అమరావతి : ఏపీ రాజధాని అమరావతి (Amaravati) నిర్మాణ పురోగతిలో మరో కీలక ముందడుగు పడింది. శుక్రవారం కేంద్ర మంత్రి నిర్మలా సీతారామన్, సీఎం చంద్రబాబులు ఒకేసారి 25బ్యాంకులు(banks foundation), బీమా కంపెనీల కార్యాలయాలకు, ప్రభుత్వ రంగ సంస్థల ప్రధాన కార్యాలయాలకు శంకుస్థాపన చేశారు. స్టేట్ బ్యాంక్ ఆఫ్ ఇండియా, యూబీఐ, కెనరాబ్యాంక్, ఏపీ గ్రామీణ బ్యాంక్, ఐడీబీఐ, ఇండియన్ ఓవర్సీస్ బ్యాంక్, బ్యాంక్ ఆఫ్ ఇండియా, సెంట్రల్ బ్యాంక్ ఆఫ్ ఇండియా, పంజాబ్ నేషనల్ బ్యాంక్, ఎల్ఐసీ, నాబార్డ్ బ్యాంకుల ప్రధాన కార్యాలయాలకు శంకుస్థాపన చేశారు. రాజధాని సీడ్‌ యాక్సెస్‌ రహదారి పక్కన సీఆర్డీఏ ప్రాజెక్ట్‌ కార్యాలయం వద్ద మొదటి బ్లాక్‌లో ఈ కార్యక్రమం నిర్వహించారు.
శంకుస్థాపన కార్యక్రమానికి డిప్యూటీ సీఎం పవన్ కల్యాణ్, మంత్రులు నారా లోకేష్, నారాయణ, పయ్యావుల కేశవ్, కేంద్ర మంత్రి పెమ్మసాని చంద్రశేఖర్, ఆయా బ్యాంకుల చైర్మన్లు, సీఎండీలు ఉన్నతాధికారులు, రాజధాని రైతులు, ప్రజలు హాజరయ్యారు.