బాలీవుడ్ సోషలైట్, సోషల్ మీడియా లో హల్ చల్ చేసే ఒరే అలియాస్ ఒర్హాన్ అవత్రమణి భారీ డ్రగ్ స్కాండల్ లో ఇరుక్కున్నాడు. రూ.252 కోట్ల విలువైన మెఫిడ్రిన్ (ఎం.డీ) ను ఇటీవల మహారాష్ట్ర పోలీసులు స్వాధీనం చేసుకున్న విషయం తెలిసిందే. ఈ కేసులో ఆరోపణలు ఎదుర్కొంటున్న ఒరే ముంబైలోని ఘట్కోపూర్ యాంటీ నార్కొటిక్ సెల్ ముందు హాజరై తన స్టేట్ మెంట్ ను రికార్డు చేశారు.
డ్రగ్ సరఫరాదారులు మొహమ్మద్ సలీమ్, మొహ్మద్ సుహేల్ షేక్ ను విచారించిన సందర్భంలో ఒరే పేరును ప్రస్తావించారు. గత గురువారం విచారణకు హాజరు కావాలని నార్కొటిక్ సెల్ ఒరే కు నోటీసులు జారీ చేయగా, ఆయన బుధవారం నాడు హాజరయ్యారు. గతేడాది మార్చి నెలలో మహారాష్ట్రలోని సాంగ్లి జిల్లాలో మెఫిడ్రిన్ తయారు చేస్తున్న పరిశ్రమపై దాడులు నిర్వహించారు. ఈ దాడుల్లో 126 కిలో ఎం.డీ స్వాధీనం చేసుకుని కేసు నమోదు చేశారు. దీని విలువ బహిరంగ మార్కెట్ లో రూ.252 కోట్లు ఉంటుంది. దీనికి అవసరమైన ముడి సరుకు దుబాయ్ నుంచి మొహ్మద్ సుహేల్ షేక్ సరఫరా చేసినట్లు ముంబై పోలీసుల విచారణలో వెల్లడి కావడంతో అతన్ని అదుపులోకి తీసుకుని విచారించారు. తన విచారణలో అండర్ వరల్డ్ డాన్ దావూద్ ఇబ్రహీం తో సలీం ధోలాకు సన్నిహితుడు అని తెలిపాడు.
సలీం ధోలా తో తనకు దగ్గరి సంబంధాలు ఉన్న్లు వెల్లడించారు. ఇండియాతో పాటు అరబ్ దేశాలు, మిడిల్ ఈస్ట్ దేశాల్లో రేవ్ పార్టీలు నిర్వహిస్తుంటానని, ఈ పార్టీలకు బాలీవుడ్ ప్రముఖులు, ఫ్యాషన్ సెలెబ్రిటీలు, రాజకీయ నేతలు, ప్రజల్లో పలుకుబడి కలిగిన వారు హాజరవుతుంటారని వివరించాడు. ఒరే కూడా ఈ పార్టీలకు తరచూ వస్తుంటాడని తెలిపాడు. బాలీవుడ్ హీరోయిన్లు నోరా ఫతేహీ, శ్రద్ధా కపూర్, ప్రొడ్యూసర్ అబ్బాస్ మస్తాన్ వంటి వారు తమ కస్టమర్లు అని స్టేట్ మెంట్ ఇచ్చాడు. సుహేల్ షేక్ ఇచ్చిన స్టేట్ మెంట్ ప్రకారం బుధవారం నాడు నార్కొటిక్స్ అధికారులు బుధవారం మధ్యాహ్నం నుంచి రాత్రి వరకు సుమారు 8 గంటల పాటు సుదీర్ఘంగా విచారించారు.
బాలీవుడ్ సెలెబ్రిటీలతో ఫొటోలు దిగాలని అందరూ తహతహలాడుతారు. కాని ఒరే తో దిగేందుకు ఆ సెలెబ్రెటీలు పొటీపడతారు. ముంబైకి చెందిన ఒరే న్యూయార్క్ లో బ్యాచ్ లర్ ఆఫ్ డిజైన్స్ పూర్తి చేశాడు. గతేడాది జరిగిన రిలయన్స్ ఇండస్ట్రీస్ అధినేత రెండో కుమారుడు అనంత్ అంబానీ ఫ్రీ వెడ్డింగ్, వెడ్డింగ్ లో తెగ హడావుడి చేశాడు. ఆయనకు కాబోయే భార్య రాధికా మర్చంట్ తో కలిసి దాండియా ఆడాడు. పెళ్లి వేడుకలకు వచ్చిన పాప్ సింగర్ రిహన్నాతో సన్నిహితంగా ఫొటోలు దిగాడు. హీరోయిన్లు జాహ్నవి కపూర్, నైసా దేవగణ్, సారా అలీఖాన్ లతో మిడ్ నైట్ పార్టీలు చేసుకుంటాడు. జీయో వరల్డ్ ఫ్లాజా ప్రారంభోత్సంలో నీతా అంబానీ, నటీమణి దీపికా పదుకునే, క్రికెటర్ శుభమాన్ గిల్ తో దిగిన ఫోటోలు సోషల్ మీడియాలో వైరల్ అయ్యాయి.
ఇవి కూడా చదవండి..
Jaguar Attacks Crocodile : చిరుత..మొసలి ఫైట్..గూస్ బంప్స్..!
RBI Ombudsman : లోన్ రికవరీ ఏజంట్లతో ఇబ్బందులా?: ఆర్ బీ ఐ అంబుడ్స్ మన్ కు ఫిర్యాదు చేయండిలా…
Tooth Regrowth : డెంటల్ ట్రీట్మెంట్ లో విప్లవాత్మక మార్పు!