Kokapet Lands | బంగారు భూములు.. కోకాపేటలో ఎకరం రూ.151 కోట్లు

హైదరాబాద్ లో భూములు ధరలు రోజురోజుకు రికార్డులు బద్దలు కొడుతున్నాయి. కోకాపేట్‌లో భూముల రెండో విడత ఈ-వేలం శుక్రవారం ముగిసింది. నియోపోలిస్‌ సమీపంలోని ప్లాట్‌ 15 నెంబర్‌ ఎకరానికి 151.25 కోట్ల రూపాయలు పలికి ఇప్పటి వరకు ఉన్న రికార్డులు చెరిపి చరిత్ర సృష్టించింది.

విధాత, హైదరాబాద్ :

హైదరాబాద్ లో భూములు ధరలు రోజురోజుకు రికార్డులు బద్దలు కొడుతున్నాయి. కోకాపేట్‌లో భూముల రెండో విడత ఈ-వేలం శుక్రవారం ముగిసింది. నియోపోలిస్‌ సమీపంలోని ప్లాట్‌ 15 నెంబర్‌ ఎకరానికి 151.25 కోట్ల రూపాయలు పలికి ఇప్పటి వరకు ఉన్న రికార్డులు చెరిపి చరిత్ర సృష్టించింది. దీని పక్కనే ఉన్న ప్లాట్‌ నెంబర్‌ 16 కూడా ఎకరానికి రూ.₹147 కోట్లు 75 లక్షలు పలికింది. కోకాపేట్ రియల్‌ ఎస్టేట్ మార్కెట్ స్థాయి ఎంత పెరిగిందనడానికి ఈ వేలం మరోసారి నిదర్శనమైంది.

హెచ్ఎండీఏ నిర్వహించిన ఈ రెండో విడత ఈ-వేలంలో మొత్తం మొత్తం 9.06 ఎకరాలకు వేలం వెయ్యగా, ఈ భూముల ద్వారా సంస్థ భారీగా రూ.1,353 కోట్ల 52 లక్షల ఆదాయం ఆర్జించింది. వీటిలో ప్లాట్‌ నెంబర్‌ 15లోని 4.03 ఎకరాలు రూ. 609 కోట్లు 55 లక్షల సల్ కాగా, ప్లాట్‌ నెంబర్‌ 16లోని 5.03 ఎకరాలు రూ. 743 కోట్లు రాబట్టినట్లు అధికారులు తెలిపారు. నవంబర్‌ 25న జరిగిన మొదటి విడత వేలంలో కోకాపేట్ లో రికార్డు స్థాయిలో ఎకరానికి రూ.137.25 కోట్లు పలికిన విషయం తెలిసిందే. కోకాపేట్ నియోపోలిస్‌తో పాటు మూసాపేట సమీపంలోని 16 ఎకరాల భూములను కూడా వేలం ప్రక్రియకు సిద్ధం చేసింది హెచ్ఎండీఏ. డిసెంబర్‌ 3, 5 తేదీల్లో మిగిలిన ప్లాట్లకు ఈ-వేలం నిర్వహించనుంది.

కాగా, మిగతా ప్లాట్లకు హెచ్ఎండీఏ నిర్ణయించిన ప్రారంభ ధరలు ఇలా ఉన్నాయి : కోకాపేట్‌ నియోపోలిస్ ప్లాట్లు ఎకరానికి రూ.99 కోట్లు ఉండగా.. కోకాపేట్ గోల్డెన్ మైల్ ప్లాట్లు రూ.70 కోట్లు, మూసాపేట్ ప్లాట్లు రూ.75 కోట్లు గా నిర్ణయించారు. నియోపోలిస్‌ లేఅవుట్‌ ప్రత్యేకతలే కొనుగోలుదారులను ఆకర్షిస్తున్న ప్రధాన కారణం. ఈ ప్రాంతంలో ప్లాట్లు కొనుగోలు చేసే వారికి “ఎత్తైన భవన నిర్మాణాలపై ఎలాంటి పరిమితులు లేకుండా” అనుమతులు లభిస్తాయి. ఫ్లోర్ల పరిమితి లేకపోవడం, అధునాతన మౌలిక వసతులు ఉండటంతో ఇక్కడి భూములు కాసుల వర్షం కురిపిస్తున్నాయి. అలాగే, నియోపోలిస్‌ అభివృద్ధికి హెచ్ఎండీఏ దాదాపు రూ.300 కోట్లు ఖర్చు చేసి 40 ఎకరాల విస్తీర్ణంలో అత్యున్నత ప్రమాణాలతో మౌలిక సదుపాయాలు కల్పించింది.

Also read: IRCTC Best Package|| టెంపుల్స్ ఆఫ్ తమిళనాడు
Deeksha Divas : ‘స్థానికం’ వేళ..మళ్లీ బీఆర్ఎస్ ‘సెంటిమెంట్’ రాగం!
హైదరాబాద్‌కు కొత్త క్రికెట్‌ స్టేడియం అడియాసేనా? కొత్త స్టేడియాల్లో తెలంగాణకేదీ చోటు?