అదుపు తప్పిన ఓ లారీ ఫ్లై ఓవర్ మీద నుంచి కింద పడిపోయి ప్రమాదానికి గురైంది. మహారాష్ట్ర నాసిక్ జిల్లా సిన్నార్లోని ఎంఐడీసీ(MIDC) బైపాస్ రోడ్డులో ఈ ఘటన జరిగింది. లారీ ఫ్లైఓవర్ మీదకు రాగానే అదుపు తప్పి.. రైలింగ్ మీదకు దూసుకెళ్లి.. కాసేపు అక్కడే ఊగిసలాడి 50అడుగుల కిందకు పడింది. అదే సమయంలో ఫ్లై ఓవర్ కింద డీసీఎం సహా పలు వాహనాలు పార్కింగ్ చేసి ఉన్నాయి.
అదృష్టవశాత్తు వాటికి దూరంగానే ఫ్లై ఓవర్ నుంచి లారీ కిందకు పడిపోయింది. ప్రమాదానికి సంబంధించిన సీసీటీవీ కెమెరాలో దృశ్యాలు సోషల్ మీడియాలో వైరల్ అవుతున్నాయి. పూర్తి వివరాలు తెలియాల్సి ఉంది. అయితే ఈ ప్రమాదంలో ఎలాంటి ప్రాణ నష్టం వాటిల్ల లేదని తెలుస్తుంది. డ్రైవర్ గాయాలతో ప్రాణాలతో బయటపడ్డాడు. సమీప నివాసితులు అతడిని రక్షించి ఆసుపత్రికి తరలించారు. అధికారులు ప్రమాదంపై కేసు నమోదు చేసుకుని దర్యాప్తు చేస్తున్నారు.
ये बहुत ही खतरनाक हुआ इस ट्रक और ड्राइवर के साथ !! 😳😳
महाराष्ट्र के नासिक में एक ट्रक फ्लाईओवर से सीधे नीचे आ गिरा और क्षतिग्रस्त हो गया. pic.twitter.com/Xh5z7uuzhW
— PMF NEWS (@PMFNEWS) July 27, 2026