డుకు, విశ్వనటుడు కమల్ హాసన్ను పైడి జయరాజ్ అవార్డుకు ఎంపిక చేసినట్లు ప్రకటించారు.
అదే విధంగా ప్రముఖ నటి జయసుధకు అక్కినేని నేషనల్ అవార్డు, ప్రముఖ నిర్మాత అశ్వినీదత్కు నాగిరెడ్డి–చక్రపాణి అవార్డు, ప్రఖ్యాత దర్శకుడు సింగీతం శ్రీనివాసరావుకు జీవన రెడ్డి అవార్డు, నటుడు ఆర్. నారాయణమూర్తికి కాంతారావు అవార్డు, నిర్మాత రమేష్ ప్రసాద్కు రఘుపతి వెంకయ్య అవార్డు ప్రకటించారు. ప్రముఖ గేయ రచయిత సుద్దాల అశోక్ తేజకు సినారె అవార్డు ఇవ్వనున్నట్లు ప్రభుత్వం వెల్లడించింది.
ఈ అవార్డుల ఎంపికకు సంబంధించిన స్పెషల్ జ్యూరీ వివరాలను ప్రముఖ నిర్మాత తమ్మారెడ్డి భరద్వాజ అధికారికంగా వెల్లడించారు. సినీ రంగంలో విశిష్ట కృషి చేసిన వారిని గుర్తించి ఈ అవార్డులను ప్రదానం చేస్తున్నట్లు ఆయన తెలిపారు. తెలంగాణ ప్రభుత్వం ప్రకటించిన ఈ గద్దర్ పురస్కారాలు తెలుగు సినిమా రంగానికి మరింత ప్రోత్సాహాన్ని అందిస్తాయని సినీ వర్గాలు భావిస్తున్నాయి. సినీ దిగ్గజాలకు ఇలాంటి గౌరవాలు లభించడం పరిశ్రమకు గర్వకారణమని పలువురు ప్రముఖులు అభిప్రాయం వ్యక్తం చేస్తున్నారు.
గద్దర్ అవార్డులు – 2025 జాబితా
ఎన్టీఆర్ నేషనల్ అవార్డు – చిరంజీవి
అక్కినేని నేషనల్ అవార్డు – జయసుధ
పైడి జయరాజ్ అవార్డు – కమల్ హాసన్
నాగిరెడ్డి, చక్రపాణి అవార్డు – అశ్వినీదత్
జీవన రెడ్డి అవార్డు – సింగీతం శ్రీనివాసరావు
కాంతారావు అవార్డు – ఆర్ నారాయణమూర్తి
రఘుపతి వెంకయ్య అవార్డు – రమేష్ ప్రసాద్
సినారె అవార్డు – సుద్దాల అశోక్ తేజ
ఉత్తమ చిత్రం – రాజు వెడ్స్ రాంబాయి
ద్వితీయ ఉత్తమ చిత్రం – దండోరా
తృతీయ ఉత్తమ చిత్రం – ద ప్రీ వెడ్డింగ్ షో
ఉత్తమ నటుడు – నాగచైతన్య (తండేల్)
ఉత్తమ నటి – రష్మిక మందాన (ద గర్ల్ ఫ్రెండ్)
జాతీయ సమైక్యతా భావం పెంచే సినిమా – తండేల్
ఉత్తమ పర్యావరణ చిత్రం – ఇగ్వా
ఉత్తమ వినోదాత్మక చిత్రం – సంక్రాంతికి వస్తున్నాం
ఉత్తమ నటుడు – నాగ చైతన్య (తండేల్)
ఉత్తమ నటి – రష్మిక మందన్న (ది గర్ల్ ఫ్రెండ్)
ఉత్తమ చిత్రం – రాజు వెడ్స్ రాంబాయి
ఉత్తమ ద్వితీయ చిత్రం – దండోరా
ఉత్తమ తృతీయ చిత్రం – ది ప్రీ వెడ్డింగ్ షో
నేషనల్ ఇంటిగ్రిటీ సినిమా – తండేల్
ఉత్తమ పర్యావరణ చిత్రం – ఇగ్వా
ఉత్తమ డెబ్యూ ఫీచర్ ఫిల్మ్ – లిటిల్ హార్డ్స్
ఉత్తమ వినోదాత్మక చిత్రం – సంక్రాంతికి వస్తున్నాం
ఉత్తమ సోషల్ మెసేజ్ చిత్రం – కోర్టు
ఉత్తమ స్పెషల్ ఎఫెక్ట్స్ మూవీ – మిరాయ్
ఉత్తమ బాలల చిత్రం – అనగనగనా
ఉత్తమ దర్శకుడు – సాయిలు (రాజు వెడ్స్ రాంబాయి)
ఉత్తమ సపోర్టింగ్ నటుడు – శివాజీ
ఉత్తమ సపోర్టింగ్ నటి- భూమిక
ఉత్తమ సంగీత దర్శకుడు – మార్క్ కె రాబిన్ (దండోరా)
ఉత్తమ నేపథ్య గాయకుడు – అనురాగ్ (రాజు వెడ్స్ రాంబాయి)
ఉత్తమ నేపథ్య గాయని – సాహితి చాగంటి (కన్నప్ప)
ఉత్తమ హాస్యనటుడు – కృష్ణ తేజ (జిగ్రీస్)
ఉత్తమ బాలనటుడు – రోహన్ రాయ్ (ప్రీ వెడ్డింగ్ షో)
ఉత్తమ కథా రచయిత – గుణశేఖర్ (యుఫోరియా)
ఉత్తమ స్క్రీన్ ప్లే రైటర్ – అనిల్ రావిపూడి
ఉత్తమ గేయ రచయిత – నందకిశోర్ (కుబేర)
ఉత్తమ సినిమాటోగ్రాఫర్ – కార్తిక్ ఘట్టమనేని (మిరాయ్)
ఉత్తమ ఎడిటర్- శ్రీకర్ ప్రసాద్ (మిరాయ్)
ఉత్తమ ఆడియోగ్రాఫర్ – ఎం.ఆర్ రాధాకృష్ణన్ కిష్కిందపురి
ఉత్తమ కొరియోగ్రాఫర్ – గిర గిర గిర.. (చాంపియన్)
ఉత్తమ ఆర్ట్ డైరక్టర్ – తోట తరణి ఛాంపియన్
ఉత్తమ మేకప్ ఆర్టిస్ట్ – గోవింద్ అఖండ
ఉత్తమ కాస్ట్యూమ్ డిజైనర్ – చాంపియన్ – చంద్రకాంత్
ఉత్తమ స్పెషల్ జ్యూరీ ఫిల్మ్ – 23
ఉత్తమ మేల్ యాక్టర్ – చైతూ జొన్నలగడ్డ (రాజు వెడ్స్ రాంబాయి)
ఉత్తమ నటి – అనంతిక (8 వసంతాలు)
స్పెషల్ జ్యూరీ హీరో – రోషన్ (చాంపియన్)