బెంగళూరు వాసులకు మెట్రో శుభవార్త

బెంగళూరు వాసులకు మెట్రో శుభవార్త

15 నుంచి ఎల్లో లైన్ అందుబాటులోకి

ఆర్వీ రోడ్‌ నుంచి బొమ్మసంద్ర వరకు

ట్రాఫిక్ భారంతో బాధపడుతున్న బెంగళూరు

బెంగళూరు ట్రాఫిక్‌ కష్టాలు అన్నీఇన్నీ కావు. దేశంలోని అత్యంత ట్రాఫిక్‌ నగరాల్లో బెంగళూరు ఒకటి. ఇక్కడి ఐటీ ఇండస్ట్రీలో దాదాపు దేశం నలుమూలల నుంచి వచ్చినవారు ఉంటారు. ఇండియన్‌ సిలికాన్‌ వ్యాలీగా బెంగళూరు గుర్తింపు పొందింది.

టెక్కీలకు శుభవార్త: ఎల్లో లైన్ అందుబాటులోకి

ఇలాంటి నగరంలో టెక్కీలకు కీలకమైన మార్గంలో ట్రాఫిక్‌ కష్టాలు తగ్గనున్నాయి. బెంగళూరు మెట్రో రైల్ కార్పొరేషన్ లిమిటెడ్ (BMRCL) ప్రకారం, ఎక్కువకాలంగా ఎదురుచూస్తున్న ఎల్లో లైన్ మే 15 నుంచి అందుబాటులోకి రానుంది. ఈ మార్గం ఆర్వీ రోడ్‌ నుంచి బొమ్మసంద్ర వరకు ప్రయాణాన్ని సులువు చేస్తుంది.

ఐటీ ఉద్యోగులకు ప్రయాణ సౌలభ్యం

ఎలక్ట్రానిక్ సిటీ ప్రాంతంలో నివసించే లక్షల మంది ఐటీ ఉద్యోగులు ఈ మెట్రో రూట్ వల్ల ప్రయోజనం పొందనున్నారు.
ప్రధానంగా విప్రో, ఇన్ఫోసిస్, హెచ్సీఎల్ వంటి టెక్ కంపెనీల ఆఫీసులున్న ప్రాంతాల్లో రద్దీ తగ్గనుందని అధికారులు అంచనా వేస్తున్నారు.

సమయం ఆదా – ప్రయాణ సౌకర్యం

బొమ్మసంద్ర నుంచి ఎలక్ట్రానిక్ సిటీకి కేవలం 6 కిలోమీటర్లు ఉండటంతో, మెట్రో ద్వారా కొన్ని నిమిషాల్లోనే గమ్యస్థానానికి చేరుకోవచ్చు. దీనితో ఉద్యోగుల సమయం ఆదా అవుతుంది.

మెట్రో కోచెస్, రవాణా ప్రణాళిక

ఇప్పటికే ఫిబ్రవరి 14న చైనాలో తయారైన 6 మెట్రో కోచెస్ బెంగళూరుకు వచ్చాయి. త్వరలోనే మరో 6 కోచెస్ చేరనున్నాయి. ఈ మార్గం ప్రారంభమైతే ఇండస్ట్రియల్ హబ్ – రెసిడెన్షియల్ హబ్ మధ్య ప్రయాణం మరింత సౌకర్యవంతంగా మారుతుందని మెట్రో అధికారులు చెబుతున్నారు.