ITR Filing | ఆదాయపు పన్నుచెల్లింపుదారులకు అలెర్ట్‌. ఐటీఆర్ ఫైలింగ్‌కు చివరి తేదీ జూలై 31 లోగా గడువు. ఐటీఆర్ ఫైలింగ్‌ చేయలేకపోతే భారీ జరిమానాను ఎదుర్కోవాల్సి రానున్నది. అలాగే, వడ్డీ సైతం చెల్లించాల్సి ఉంటుంది. ఈ మొత్తాన్ని చెల్లించని పక్షంలో జైలు శిక్ష పడనున్నది. ఫైలింగ్‌ చేయకపోతే రూ.5వేల వరకు జరిమానా విధించనున్నారు. ఆదాయపు పన్ను సెక్షన్ 234ఎఫ్‌ కింద పెనాల్టీ చెల్లించాల్సి ఉంటుంది. వార్షిక ఆదాయం రూ.5 లక్షల వరకు ఉంటే రూ.1000 జరిమానా విధిస్తారు. వార్షిక ఆదాయం రూ. 5 లక్షల కంటే ఎక్కువ ఉంటే.. జరిమానా మొత్తం రూ.5వేలకు పెరుగుతుంది.
అయితే ఆదాయం ప్రైమరీ మినహాయింపు (రూ.2.50 లక్షలు) కంటే తక్కువగా ఉంటే ఎలాంటి జరిమానా విధించేందుకు అవకాశం ఉండదు. ఐటీఆర్‌ను ఆలస్యంగా దాఖలు చేయడంతో నష్టాన్ని ముందుకు తీసుకెళ్లే సదుపాయం ఉండనున్నది. నిజానికి పెట్టుబడుల్లో నష్టపోయే పన్ను చెల్లింపుదారులు చాలా మంది ఉన్నారు. ఇలాంటి పరిస్థితిలో చెల్లింపుదారుడు తన నష్టాన్ని వచ్చే ఏడాది ఆదాయానికి జోడించడం ద్వారా పన్ను బాధ్యతను భరిస్తాడు. ఈ ప్రక్రియను క్యారీ ఫార్వర్డ్‌గా అంటారు. సకాలంలో ఐటీఆర్ ఫైల్ చేసిన వారికి మాత్రమే దీని ప్రయోజనం కనిపించనున్నది. ఆదాయపు పన్ను ఆలస్యంగా చెల్లించినట్లయితే ఆదాయపు పన్ను సెక్షన్ 234ఏ కింద పన్ను బాధ్యతపై వడ్డీని చెల్లించాల్సి రానున్నది. ఈ వడ్డీని నెలకు ఒకశాతం చొప్పున వసూలు చేయనున్నారు.
మీ రాబడిపై రూ.2 లక్షల పన్ను చెల్లించాలని అనుకుంటే.. మీరు చివరి తేదీ వరకు పన్ను చెల్లించరు. మీరు ఐదు నెలల తర్వాత అంటే డిసెంబర్‌లో ఆదాయపు పన్ను దాఖలు చేస్తే.. మీరు రూ.10వేలు వడ్డీ చెల్లించాలి వస్తుంది. దాంతో ఆర్థిక భారం పెరుగుతుంది. చివరి వరకు బకాయిలు చెల్లించకపోతే జైలుకు కూడా వెళ్లాల్సిన పరిస్థితి ఏర్పడుతుంది. మూడు నెలల నుంచే ఏడేళ్ల వరకు జైలు శిక్ష విధించే అవకాశం ఉంటుంది. దాంతో పాటు జరిమానా సైతం విధించే అవకాశాలు లేకపోలేదు. రూ.25 వేల కంటే ఎక్కువ ఆదాయపు పన్ను చెల్లించినట్లయితే.. 6 నెలల నుంచి 7 సంవత్సరాల వరకు జైలు శిక్ష ఉంటుంది. రూ.25వేలలోపు ఉంటే జైలు శిక్ష మూడు నెలల నుంచి 2 ఏళ్ల వరకు ఉండనున్నది.