Dog vs Cobra | రియ‌ల్ హీరో ఈ శున‌క‌మే.. బుస‌లు కొడుతున్న నాగుపామును నేల‌కేసి కొట్టింది.. వీడియో

Dog vs Cobra | చాలా మంది కుక్క‌ల‌( Dog )ను పెంచుకుంటారు. ఎందుకంటే అవి య‌జ‌మానుల ప‌ట్ల విశ్వాసంగా ఉంటాయి. కొన్ని సంద‌ర్భాల్లో అవి త‌మ ప్రాణాల‌ను ఫ‌ణంగా పెట్టి య‌జ‌మానితో పాటు వారి కుటుంబ స‌భ్యుల‌ను కాపాడుతాయి. ఆ మాదిరిగానే ఓ పిట్ బుల్( Pit Bull ) కుక్క నాగుపాము( King Cobra )పై వీరోచిత పోరాటం చేసి.. య‌జ‌మాని పిల్ల‌ల‌ను ప్రాణాల‌తో కాపాడింది. కేవ‌లం 18 సెక‌న్ల‌లోనే కింగ్ కోబ్రాను కుక్క మ‌ట్టి క‌రిపించింది.

వివ‌రాల్లోకి వెళ్తే.. ఉత్త‌రప్ర‌దేశ్( Uttar Pradesh ) ఝాన్సీలోని శ్రీ గ‌ణేశ్ కాల‌నీలో ఓ కుటుంబం( Family ) నివాసం ఉంటోంది. ఇంటి ఆవ‌ర‌ణ‌లో ఉన్న ప‌చ్చిక మీద పిల్ల‌లు ఆడుకుంటున్నారు. ఓ మూల నుంచి భారీ పొడవున్న ఓ నాగుపాము( King Cobra ) బుస‌లు కొడుతూ పిల్ల‌ల‌పైకి దూసుకువ‌చ్చింది. దీంతో అక్క‌డే ఉన్న పిట్ బుల్( Pit Bull ) అప్ర‌మ‌త్త‌మైంది. త‌న ప్రాణాల‌ను సైతం ఫ‌ణంగా పెట్టి.. నాగుపాముపై పోరాడింది. ప‌డ‌గ విప్పి దాడికి సిద్ద‌మైన కింగ్ కోబ్రాను నోటితో ప‌ట్టుకున్న కుక్క‌.. కేవ‌లం 18 సెక‌న్ల‌లో దాన్ని మ‌ట్టి క‌రిపించింది. చివ‌ర‌కు ఆ నాగుపాము ప్రాణాలు విడిచింది.

శున‌కం వీరోచిత పోరాటంపై నెటిజ‌న్లు( Netizens ) ప్ర‌శంస‌ల వ‌ర్షం కురిపిస్తున్నారు. య‌జ‌మాని పిల్ల‌ల ప‌ట్ల చూపించిన విశ్వాసానికి నెటిజ‌న్లు ఫిదా అవుతున్నారు. ఇలాంటి శున‌కం ఉంటే చాలు.. ఎంత‌టి ప్ర‌మాద‌క‌ర ప‌రిస్థితుల్లోనైనా ప్రాణాల‌తో బ‌య‌ట‌ప‌డొచ్చ‌ని నెటిజ‌న్లు పేర్కొంటున్నారు. మ‌రి ఆ వీడియోపై మీరు కూడా ఓ లుక్కేయండి..