మన ఇంట్లో ఎంత బంగారం ఉండవచ్చో అనే విషయమై కేంద్ర ప్రభుత్వ ఆదాయపు పన్ను విభాగం కొత్తగా విధివిధానాలు రూపొందించింది. (Gold Storage Limit at home) వాటి ప్రకారం ఇంట్లో ఉండాల్సిన బంగారంపై పరిమితి విధించింది. విధాత: ఆడపిల్ల పెళ్లి చేయడానికి తల్లిదండ్రులు అష్టకష్టాలు పడుతుంటారు. అందులో భాగంగా అప్పుడింత, ఇప్పుడింత అని వీలైనప్పుడల్లా కొంచెం కొంచెం బంగారం కొనిపెట్టుకుంటుంటారు. కానీ, మనకు తెలియని విషయమేమిటంటే ఇంట్లో ఎంత బంగారం ఉండాలో కూడా ఆదాయపు పన్ను […]
మన ఇంట్లో ఎంత బంగారం ఉండవచ్చో అనే విషయమై కేంద్ర ప్రభుత్వ ఆదాయపు పన్ను విభాగం కొత్తగా విధివిధానాలు రూపొందించింది. (Gold Storage Limit at home) వాటి ప్రకారం ఇంట్లో ఉండాల్సిన బంగారంపై పరిమితి విధించింది.
విధాత: ఆడపిల్ల పెళ్లి చేయడానికి తల్లిదండ్రులు అష్టకష్టాలు పడుతుంటారు. అందులో భాగంగా అప్పుడింత, ఇప్పుడింత అని వీలైనప్పుడల్లా కొంచెం కొంచెం బంగారం కొనిపెట్టుకుంటుంటారు. కానీ, మనకు తెలియని విషయమేమిటంటే ఇంట్లో ఎంత బంగారం ఉండాలో కూడా ఆదాయపు పన్ను విభాగం నిర్తేశిస్తోంది. ప్రభుత్వం దీనిపై కూడా పరిమితి విధించి, అందరూ పాటించాల్సిన నియమాలను రూపొందించింది.
సువర్ణానికి వన్నె తగ్గదు, విలువ తగ్గదు. పైగా మన భారతదేశంలో బంగారం అంటే ఉండే పిచ్చి అంతాఇంతా కాదు. ప్రపంచంలోనే బంగారం వినియోగం మనదేశంలోనే అత్యధికం. బంగారం ఎంత వీలైతే అంత సంపాదించాలని చూస్తారు మనవారు. అది ఆభరణాల రూపంలో కావచ్చు లేదా బిస్కెట్ల రూపంలో కావచ్చు. ఇప్పుడు కొత్తగా గోల్డ్ బాండ్స్ కూడా వచ్చాయి. వీటిని డిజిటల్ గోల్డ్ అంటారు.
ఇంట్లో ఉంచుకునే బంగారం లేదా బంగారు ఆభరణాల కోసం ప్రభుత్వం కొన్ని నియమాలను రూపొందించింది (Gold limit in India as per income tax rules). వాటిని ప్రతి ఒక్కరూ పాటించాల్సిన అవసరం ఉంది. అయితే ఇంట్లో నిర్ణీత మొత్తంలో బంగారం ఉంచుకోవచ్చని చాలా మందికి తెలియదు. ఇప్పుడు తెలుసుకోండి.
బంగారం లేదా దాని ఆభరణాలను కొనుగోలు చేసేటప్పుడు, దాని బిల్లును ఎల్లప్పుడూ జాగ్రత్తగా ఉంచాలని నిపుణులు చెబుతున్నారు. సెంట్రల్ బోర్డ్ ఆఫ్ డైరెక్ట్ టాక్సెస్ (CBDT) జారీ చేసిన నోటీస్లో బంగారు ఆభరణాలు ఉంచుకోవడానికి ఎటువంటి పరిమితి లేదని, అయితే దాని వివరాలను కూడా మీరు చెప్పవలసి ఉంటుంది. ఎందుకంటే రుజువులో ఏదైనా తేడా ఉంటే, అప్పుడు మీ బంగారాన్ని జప్తు చేయవచ్చు.
దేశంలో ఎవరు ఎంత బంగారాన్ని ఉంచుకోవచ్చో CBDTకి కొన్ని నియమాలు రూపొందించింది. దీని ప్రకారం, మీరు అనుమతించిన పరిమితికి మించి కూడా బంగారాన్ని ఉంచుకోవచ్చు, అయితే ఈ బంగారం మీకు ఎక్కడి నుండి వచ్చింది అనే ప్రశ్నకు సమాధానం మీ వద్ద ఉండాలి. నిర్ణీత పరిమితి కంటే తక్కువ పరిమాణంలో ఉన్నట్లయితే లేదా వివరాలు నిజమైనవైతే, అధికారులు సోదాల సమయంలో ఇంట్లో దొరికిన బంగారం లేదా బంగారు ఆభరణాలను స్వాధీనం చేసుకోకూడదని నిబంధనలు పేర్కొంటున్నాయి.
* వివాహిత మహిళ తన వద్ద 500 గ్రాముల బంగారాన్ని ఉంచుకోవచ్చు.
* పెళ్లికాని మహిళ తన వద్ద 250 గ్రాముల బంగారాన్ని ఉంచుకోవచ్చు.
*ఒక వ్యక్తి తన వద్ద 100 గ్రాముల బంగారాన్ని ఉంచుకోవచ్చు.
మీరు వెల్లడించిన మీ ఆదాయం నుండి మీరు బంగారం కొనుగోలు చేసినట్లయితే లేదా మీరు వ్యవసాయం ద్వారా సంపాదించిన డబ్బు నుండి బంగారం కొనుగోలు చేసినట్లయితే, దానిపై పన్ను విధించబడదు. ఇది కాకుండా, మీరు మీ ఇంటి ఖర్చుల నుండి పొదుపు చేసి బంగారం కొనుగోలు చేసినట్లయితే లేదా మీకు వారసత్వంగా బంగారం ఉంటే, మీరు దానిపై కూడా పన్ను చెల్లించాల్సిన అవసరం లేదు.
అయితే బంగారం ఎక్కన్నుంచి వచ్చిందో చెప్పాల్సిఉంటుంది. అయితే ఉన్న బంగారాన్ని అమ్మితే మాత్రం పన్ను చెల్లించాలి. మూడేళ్ళ పాటు బంగారాన్ని దాచిన తర్వాత విక్రయిస్తే, ఈ విక్రయం ద్వారా వచ్చే ఆదాయంపై 20% చొప్పున దీర్ఘకాలిక మూలధన లాభాల పన్ను చెల్లించాల్సి ఉంటుంది.
మీరు బంగారాన్ని కొనుగోలు చేసిన మూడు సంవత్సరాలలోపు అమ్మినట్లయితే, దాని వల్ల వచ్చే ఆదాయం మీ మొత్తం ఆదాయానికి కలిపి పన్ను చెల్లింపుదారుగా మీకు వర్తించే పన్ను స్లాబ్ ప్రకారం పన్ను విధించబడుతుంది. కాబట్టి, పోగేయడమే కాదు, బంగారం విషయంలో తగు జాగ్రత్తలు కూడా పాటించాలి. ప్రభుత్వానికి సరైన లెక్కలు చూపగలిగే విధంగా ఉంటే అన్ని విధాలా శ్రేయస్కరం.