ల్యాండింగ్ సమయంలో దుర్ఘటన రష్యన్ స్పేస్ ఏజెన్సీ ప్రకటన చంద్రయాన్-3 తర్వాత ప్రయోగం ముందే ల్యాండింగ్కు ప్రయత్నం
Russia
మాస్కో: చంద్రుడిపైకి ముందెళతా.. ముందెళతా అన్న రష్యా ల్యాండర్ లూనా.. చివరకు.. చంద్రుడిపై దిగే సమయంలో కుప్పకూలింది. ఇస్రో చంద్రయాన్-3ని ప్రయోగించిన తర్వాత బయల్దేరిన రష్యా లూనా-25.. చంద్రయాన్కంటే ముందే దిగేలా దూసుకెళ్లింది.
అయితే.. చంద్రుడిపై ల్యాండ్ అయ్యే సమయంలో కూలిపోయిందని రష్యా స్పేస్ ఏజెన్సీ ఆదివారం ప్రకటించింది. ప్రొపల్షన్ విన్యాసంలో దారి తప్పడం, అనుకోని కక్ష్యలోకి ప్రవేశించడం వల్లే ఈ పరిణామం చోటు చేసుకున్నదని ప్రాథమికంగా అంచనాకు వచ్చారు.
లూనా-25 అనేది దాదాపు 50 ఏళ్ల వ్యవధిలో రష్యా తొలి మూన్ మిషన్. లూనా-25తో శనివారం 11.57 జీఎంటీ (భారతీయ కాలమానం ప్రకారం మధ్యాహ్నం 2.57 గంటలకు) సంబంధాలు తెగిపోయాయని రష్యా స్పేస్ ఏజెన్సీ రోస్కాస్మోస్ తెలిపింది.