ఇంటి ఆవ‌ర‌ణ‌లో ఏ మాత్రం ఖాళీ స్థ‌లం ఉన్నా.. ఆ ప్లేస్‌లో పూల, పండ్ల మొక్క‌లు పెడుతుంటారు. ప్ర‌ధానంగా పూల మొక్క‌లు పెంచుతుంటారు. ఇక జామ, దానిమ్మ, నిమ్మ వంటి చెట్ల‌ను పెంచుతుంటారు. ఈ పండ్లు, పూల మొక్క‌ల వల్ల స్వ‌చ్ఛ‌మైన గాలి వ‌స్తుంది. అంతేకాకుండా మాన‌సిక ప్ర‌శాంత‌త కూడా ల‌భిస్తుంది. అయితే చాలా మంది ఇంటి ఆవ‌ర‌ణ‌లో నిమ్మ చెట్టును పెంచొద్ద‌ని చెబుతుంటారు. మ‌రి వాస్తు శాస్త్రం ప్రకారం నిమ్మ చెట్టును ఇంటి ఆవ‌ర‌ణ‌లో పెంచుకోవ‌చ్చా..? లేదా..? అనే విష‌యాల‌ను తెలుసుకుందాం.
అన్ని పండ్ల చెట్ల మాదిరిగానే నిమ్మ చెట్టును కూడా పెంచుకోవ‌చ్చు. ఈ చెట్టును పెంచ‌డం వల్ల ఎలాంటి న‌ష్టం జ‌ర‌గ‌ద‌ని చెబుతున్నారు వాస్తు నిపుణులు. అశుభం జ‌రుగుత‌ద‌నేది కేవ‌లం అపోహ మాత్ర‌మే. ఇంట్లో నిమ్మ చెట్టును పెంచుకోవ‌డం వల్ల చాలా రకాల ప్ర‌యోజ‌నాలు ఉన్నాయి.
- ఇంట్లో నిమ్మ చెట్టును పెంచుకోవ‌డం వల్ల మాన‌సిక ప్ర‌శాంత‌త ల‌భిస్తుంది. ఆ ఇంట్లో గొడ‌వ‌లకు ఆస్కారం ఉండ‌దు.
- వాస్తు నియమాల ప్రకారం.. ఇంట్లో నిమ్మ చెట్లు ఉండటం వల్ల అదృష్టం కలిసి వస్తుందట. అలాగే ఆ ఇంట్లో సిరిసంపదలకు ఎలాంటి లోటూ కలగదని అంటున్నారు.
- నిమ్మచెట్టులో ఎన్నో రకాల ఔషధ గుణాలున్నాయని.. ఇవి ఇంటి పరిసరాల్లోని గాలిని శుద్ధి చేస్తాయని చెబుతున్నారు. దీనివల్ల ఇంట్లోని వారంతా ఆరోగ్యంగా ఉంటారని అంటున్నారు.
- బయట నుంచి ప్రతికూల శక్తి ఇంట్లో రాకుండా కూడా నిమ్మచెట్టు అడ్డుకుంటుందని తెలియజేస్తున్నారు.
- వాస్తు నియమాల ప్రకారం.. ఇంట్లో నిమ్మ చెట్టు ఉండటం వల్ల ఆర్థిక సమస్యలు కూడా తలెత్తకుండా ఉంటాయని చెబుతున్నారు.