Peddi | మెగా పవర్ స్టార్ రామ్ చరణ్ నటిస్తున్న ‘పెద్ది’ సినిమాకు సంబంధించిన ‘చికిరి’ సాంగ్ రిలీజ్ అయినప్పటి నుంచే సంచలనాలు క్రియేట్ చేస్తోంది. రామ్ చరణ్ వేసిన ఎనర్జిటిక్ స్టెప్స్, ఏఆర్ రెహమాన్ ఇచ్చిన బీట్, బుచ్చిబాబు సనా అందించిన నేటివిటీ అన్నీ కూడా ఈ పాటను సోషల్ మీడియాలో సూపర్ హిట్‌గా నిలబెట్టాయి. రికార్డు స్థాయిలో వ్యూస్ సాధించిన ఈ సాంగ్‌కి సంబంధించిన మేకింగ్ వీడియోను తాజాగా విడుదల చేసి మరింత హైప్ క్రియేట్ చేసింది చిత్ర యూనిట్.ఈ సాంగ్‌లో కనిపించే ఎత్తైన కొండని చేరుకునేందుకు టీమ్ నిజంగానే కఠినమైన ట్రెక్కింగ్ చేసింది. దాదాపు 45 నిమిషాల పాటు నడిచి, కొండ‌లు ఎక్కి, ఆ పర్వతం పైభాగంలోని లొకేషన్‌ చేరి అక్కడే పాటను చిత్రీకరించారు. షూట్ పూర్తయ్యాక మళ్లీ అలాగే కిందికి వచ్చారు.
మేకింగ్ వీడియోలో ట్రెక్కింగ్ చేస్తూ రామ్ చరణ్ కూడా అలసిపోయి ఆగుకుంటూ మళ్లీ ముందుకు సాగిన క్షణాలు క్యాప్చర్ చేయడం ఆసక్తికరం. ప్రత్యేకంగా, కిందకి వస్తున్న సమయంలో దర్శకుడు బుచ్చిబాబు చెప్పిన మాటలు ఫ్యాన్స్‌ను మరింత ఎమోషనల్ చేసాయి. “చిరుత మీ ఫస్ట్ మూవీ. అందరూ ఎలా ఉంటారో అని వెయిట్ చేశారు సార్.. ఒక్కో పాట రెండు సార్లు వేయించుకున్నా. ఈ రోజు మీతో పాట తీయడం నాకు గౌరవం సార్… థ్యాంక్యూ.” అని చెప్పిన వీడియో నెట్టింట వైరల్ అవుతోంది.’పెద్ది’ సినిమాలో జాన్వీ కపూర్ హీరోయిన్‌గా నటిస్తుండగా, కన్నడ సూపర్ స్టార్ శివరాజ్‌కుమార్ కీలక పాత్రలో కనిపిస్తున్నారు. ప్రస్తుతం షూటింగ్ 70% కి పైగా పూర్తయింది. సినిమా 2026 మార్చి 26న గ్రాండ్‌గా విడుదల కానుంది.
అదే సమయంలో, ఈ చిత్రంపై భారీ క్రేజ్‌ను దృష్టిలో పెట్టుకొని ఓటీటీ సంస్థ నెట్‌ఫ్లిక్స్ ₹105 కోట్ల భారీ ధరకు ‘పెద్ది’ డిజిటల్ రైట్స్‌ను దక్కించుకుంది. ఏఆర్ రెహమాన్ సంగీతం అందిస్తుండటంతో ఈ మూవీపై అంచనాలు ఆకాశాన్ని అంటుతున్నాయి. రామ్ చరణ్ చివ‌రి చిత్రం గేమ్ ఛేంజ‌ర్ బాక్సాఫీస్ ద‌గ్గ‌ర నిరాశ‌ప‌ర‌చ‌గా, ఇప్పుడు పెద్దితో మాత్రం బాక్సాఫీస్‌ని షేక్ చేసే హిట్ కొడ‌తాడ‌ని ఫ్యాన్స్ భావిస్తున్నారు.
