ఈ సృష్టిలో అనేక రహస్యాలు, మనకు తెలియని అనేక కొత్త జీవాలు మనతో పాటు జీవిస్తున్నాయి. మరీ ముఖ్యంగా భూమిపైన ఉన్న జీవజాతుల కంటే ఎన్నో రెట్లు ఎక్కువ సముద్రంలో నివసిస్తున్నాయి. అందులో అందమైన జీవులతో పాటు అత్యంత ప్రమాదకరమైనవి కూడా ఉన్నాయి. వీటిలో ముఖ్యమైనవి సముద్ర జలాల్లోని పాములు. ఇవి అత్యంత విషపూరితమైనవి కావడంతో పాటు వేటాడడంలో కీలక నైపుణ్యం వాటి సొంతం. దీని వల్ల కొన్నిసార్లు మనుషులకు అపాయంగా మారుతోంది. చాలా సముద్ర పాములు రహస్యంగా జీవిస్తాయి. కొన్ని వాటి పరిమాణం, విషపూరిత, విభిన్న సముద్ర ఆవాసాలలో జీవించే సామర్థ్యం కారణంగా ప్రత్యేకంగా నిలుస్తాయి. ఈ క్రమంలో ప్రపంచంలోనే ఎక్కువ విషపూరిత, భయంకరమైన సముద్ర పాములు (sea snakes) గురించి ఈ స్టోరీలో తెలుసుకుందాం.
డుబోయిస్ సముద్ర పాము (Dubois’s)
డుబోయిస్ (ఐపిసురస్ డుబోయిసి) (Dubois’s) అనే పాము అత్యంత విషపూరితమైన సముద్ర పాములలో ఒకటి, ఆగ్నేయాసియా, ఆస్ట్రేలియన్ సముద్రజలాల్లో ఇది నివసిస్తుంది. ఇది చాలా ప్రమాదకరమైనవి కావడంతో అతి తక్కువ కాలంలోనే ప్రసవిస్తాయి. పెద్ద పాములు 2.6 నుంచి 4.8 అడుగుల పొడవు పెరుగుతుంది. మృదువైన పొలుసుతో పాటు వెడల్పు తల పొడవైన తోక కలిగి ఉంటుంది. వాటి శరీరాలు ముదురు క్రాస్ బ్యాండ్‌ను కలిగి ఉంటాయి. సముద్రపు అడుగుభాగానికి సమీపంలో నివసించే ఇతర చేపలను ఎక్కువగా వేటాడుతుంటాయి. 262 అడుగుల వరకు వెళ్లి వేటాడగల సామర్థ్యం ఉండడంతో ఇది ప్రత్యేకంగా నిలుస్తోంది.
పసుపు పెదవుల కట్లపాము (yellow lipped sea krait)
హిందూ మహాసముద్రం, పశ్చిమ పసిఫిక్ సముద్రాల్లో కనబడె పసుపు పెదవుల సముద్రపు కట్లపాము(Laticauda colubrina)… 3 నుంచి 6 అడుగుల వరకు పెరుగుతాయి. మగపాముల కన్నా ఆడ పాములు ఎక్కువ పొడవు ఉంటాయి. పూర్తిగా నీటిలో ఉండే ఈ సముద్ర పాములు భూమిపైకి వచ్చి విశ్రాంతి తీసుకుంటాయి. ఆహారాన్ని జీర్ణం చేసుకుంటాయి. అలాగే, పునరుత్పత్తి కోసం కూడా భూమిమీదకు వస్తాయి. ఈ పాముల విషం ప్రమాదకరంగా ఉండడం వల్ల చిన్నచిన్న చేపలు, ఈల్ చేపలను వేటాడడంలో ఉపయోగపడుతుంది. మనుషులకు కూడా హాని కలిగించే స్వభావం కలిగి ఉండవు. వాటికి ప్రమాదం పొంచిఉన్నట్లు భావిస్తేనే అవి ప్రజలపైన దాడి చేస్తాయి.
