Head Bath | చాలా మంది ప్రతిరోజు తల స్నానం చేస్తుంటారు. ఇలా చేయడం మంచిది కాదని జ్యోతిష్య పండితులు హెచ్చరిస్తున్నారు. తల స్నానానికి కూడా ఆధ్యాత్మకంగా ప్రత్యేకత ఉందంటున్నారు. ఇంట్లో ఆర్థిక సమస్యలు తొలగిపోవాలన్నా, అష్టైశ్వర్యాలు సిద్ధించాలన్నా ఈ మూడు రోజుల్లో తల స్నానం చేయాలని పండితులు సూచిస్తున్నారు. మరి వారంలో ఏ రోజు తలస్నానం చేస్తే మంచిదో ఈ కథనంలో తెలుసుకుందాం.
తల స్నానానికి ఈ మూడు రోజులు మంచిది..!
సోమవారం
అమ్మాయిలు సోమవారం నాడు తలస్నానం చేయడం చాలా శుభప్రదం. ఇది మానసిక ప్రశాంతతను ఇవ్వడమే కాకుండా ముఖంలో కాంతిని, అందాన్ని పెంచుతుందని నమ్ముతారు.
బుధవారం
వ్యాపారస్తులకు, విద్యార్థులకు ఈ రోజు అత్యంత అనుకూలం. బుధవారం తలస్నానం చేయడం వల్ల బుద్ధి పదును పెరుగుతుంది మరియు వ్యాపారంలో పురోగతి లభిస్తుంది. ఇంటికి శ్రేయస్సు కలుగుతుంది.
శనివారం
శనివారం నాడు తలస్నానం చేయడం వల్ల శని దేవుని ఆశీస్సులు లభిస్తాయి. ఇంట్లోని పేదరికం, దరిద్రం తొలగిపోవడానికి ఇది ఉత్తమమైన రోజుగా పరిగణించబడుతుంది.
ఏ రోజుల్లో తలస్నానం చేయకూడదు..?
మంగళవారం
ఈ రోజున తలస్నానం చేయడం వల్ల కుటుంబంలో అనవసరమైన కలహాలు, గొడవలు వచ్చే అవకాశం ఉందని అంటారు.
గురువారం
గురువారం నాడు తలస్నానం చేయడం వల్ల ఇంట్లోని సంపద హరిస్తుందని, లక్ష్మీదేవి అనుగ్రహం తగ్గుతుందని నమ్ముతారు. ముఖ్యంగా వివాహిత స్త్రీలు ఈ రోజున తలస్నానం చేస్తే భర్త ఆర్థిక స్థితిపై ప్రభావం పడుతుందని పెద్దలు చెబుతారు.
శుక్రవారం
ఈ రోజున కూడా తలస్నానం చేయడం అంత శుభప్రదం కాదని కొన్ని సంప్రదాయాలు చెబుతున్నాయి.