హిందూ ధ‌ర్మం ప్ర‌కారం గురువారం విష్ణువు, దేవ‌గురు బృహస్పతి ఆరాధాన‌కు ఎంతో మంచిది. విష్ణువుకు గురువారం పూజ‌లు నిర్వ‌హిస్తే.. దుఃఖాన్ని, దురదృష్టాన్ని తొలగించి, సంతోషాన్ని, అదృష్టాన్ని పెంచుతాయని భావిస్తారు. ఆర్థిక ఇబ్బందుల‌తో బాధ‌పడే వారు కూడా.. గురువారం దేవ గురువు బృహ‌స్ప‌తిని, శ్రీ మ‌హా విష్ణువును ఆరాధిస్తే త‌ప్ప‌కుండా ఆ బాధ‌ల నుంచి ఉప‌శ‌మ‌నం పొందొచ్చ‌ని జ్యోతిష్య పండితులు చెబుతున్నారు.
ఈ ప‌రిహారాల‌తో ఆర్థిక బాధ‌ల నుంచి విముక్తి..!
- గురువారం పసుపు బట్టలు ధ‌రించేందుకు ప్ర‌య‌త్నించాలి. పసుపు రంగు దుస్తులు ధ‌రించ‌డం వ‌ల‌న ఆ భ‌క్తుడికి బృహస్పతి అనుగ్ర‌హం పూర్తిగా ల‌భిస్తుంద‌ని న‌మ్మ‌కం.
- ప్ర‌తి శుభ‌కార్యంలో ప‌సుపును ఉప‌యోగిస్తారు. ఎంతో ప్రాధాన్య‌త క‌లిగిన ప‌సుపును నీటిలో క‌లిపి స్నానం చేస్తే.. అదృష్టం వ‌రిస్తుంద‌ట. ఈ పరిహారంతో దేవగురువు బృహస్పతి జాతకంలో శుభ ఫలితాలను ఇవ్వడం ప్రారంభిస్తాడు.
- గురువారం రోజున అరటిచెట్టును పూజిస్తే, జీవితంలో వచ్చే అన్ని రకాల సమస్యలు రెప్పపాటులో తొలగిపోయి సకల సిరి సంపదలు, సౌభాగ్యాలు లభిస్తాయని విశ్వాసం.
- గురువారం ఆలయంలో ఒక బ్రాహ్మణుడికి పసుపు రంగు బట్టలు, పసుపు వ‌ర్ణంలో ఉండే పండ్లు, శనగ పప్పులు దానం చేస్తే.. జీవితంలో అన్ని ఆనందాలను పొందుతారు. పట్టిందల్లా బంగారం అవుతుంది.
- గురువారం అరటిచెట్టు దగ్గర స్వచ్ఛమైన దేశీ నెయ్యితో దీపం వెలిగించడం ద్వారా సంపదలకు దేవత అయిన లక్ష్మీదేవి అనుగ్రహాన్ని ప్రసాదిస్తుంది.
