Airtel recharge : జియో రాకతో టెలికామ్‌ రంగంలో భారీ మార్పులు చోటు చేసుకున్నాయి. అప్పటివరకు లిమిటెడ్ డేటా, టాక్‌ టైమ్‌ అందించిన కంపెనీలు జియో దెబ్బతో దిగిరాక తప్పలేదు. టెలికామ్‌ రంగంలో ఎదురులేని కంపెనీగా ఉన్న ఎయిర్టెల్ కూడా రీచార్జ్ ప్లాన్స్‌లో మార్పులు చేయాల్సి వచ్చింది. ఇక వోడాఫోన్‌ లాంటి కంపెనీలు అయితే మార్కెట్‌లో నిలబడలేకపోయాయి. జియోతో పోటీని తట్టుకునేందుకు ఎయిర్టెల్ కూడా తన రీచార్జ్ ప్లాన్స్‌లో అనేక మార్పులు చేస్తూ వస్తున్నది. ఇప్పటికే సరికొత్త ప్రీపెయిడ్, పోస్ట్‌ పెయిడ్‌ రీచార్జ్ ప్లాన్ తీసుకువచ్చిన ఎయిర్టెల్.. ఇపుడు ఫ్యామిలీ రీచార్జ్ ప్లాన్స్‌ తెచ్చింది. ఈ ప్లాన్‌తో కుటుంబం మొత్తానికి అతి తక్కువ ధరలో ఫ్రీ కాలింగ్ డేటా, ఎస్‌ఎంఎస్‌, ఓటీటీ సబ్స్క్రిప్షన్ లాంటి సౌకర్యాలు అందిస్తోంది. దీనిలో భాగంగా రూ.1,499, రూ.999, రూ.599 ప్రీపెయిడ్, పోస్టుపెయిడ్, ఫ్యామిలీ రీచార్జ్ ఆఫర్స్‌ అందుబాటులో ఉన్నాయి. ఒక్కో ప్లాన్‌కు ఒక్కో రకమైన బెనెఫిట్స్‌ ఉన్నాయి. ఇవన్నీ నెల రోజుల వ్యాలిడిటీని కలిగి ఉన్నాయి.
రూ.1499 ఫ్యామిలీ రీఛార్జ్‌ ప్లాన్
ఎయిర్టెల్ ప్రవేశపెట్టిన అద్భుతమైన ప్లాన్ రూ.1499 ప్లాన్. ఇది పోస్ట్‌పెయిడ్ ఫ్యామిలీ రీచార్జ్ ప్లాన్. ఈ రీచార్జ్ చేసుకుంటే మరో ఐదు ఇతర ఫోన్‌ నంబర్లకు కూడా ప్రయోజనాలు పొందవచ్చు. వీరందరికీ అన్‌లిమిటెడ్ ఫ్రీ కాలింగ్, రోజుకు వంద ఎస్‌ఎంఎస్‌లతోపాటు 200 జీబీ వరకు డేటా రోల్‌ఓవర్ ఫెసిలిటీ లభిస్తుంది. వీటితోపాటుగా ఓటీటీ సబ్స్క్రిప్షన్ కూడా పొందవచ్చు. రూ.1,499 రీచార్జ్ ప్లాన్‌తో నెట్‌ఫ్లిక్స్ స్టాండర్డ్ వెర్షన్ సబ్స్క్రిప్షన్ ఉచితంగా పొందవచ్చు. అంతేకాక అమెజాన్ ప్రైమ్, డిస్నీ ప్లస్ హాట్‌స్టార్ మెంబర్షిప్ కూడా లభిస్తుంది. అయితే అమెజాన్ ప్రైమ్ మెంబర్షిప్ సబ్స్క్రిప్షన్ మాత్రం కేవలం ఆరు నెలల వరకు మాత్రమే వర్తిస్తుంది.
రూ.999 ఫ్యామిలీ రీచార్జ్ ప్లాన్
రూ.999 ఎయిర్టెల్ ఫ్యామిలీ ప్లాన్‌ను రీచార్జ్ చేసుకుంటే మీరు మరో ముగ్గురు కుటుంబసభ్యులు లేదా వేరే మొబైల్‌ నంబర్లను యాడ్ చసుకోవచ్చు. అంటే ఈ ప్లాన్‌లో మొత్తంగా మీరు 4 సిమ్‌లపై ప్రయోజనాలు పొందుతారు. ఈ రీచార్జ్ ప్లాన్ కూడా అన్ లిమిటెడ్ కాలింగ్, రోజుకు 100 ఎస్ఎంఎస్‌లు, కుటుంబ సభ్యులకు 100జీబీ + 30జీబీ యాడ్ ఆన్, హ్యాండ్‌సెట్ రక్షణ, 6 నెలలపాటు అమెజాన్ ప్రైమ్ వీడియో, వింక్‌ ప్రీమియం, ఒక సంవత్సరం పాటు డిస్నీ + హాట్‌స్టార్ సబ్స్క్రిప్షన్ లాంటి ఓటీటీ ప్రయోజనాలను కలిగివుంది.
రూ.599 ఫ్యామిలీ రీచార్జ్ ప్లాన్
రూ.599 ఎయిర్టెల్ ఫ్యామిలీ రీచార్జ్ ప్లాన్ మీరు మినహా మరో కుటుంబ సభ్యుడికే వర్తిస్తుంది. అంటే ఈ రీచార్జ్‌లో మీరు కేవలం రెండు సిమ్‌లకే ప్రయోజనాలు పొందుతారు. ఈ ప్లాన్‌లో కూడా మీరు అన్ లిమిటెడ్ కాల్‌లు, రోజుకు 100 ఎస్ఎంఎస్‌లు, ప్రతి కుటుంబసభ్యునికి 75జీబీ + 30జీబీ యాడ్ ఆన్, హ్యాండ్‌సెట్ రక్షణ, 6 నెలలపాటు అమెజాన్ ప్రైమ్ వీడియో, వింక్‌ ప్రీమియం, డిస్నీ + హాట్‌ స్టార్‌ సబ్‌స్క్రిప్షన్‌ను ఏడాదిపాటు పొందుతారు.