Congo | గనిలో కూలిన వంతెన.. 32 మంది మృతి

రిపబ్లిక్ ఆఫ్ కాంగోలో ఘోర విషాదం చోటుచేసుకుంది. ఆ దేశంలో ఓ రాగి గనిలో ఉన్న వంతెన కూలిపోవడంతో భారీ ప్రాణ నష్టం సంభవించింది. నవంబర్ 15(శనివారం) రోజున లువాలాబా ప్రావిన్స్‌లో ఉన్న కలాండో రాగి గనిలో వంతెన కూలిపోవడంతో సుమారు 32 మంది కార్మికులు మృతి చెందారు. ఈ ప్రమాదంలో చాలామందికా గాయాలయ్యాయి. స్థానికులు, అధికారులు తెలిపిన వివరాలు..సమాచారం ప్రకారం.. మైనింగ్ వద్ద కాల్పుల శబ్దం వినిపించడంతో కార్మికులు ఇరుకైన వంతెనపై పరుగులు తీస్తుండగా అది కుప్పకూలిందని అధికారులు తెలిపారు.

ఈ ప్రమాదానికి సంబంధించిన ఘటన దృశ్యాలు సోషల్ మీడియాలో వైరల్‌ అయ్యాయి. కాగా, ఈ సంవత్సరం కాంగోలో జరిగిన అత్యంత ప్రాణాంతకమైన మైనింగ్ ప్రమాదాలలో కలాండో రాగి గని ప్రమాదంగా పరిగణిస్తున్నారు. ఈ ఘటనలో 32 మంది చనిపోవడమే ప్రమాద తీవ్రతకు అద్దం పడుతోంది. లక్షలాది మందికి ఉపాధి ఇస్తున్న ఈ మైనింగ్‌ ప్రాంతంలో భద్రతా చర్యలు సరిగ్గా లేక గతంలోనూ ఇలాంటి ప్రమాదాలు చోటుచేసుకున్నట్లు తెలుస్తోంది. అప్పుడు జరిగిన ప్రమాదాల్లో కూడా పదుల సంఖ్యలో ప్రమాదాలు సంభవించినట్లు సమాచారం.

అయితే, ఈ ప్రమదంలో ఇంకా చాలా మంది ప్రాణాలు కోల్పోయే అవకాశాలున్నట్లు తెలుస్తోంది. అలాగే, గాయపడ్డవారిలో 20 మందికి పైగా తీవ్రమైన స్థితిలో ఆస్పత్రిలో చేరారని అధికారులు వెల్లడించారు. అలాగే, కాంగో దేశం మంత్రి రాయ్ కౌంబా ఇప్పటివరకు 32 మరణించినట్లు అధికారికంగా ధృవీకరించారు. ఈ ప్రమాదంపై దర్యాప్తు చేపట్టాలని మానవ హక్కుల సంస్థలు డిమాండ్ చేస్తున్నాయి.