Vastu Tips | ప్ర‌తి ఒక్క‌రికి అప్పులు( Debts ) ఉంటాయి. ఆ అప్పులు తీర్చ‌లేక.. ఆర్థిక స‌మ‌స్య‌ల‌తో( Financial Problems ) స‌త‌మ‌త‌మ‌వుతుంటారు. ఈ స‌మ‌స్య‌ల నుంచి బ‌య‌ట ప‌డేందుకు ల‌క్ష్మీదేవి( Lakshmi Devi )ని పూజించ‌డంతో పాటు ఈ ఐదు వ‌స్తువులు ఇంట్లో ఉండేలా చూసుకోవాలి. అప్పుడే ఫ‌లితం ఉంటుందని జ్యోతిష్య, వాస్తు శాస్త్ర పండితులు పేర్కొంటున్నారు. మరి ఆ వాస్తు నియమాలు( Vastu Tips ) ఏంటి.? ఆ ఐదు వ‌స్తువులేవో ఈ క‌థ‌నంలో తెలుసుకుందాం..!
గ‌ణ‌నాథుడి విగ్రహం
అప్పుల‌తో ఇబ్బందులు ప‌డుతున్న వారు క‌చ్చితంగా త‌మ నివాసంలో గ‌ణ‌ప‌తి విగ్రహం ఉండేలా చూసుకోవాలి. ఆర్థిక స‌మ‌స్య‌ల నుంచి బ‌య‌ట‌ప‌డాలంటే.. గ‌ణేశుడి విగ్రహాన్ని ఇంట్లో ఈశాన్య దిశ‌లో అంద‌రికి క‌నిపించే విధంగా ఉంచాలి. విఘ్నేశ్వ‌రుడి విఘ్నాల‌ను తొల‌గిస్తాడు కాబ‌ట్టి.. ఆ విగ్రహం ఇంట్లో పెట్ట‌డం వల్ల సమస్యలు రాకుండా చేస్తాడ‌ని పండితులు చెబుతున్నారు.
వెండి వేణువు
వాస్తు ప్రకారం ఇల్లును నిర్మించిన‌ప్ప‌టికీ.. ఇంటి లోప‌ల కూడా కొన్ని మార్పులు చేసుకోవాలి. ఇంటి గోడ‌ల‌కు ఏవేవో వ‌స్తువులు వేలాడ‌దీస్తుంటారు. ఇలాంటి వ‌స్తువుల్లో వెండి వేణువు కూడా ఉండేలా చూసుకోవాలి. ఇంటికి తూర్పు లేదా ఉత్త‌ర దిశ‌లో వెండి వేణువును ఉంచిన‌ట్ల‌యితే.. ఆర్థిక స‌మ‌స్య‌ల నుంచి బ‌య‌ట‌ప‌డొచ్చు అని పండితులు చెబుతున్నారు.
ల‌క్ష్మీదేవి, కుబేరుడి విగ్రహం
వాస్తు శాస్త్రం ప్రకారం లక్ష్మీ దేవి, కుబేరుడి విగ్రహాన్ని ఉంచడం వల్ల ఇంట్లో ఆనందం, శాంతి, శ్రేయస్సు లభిస్తుంది. అయితే వీటిని ఎప్పుడు శుభ్రంగా ఉండేలా చూసుకోండి. అప్పుడే ఫలితాలు ఉంటాయి. లేదంటే ఆర్థిక సమస్యలు తప్ప‌వ‌ని జ్యోతిష్య పండితులు హెచ్చ‌రిస్తున్నారు.
శంఖం
వాస్తు శాస్త్రం ప్రకారం శంఖాన్ని ఇంట్లో ఉంచుకోవడం వల్ల దోషం తొలగిపోతుంది. దీంతో ఆర్థికంగా బలపడతారు. ఇంట్లో సమస్యలన్నీ దూరం అవుతాయి. ఎప్పుడు సంతోషంగా జీవిస్తారు. ఇంట్లో అనారోగ్య సమస్యలు కూడా తగ్గుతాయి.
కొబ్బరికాయ
మత విశ్వాసాల ప్రకారం ఇంట్లో కొబ్బరికాయ ఉంటే లక్ష్మిమాత అనుగ్రహం ఉంటుందని నమ్మకం. అందుకే మీ ఇంట్లో ఎప్పుడు కూడా కనీసం ఒక్క కొబ్బరికాయ అయినా ఉండేలా చూసుకోండి. లేదంటే వెంటనే కొని తెచ్చుకోవాలి. లేదా ఇంట్లో కొబ్బరి చెట్టు ఉన్న మంచిదే.