బీక్డ్ సముద్ర పాము (Beaked sea snake)
ఎన్‌హైడ్రీనా(Enhydrna schistosa) చిస్టోసా అనే శాస్త్రీయ నామం కలిగిన హుక్ నోస్ ఉన్న బీక్డ్ సముద్ర పాము అత్యంత విషపూరితం కావడంతో పాటు దూకుడు స్వభావం కలిగి ఉంది. సాధారణంగా ఇవి 4 అడుగుల నుంచి 5 అడుగుల వరకు పెరుగుతాయి. ఈ హుక్ ముక్కు కలిగిన పాములు అరేబీయన్, పర్షియన్ అగాతం.. ఆగ్నేయ ఆసియా సముద్ర జలాల్లో కనిపిస్తాయి. వీటి కాటు వల్ల ప్రతి సంవత్సరం సముద్ర పాముల కాటువల్ల జరిగే మరణాలు అధికంగా నమోదవుతున్నాయి. బేక్డ్ సముద్రపాములు 328 అడుగుల లోతువరకు వెళ్లి గంటల తరబడి వేటాడగలవు. విషపూరితం, దూకుడు వల్ల ప్రకృతిలో ఇవి ప్రమాదకరంగా పేరుపొందాయి.
ఆలివ్ సీ స్నేక్స్.. (olive sea snake)
ఆలివ్ సముద్ర పాములు (ఐపిసురస్)(Aopysurus laevis) హిందు మహాసముద్రంలోని పగడపు దిబ్బల్లో, పశ్చిమ పసిఫిక్, ఉత్తర ఆస్ట్రేలియా ప్రాంతంలో నివసిస్తుంటాయి. ఇవి 3.2 అడుగుల నుంచి 6 ఫీట్ల వరకు పెరుగుతు విషసర్పాలుగా ఉన్నాయి. ఆలివ్ సముద్ర పాములు చిన్నచిన్న చేపలు, పీతలు లాంటి జీవులను తిని బతుకుతుంది. బీక్డ్ సముద్ర పాములకు స్పెషల్ సెన్సార్ అవయవాలు ఉండడం వల్ల తమ జీవిత కాలంలో ఎక్కువగా సముద్రంలో గడిపుతూ.. అరుదుగా భూమిమీదకు వస్తాయి.
సముద్ర పాముల వల్ల మనుషులకు, సముద్రాలకు లాభాలు..
పాములు అంటే చాలా మందికి భయం కలుగుతుంది. కానీ, సముద్ర పర్యావరణ (Marine echo system) రక్షణలో సముద్ర పాములు కీలక భూమికను పోషిస్తున్నాయి. చేపలను, ఈల్ చేపల జనాభాను ఇవి కంట్రోల్ చేస్తున్నాయి. ఈ పాములు ఎలా ప్రవర్తిస్తాయో, ఎలా వేటాడతాయో, ఎందుకు దూరంగా ఉంటాయో తెలుసుకోవడం వల్ల అనవసరమైన భయం తగ్గుతుంది. నీటిలో సమయం గడిపే వ్యక్తుల భద్రతను మెరుగుపరుస్తుంది. ఇది బాధ్యతాయుతమైన పర్యాటకం.. పరిరక్షణను ప్రోత్సహిస్తుంది. ముఖ్యంగా తీరప్రాంత కార్యకలాపాలు పెరిగేకొద్దీ ఈ జీవులను మనం బాగా అర్థం చేసుకున్నప్పుడు, ఆవాసాలను గౌరవించడం మరియు సముద్ర వాతావరణాన్ని కాపాడుకోవడం సులభం అవుతుంది.
Read Also |
Jaguar Attacks Crocodile | చిరుత..మొసలి ఫైట్..గూస్ బంప్స్..!
Anaconda Crosses Road : అనకొండ రోడ్డెక్కింది…దెబ్బకు ట్రాఫిక్ బ్రేక్!
Gajakesari Raj Yoga | డిసెంబ‌ర్ 8న గ‌జ‌కేస‌రి యోగం.. ఈ మూడు రాశుల వారికి ఆర్థికంగా, ఆరోగ్యప‌రంగా అద్భుత‌మైన ప్ర‌యోజ‌నాలు..!