Mahesh Babu | సినీ పరిశ్రమలో స్టార్ హీరో అంటే భారీ రెమ్యునరేషన్, కఠినమైన షరతులు అన్నది సాధారణంగా వినిపించే మాట. ముఖ్యంగా ఒక స్టార్ హీరో మరో స్టార్ హీరో సినిమా కోసం పనిచేయాలంటే, అది గెస్ట్ రోల్ అయినా సరే పారితోషికం గురించి ముందే చర్చ జరుగుతుంది. కానీ ఈ నిబంధనలన్నింటికీ భిన్నంగా వ్యవహరించిన హీరోగా సూపర్ స్టార్ మహేష్ బాబు పేరు మరోసారి గుర్తుకు వస్తోంది. టాలీవుడ్లో అప్పట్లోనే కాదు, ఇప్పటికీ చర్చనీయాంశంగా నిలిచిన ఓ విశేషం ఏమిటంటే… పవర్ స్టార్ పవన్ కళ్యాణ్ నటించిన ఓ సూపర్ హిట్ సినిమాకు మహేష్ బాబు ఎలాంటి రెమ్యునరేషన్ తీసుకోకుండా పని చేయడం. అది గెస్ట్ అప్పియరెన్స్ కాదు, పాటలో కనిపించడమూ కాదు… కేవలం తన గొంతుతో సినిమాకు ప్రాణం పోసిన సందర్భం.
వాయిస్తోనే మ్యాజిక్ చేసిన మహేష్ బాబు
పవన్ కళ్యాణ్ హీరోగా, త్రివిక్రమ్ దర్శకత్వంలో తెరకెక్కిన ‘జల్సా’ సినిమా గురించి ప్రత్యేకంగా చెప్పాల్సిన అవసరం లేదు. విడుదలైనప్పటి నుంచి ఈ సినిమా టాలీవుడ్లో ఒక ట్రెండ్ సెట్టర్గా నిలిచింది. ఆ సినిమాలోని ఇంట్రడక్షన్, కొన్ని కీలక సన్నివేశాలకు వినిపించే వాయిస్ ఓవర్ ప్రేక్షకులను బాగా ఆకట్టుకుంది. ఆ వాయిస్ మరెవరిది కాదు… మహేష్ బాబుదే. అప్పట్లో ఈ వాయిస్ ఓవర్ కోసం మహేష్ బాబు ఒక్క రూపాయి కూడా రెమ్యునరేషన్ తీసుకోలేదని ఇండస్ట్రీలో టాక్. స్టార్ హీరో అయినప్పటికీ, స్నేహం మరియు పరస్పర గౌరవానికి ప్రాధాన్యం ఇచ్చి పవన్ కళ్యాణ్ సినిమాకు సహకరించారని అభిమానులు ఇప్పటికీ గర్వంగా చెప్పుకుంటారు.
స్టార్స్ మధ్య పరస్పర గౌరవానికి నిదర్శనం
మహేష్ బాబు – పవన్ కళ్యాణ్ మధ్య ఎప్పటినుంచో పరస్పర గౌరవం ఉందన్న విషయం తెలిసిందే. రాజకీయాలు, సినిమాలు వేర్వేరు దారుల్లో సాగుతున్నా, అవసరమైనప్పుడు ఒకరికొకరు అండగా నిలవడం వీరి మధ్య ఉన్న అనుబంధాన్ని చూపిస్తుంది. ‘జల్సా’ కోసం మహేష్ చేసిన వాయిస్ ఓవర్ కూడా అదే కోవకు చెందుతుంది.
ఇప్పటి పరిస్థితి.. అప్పటి సంఘటనకు లింక్
ప్రస్తుతం పవన్ కళ్యాణ్ డిప్యూటీ సీఎంగా కీలక బాధ్యతలు నిర్వర్తిస్తూ, సినీ పరిశ్రమకు కూడా తన వంతు సహకారం అందిస్తున్నారు. టికెట్ రేట్ల విషయంలో సానుకూల నిర్ణయాలు తీసుకుంటూ ఇండస్ట్రీకి అండగా నిలుస్తున్నారని నిర్మాతలు, దర్శకులు ప్రశంసిస్తున్నారు. ఈ నేపథ్యంలో గతంలో మహేష్ బాబు చేసిన ఆ చిన్న సహకారం ఇప్పుడు మరోసారి గుర్తుకు వస్తోంది.
మహేష్ బాబు ఫ్యూచర్ ప్రాజెక్ట్స్
ఇదిలా ఉంటే, మహేష్ బాబు ప్రస్తుతం దర్శకధీరుడు రాజమౌళితో తెరకెక్కుతున్న భారీ చిత్రం ‘వారణాసి’లో నటిస్తున్నారు. పాన్ వరల్డ్ స్థాయిలో రూపొందుతున్న ఈ సినిమా వెయ్యి కోట్ల బడ్జెట్తో రూపొందుతోందని టాక్. 2027 ఏప్రిల్లో విడుదలయ్యే అవకాశం ఉందని ప్రచారం జరుగుతోంది. ఈ చిత్రంలో మహేష్ బాబు శ్రీరాముడి పాత్రలో కనిపిస్తారని సమాచారం అభిమానుల్లో మరింత ఉత్సాహాన్ని నింపుతోంది.