Amazon Prime | అమెజాన్‌ ప్రైమ్‌ యూజర్లకు అదిరిపోయే వార్త..!

అమెజాన్ ప్రైమ్ మెంబర్షిప్ మీద 200 డిస్కౌంట్ ప్రకటించారు.

ప్రైమ్‌ మెంబర్‌షిప్‌పై రూ.200 తగ్గింపు..!

Amazon Prime | ప్రైమ్‌ యూజర్లకు అమెజాన్‌ శుభవార్త చెప్పింది. ప్రైమ్ మెంబర్షిప్ ప్రీమియంను తగ్గించింది. మెంబర్‌షిప్‌ రూ.999 ఉండగా.. రూ.200 తగ్గింపును ప్రకటించింది. దీంతో కేవలం రూ.799 యూజర్లు అందుబాటులో ఉండనున్నది. అయితే ఈ తగ్గింపు కేవలం అమెజాన్ ప్రైమ్‌లైట్ మెంబర్‌షిప్‌కే మాత్రమే వర్తించనున్నది. అమెజాన్ యూజర్లకు సరసమైన ధరకే ప్రైమ్ ప్రయోజనాలను అందించాలనే ఉద్దేశంతో అమెజాన్ ప్రైమ్ లైట్ మెంబర్‌షిప్‌ ధరను తగ్గిస్తున్నట్లు పేర్కొంది.

మరొక వైపు ప్రస్తుతం అమెజాన్ ప్రైమ్ మెంబర్‌షిప్‌ వివిధ ఆప్షన్స్‌లో అందుబాటులో ఉంది. నెల రోజుల కాలపరిమితి ప్లాన్‌కు రూ.299, మూడు నెలలకు రూ.599 సబ్‌స్క్రిప్షన్‌ ప్లాన్‌ అందుబాటులో ఉన్నది. వార్షిక ప్లాన్‌కు రూ.1499కు అందుబాటులో ఉన్నది. లైట్‌ మెంబర్‌షిప్‌ ధరను తగ్గించిన నేపథ్యంలో అందులో అందించే ప్రయోజనాల్లోనూ కంపెనీ మార్పులు చేసింది. గతంలో అమెజాన్ ప్రైమ్‌లైట్‌ మెంబర్‌షిప్‌లో రెండు రోజుల ఉచిత డెలివరీని అందించగా.. ఇప్పుడు ఇది ఒకే రోజు, రెండు రోజులు తదిత డెలివరీ ఆఫ్షన్‌ను అందివ్వనున్నది. ఉచిత అమెజాన్ ప్రైమ్ మ్యూజిక్‌ను తొలగించడంతో పాటు ప్రైమ్ వీడియోస్‌ను కేవలం హెచ్‌డీలో చూసే అవకాశం మాత్రమే ఇచ్చింది. అదేవిధంగా గతంలో రెండు డివైజెస్‌లో సపోర్ట్ చేసే మెంబర్‌షిప్‌ను ఒకే డివైజ్‌కు పరిమితం చేసింది.

ఇవి మినహా మిగిలిన అన్ని రకాల ప్రయోజనాలు యథావిధిగా కొనుసాగుతాయని కంపెనీ పేర్కొంది. వీటిలో రూ.175కే మార్నింగ్ డెలివరీ, నో కాస్ట్ ఈఎంఐ ఆప్షన్, ఆరు నెలల ఉచిత స్క్రీన్ రీప్లేస్‌మెంట్‌ తదితర ఆప్షన్‌ ఉన్నాయి. సాధారణ అమెజాన్ ప్రైమ్ మెంబర్‌షిప్‌తో పోల్చితే అమెజాన్ ప్రైమ్ లైట్‌లో తక్కువ ప్రయోజనాలుంటాయి. ఉచిత వన్ డే డెలివరీ ఆప్షన్, మార్నింగ్ డెలివరీపై రూ.50 డిస్కౌంట్, అన్ లిమిటెడ్ ప్రైమ్ వీడియో డివైజ్ సపోర్ట్, 4కే రిజల్యూషన్, ఉచితం అమెజాన్ ప్రైమ్ మ్యూజిక్ తదితర ప్రయోజనాలు ఇందులో ఉంటాయి.