Credit Score | క్రెడిట్ స్కోర్ లేకున్నా ఎడ్యుకేషన్ లోన్ తీసుకోవచ్చా?

సిబిల్ లేదా క్రెడిట్ స్కోర్ మెరుగ్గా లేకున్నా ఎడ్యుకేషన్ లోన్ తీసుకోవచ్చు. ఎడ్యుకేషన్ లోన్ కు మంజూరు కావాలంటే క్రెడిట్ స్కోర్ ఏ మేరకు ప్రభావం చూపుతుంది? ఇతర అంశాలు కూడా ఎంత కీలకంగా మారుతాయనే విషయాలను తెలుసుకుందాం.

సిబిల్ లేదా క్రెడిట్ స్కోర్ మెరుగ్గా లేకున్నా ఎడ్యుకేషన్ లోన్ తీసుకోవచ్చు. ఎడ్యుకేషన్ లోన్ కు మంజూరు కావాలంటే క్రెడిట్ స్కోర్ ఏ మేరకు ప్రభావం చూపుతుంది? ఇతర అంశాలు కూడా ఎంత కీలకంగా మారుతాయనే విషయాలను తెలుసుకుందాం.

ఎడ్యుకేషన్ లోన్‌ కు సిబిల్ స్కోర్ లింక్

విదేశాలతో పాటు దేశంలోని ప్రధాన యూనివర్శిటీల్లో విద్యనభ్యసించేందుకు విద్యార్థులు రుణాలు తీసుకుంటారు. బ్యాంకుల నుంచి ఎక్కువగా ఎడ్యుకేషన్ లోన్ తీసుకుంటారు. సిబిల్ లేదా క్రెడిట్ స్కోర్ మెరుగ్గా ఉంటే మీరు తీసుకొనే ఎడ్యుకేషన్ లోన్ వడ్డీరేటు తక్కువగా ఉంటుంది. క్రెడిట్ స్కోర్ ఉంటే మీ లోన్ వెంటనే ఆమోదం పొందే అవకాశం ఉంటుంది. పూచీకత్తు అవసరం ఉండదు. అంటే ఎలాంటి ఆస్తులు తాకట్టు పెట్టాల్సిన పని లేదు. విద్యార్థులకు ఎడ్యుకేషన్ మంజూరు చేసే సమయంలో రుణదాతలు లేదా బ్యాంకులు సహదరఖాస్తుదారు అంటే విద్యార్థుల పేరేంట్స్ క్రెడిట్ స్కోర్ ను విద్యార్ధి విద్యపై దృష్టి పెడతాయి. తక్కువ లేదా సున్నా క్రెడిట్ స్కోర్ ఉన్న విద్యార్థులకు కూడా బ్యాంకులు లేదా ఎన్ బీ ఎఫ్ సీ సంస్థలు సహ-దరఖాస్తుదారుల క్రెడిట్ ప్రొఫైల్ ఆధారంగా రుణాలు మంజూరు చేస్తాయి. మంచి మార్కులు, ప్రఖ్యాత యూనివర్శిటీలో ఆడ్మిషన్ ఉంటే మీ విద్యా అర్హతలు ముఖ్యమైనవి. అవసరమైన అన్ని పత్రాలు ఉన్నాయని నిర్ధారించుకోవాలి.

ఎడ్యుకేషన్ లోన్ కావాల్సిన డాక్యుమెంట్లు

లోన్ కోసం ధరఖాస్తు చేసిన అభ్యర్ధికి ఏ యూనివర్శిటీలో ఆడ్మిషన్ లభించిందో వివరాలు సమర్పించాలి. విదేశాల్లో చదివేందుకు రుణం కావాల్సి వస్తే పాస్ పోర్ట్, విద్యార్ధి వీసా వంటి డాక్యుమెంట్లు అడిగే అవకాశం ఉంది. దీంతో పాటు విదేశీ యూనివర్శిటీలో ఆడ్మిషన్ కు సంబంధించిన ఆధారం తప్పనిసరి. ఇండియాలోని యూనివర్శిటీల్లో ఆడ్మిషన్లకు సంబంధించి కూడా ఇలాంటి రుజువు ఉండాలి. మీ ఎడ్యుకేషన్ వివరాలకు సంబంధించిన సర్టిఫికెట్లు అవసరం. విదేశీ, స్వదేశంలోని యూనివర్శిటీలో ఫీజుల వివరాలు ఇవ్వాలి. అంతేకాదు ధరఖాస్తుదారుడితో పాటు సహ ధరఖాస్తుదారుడి పూర్తి వివరాలు అందించాలి. విదేశాల్లో ఉన్నత విద్య కోసం వెళ్లే విద్యార్థులు చదువుకుంటూ పార్ట్ టైం జాబ్స్ చేస్తూ సంపాదిస్తుంటారు. ఇలా సంపాదించిన మొత్తంలో కొంత తమ ఫీజులు లేదా పాకెట్ మనీ కోసం ఖర్చు చేసుకుంటూ తమ పేరేంట్స్ కు ఆర్ధికంగా సహాయపడుతున్నారు.

ఎడ్యుకేషన్ లోన్ మారటోరియం అంటే ఏంటి?

ఎడ్యుకేషన్ లోన్ కు కొంత కాలం మారటోరియం ఉంటుంది. లోన్ తీసుకొనే సమయంలో ఈ మారటోరియం ఎంత కాలమో తెలుసుకోవాలి. ఎడ్యుకేషన్ లోన్ మారటోరియం అంటే విద్యార్థి తన చదువు పూర్తైన ఉద్యోగం పొందే వరకు లేదా నిర్దిష్ట కాలం వరకు ఈఎంఐ చెల్లించాల్సిన అవసరం లేని కాలం. ఈ కాలం సాధారణంగా చదువుకునే సమయంతో పాటు ఆ తర్వాత 6 నుండి 12 నెలల వరకు ఉంటుంది. ఈ సమయంలో వడ్డీ పెరుగుతుంది. విద్యార్ధి చదువు పూర్తై ఉద్యోగం పొందేవరకు ఈఎంఐలు చెల్లించకుండా మారటోరియం వెసులుబాటు కల్పిస్తుంది. అయితే వడ్డీ పెరగడం రుణగ్రహీతకు అదనంగా భారం అయ్యే అవకాశం కూడా ఉంది. మంచి యూనివర్శిటీలో ఆడ్మిషన్ లభిస్తే త్వరగా ఉద్యోగం కూడా వస్తుంది. అప్పుడు మీరు త్వరగా లోన్ క్లియర్ చేసే అవకాశం ఉంది. సక్రమంగా ఎడ్యుకేషన్ లోన్ చెల్లిస్తే క్రెడిట్ స్కోర్ పెరుగుతుంది. లేకపోతే క్రెడిట్ స్కోర్ పడిపోతుంది.

Read Also –TUWUJ | డిసెంబర్ 3న జర్నలిస్టుల మహాధర్నా
Kokapet Lands | బంగారు భూములు.. కోకాపేటలో ఎకరం రూ.151 కోట్లు
Karnataka CM change | తుది అంకానికి కర్ణాటక సీఎం ఇష్యూ! డీకే, సిద్ధరామయ్యతో ఖర్గే భేటీకి రంగం సిద్ధం!