విధాత ప్రతినిధి ఉమ్మడి ఆదిలాబాద్: దేశంలో కుల వివక్ష ఉండేదని కుల వ్యవస్థను రూపుమాపి దళితులను, పేదలను అంబేద్కర్ ఆదుకున్నారని చెన్నూరు ఎమ్మెల్యే వివేక్ పేర్కొన్నారు .మంచిర్యాల జిల్లా మందమర్రి మార్కెట్,రామకృష్ణపూర్ లో అంబేద్కర్ ఉత్సవ కమిటీ ఆధ్వర్యంలో అంబేద్కర్ 133వ జయంతి వేడుకలలో ఆయన ముఖ్య అతిథిగా పాల్గొన్నారు. అంబేద్కర్ జయంతిని పురస్కరించుకొని ఆయన పంచశీల జెండాను ఆవిష్కరించారు. అంబేద్కర్ విగ్రహానికి పూలమాలవేసి నివాళులర్పించారు అనంతరం మాట్లాడుతూ .. ఎమ్మెల్యేగా మొదటిసారి మందమర్రి అంబేద్కర్ జయంతి వేడుకల్లో పాల్గొనడం సంతోషంగా ఉందని పేర్కొన్నారు. అంబేద్కర్ అందరికి స్ఫూర్తి, దారి చూపిన మహనీయుడన్నారు. రాష్ట్ర వ్యాప్తంగా కాకా వెంకటస్వామి అనేక అంబేద్కర్ కాంస్య విగ్రహాలు ఇచ్చారన్నారు. ఇప్పటి వరకు తాను 110 అంబేద్కర్ విగ్రహాలు ఇచ్చానని, విగ్రహాలు పంపిణీ చేసే వరం ఆ దేవుడు కల్పించాడని పేర్కొన్నారు. ఈ కార్యక్రమంలో మాజీ ఎమ్మెల్యే నల్లాల ఓదెలు, అంబేద్కర్ ఉత్సవ కమిటీ నాయకులు, ప్రజలు పాల్గొన్నారు.
