క్రెడిట్ కార్డు రద్దు చేసుకుంటే లాభమా? నష్టమా?
క్రెడిట్ కార్డు రద్దు చేసుకుంటే లాభం కంటే నష్టమే అనే అభిప్రాయాలను ఆర్ధిక నిపుణులు వ్యక్తం చేస్తున్నారు. మీ క్రెడిట్ హిస్టరీ సగటు వయస్సు తగ్గుతుంది. ఏళ్ల తరబడి వాడుతున్న క్రెడిట్ కార్డు వాడితే అంత కాలం నుంచి ఉన్న మీ క్రెడిట్ హిస్టరీపై ప్రభావం చూపే అవకాశం ఉంది. మీ క్రెడిట్ కార్దును రద్దు చేసుకొనే ముందు మీ కార్డుపై ఉన్న బకాయిలను చెల్లించాలి. చిన్న బకాయి ఉన్న కూడా చెల్లించాలి. లేకపోతే అది స్కోర్ పై ప్రభావం చూపుతుంది. మీరు క్రెడిట్ కార్డు రద్దు చేసుకుంటున్నట్టు బ్యాంకుకు మెయిల్ చేయాలి.. మీ క్రెడిట్ కార్డు రద్దు చేసినట్టు బ్యాంకు కూడా నిర్ధారిస్తూ మెయిల్ పంపాలి. వినియోగదారుడి కోరిక మేరకు క్రెడిట్ కార్డును రద్దు చేసినట్టు క్రెడిట్ హిస్టరీలో నమోదు కావాలి. ఇతర కారణాలతో క్రెడిట్ కార్డు రద్దు చేసినట్టు ఉంటే అది మీ క్రెడిట్ హిస్టరీకి నష్టం చేసే అవకాశం ఉంది.
క్రెడిట్ లిమిట్ తగ్గిపోతుందా?
క్రెడిట్ కార్డు రద్దు చేసుకుంటే క్రెడిట్ లిమిట్ కూడా తగ్గిపోయే అవకాశం ఉంది. దీని కారణంగా దీంతో క్రెడిట్ యుటిలైజేషన్ రేషియో సీయుఆర్ కూడా పెరుగుతుంది. ఇది ప్రమాదకరం. క్రెడిట్ స్కోర్ లో క్రెడిట్ కార్డు చెల్లింపులు కనీసం 15 శాతం ప్రభావితం చేసే అవకాశం ఉంది. క్రెడిట్ కార్డును రద్దు చేసుకుంటే క్రెడిట్ కార్డు ద్వారా మీ క్రెడిట్ హిస్టరీలో మీ స్కోర్ తగ్గిపోయే అవకాశం ఉంది. కొత్త క్రెడిట్ కార్డును రద్దు చేసుకొంటే అంతగా నష్టం ఉండదు. కానీ, ఏళ్ల తరబడి నుంచి వాడుతున్న క్రెడిట్ కార్డును రద్దు చేసుకోవద్దని ఆర్ధిక నిపుణులు సూచిస్తున్నారు.
లోన్లు తీసుకొనేముందు….
కారు లోన్, ఇంటి కోసం హౌజింగ్ లోన్ తీసుకొనే ముందు క్రెడిట్ కార్డు రద్దు చేసుకోవద్దు. లోన్ల కోసం ధరఖాస్తు చేసుకున్న తర్వాత క్రెడిట్ కార్డులు రద్దు చేసుకుంటే అది మీ క్రెడిట్ హిస్టరీపై ప్రభావం చూపుతుంది. అది మీరు తీసుకొనే లోన్ కు ఇబ్బంది కల్గించే అవకాశం ఉంది. లోన్ తీసుకున్న తర్వాత లేదా లోన్ మంజూరైనట్టు బ్యాంకు నుంచి అధికారికంగా మీకు సమాచారం ఇచ్చిన తర్వాత క్రెడిట్ కార్డును రద్దు చేసుకోవాలి. అంటే ఇలాంటి లోన్ల కోసం ధరఖాస్తు చేసుకున్న 60 నుంచి 909 రోజుల వరకు క్రెడిట్ కార్డును రద్దు చేసుకోవద్దని నిపుణులు సూచిస్తున్నారు.