Horoscope | మార్చి 22 శ‌నివారం రాశిఫ‌లాలు.. ఈ రాశివారు ప్ర‌యాణాలు వాయిదా వేస్తే మంచిది..!

Horoscope | చాలా మంది జ్యోతిష్యాన్ని అనుస‌రిస్తుంటారు. రోజు వారి రాశిఫ‌లాల‌కు అనుగుణంగా శుభ కార్యాలు, కొత్త ప‌నుల‌ను ప్రారంభిస్తారు. దిన ఫ‌లాలు చూడ‌నిదే కొంద‌రు ఏ ప‌ని ప్రారంభించ‌రు. మ‌రి నేటి రాశిఫ‌లాలు ఎలా ఉన్నాయో తెలుసుకుందాం..

మేషం

మేషరాశి వారికి ఈ రోజు శుభ ఫలితాలు ఉంటాయి. పట్టుదలతో చేపట్టిన పనుల్లో విజయాలు సాధిస్తారు. ఒక శుభవార్త మీ ఆనందాన్ని రెట్టింపు చేస్తుంది. వృత్తి ఉద్యోగాలలో ఎదురయ్యే ఆటంకాలను బుద్ధిబలంతో అధిగమిస్తారు. పనుల్లో శ్రమ పెరగకుండా చూసుకోండి. ఆర్థికంగా ఉత్తమమైన కాలం.

వృషభం

వృషభరాశి వారికి ఈ రోజు అనుకూలంగా ఉంటుంది. బుద్ధిబలంతో అనుకున్నది సాధిస్తారు. పేరు ప్రతిష్ఠలు పెరుగుతాయి. వృత్తి వ్యాపారాలు లాభదాయకంగా ఉంటాయి. ఆర్థికంగా పుంజుకుంటారు. ఆరోగ్యం బాగుంటుంది.

మిథునం

మిథునరాశి వారికి ఈ రోజు ఫలవంతంగా ఉంటుంది. క్లిష్టమైన పనులను కూడా సునాయాసంగా పూర్తి చేస్తారు. ఆర్థికాభివృద్ధి ఆనందం కలిగిస్తుంది. బంధు మిత్రులతో సంతోషంగా గడుపుతారు. నూతన వాహనయోగం ఉంది. స్వల్ప అనారోగ్య సమస్యలు ఉండవచ్చు.

కర్కాటకం

కర్కాటకరాశి వారికి ఈ రోజు అదృష్టదాయకంగా ఉంటుంది. వ్యాపారం మూడు పువ్వులు ఆరు కాయలుగా వృద్ధి చెందుతుంది. ఆశించిన లాభాలు అందుకుంటారు. ఉద్యోగులకు సహోద్యోగుల సహకారం ఉంటుంది. స్థానచలనం, పదోన్నతులు ఉండవచ్చు. వృథా ఖర్చులు నివారిస్తే మంచిది.

సింహం

సింహరాశి వారికి ఈ రోజు ఆనందదాయకంగా ఉంటుంది. బంధుమిత్రులతో సరదాగా గడుపుతారు. సృజనాత్మక రంగాల్లో ఉన్నవారికి ఈ రోజు చక్కని ప్రశంసలు లభిస్తాయి. స్థిరాస్తి రంగం వారికి అద్భుతమైన రోజు. మంచి లాభాలు అందుకుంటారు. అనారోగ్య సమస్యలు నిర్లక్ష్యం చేయవద్దు.

కన్య

కన్యారాశి వారికి ఈ రోజు ప్రతికూల ఫలితాలు ఉండవచ్చు. కీలకమైన వ్యవహారాలకు, ప్రయాణాలకు ఈ రోజు మీకు అనువైన రోజు కాదు. సోమరితనం, బద్దకం కారణంగా చేపట్టిన పనుల్లో జాప్యం జరిగే అవకాశం ఉంది. ఆస్తికి సంబంధించి లేదా కోర్టుకు సంబంధించి ఎటువంటి నిర్ణయాలు తీసుకోవద్దు. ప్రయాణాలు వాయిదా వేస్తే మంచిది.

తుల

తులారాశి వారికి ఈ రోజు మిశ్రమ ఫలితాలు ఉంటాయి. చేపట్టిన పనుల్లో ఆచి తూచి వ్యవహరించాలి. కీలక నిర్ణయాలు తీసుకోవడంలో దూకుడు వద్దు. స్నేహితులతో విహారయాత్రలకు వెళ్తారు. కుటుంబ వ్యవహారాలు సానుకూలంగా ఉంటాయి. శత్రువుల మీద విజయం సాధిస్తారు. అనారోగ్య సమస్యలు ఇబ్బంది పెడతాయి.

వృశ్చికం

వృశ్చికరాశి వారికి ఈ రోజు అనుకూలంగా ఉంటుంది. చిత్తశుద్ధితో చేసే పనులు సత్ఫలితాన్ని ఇస్తాయి. భాగస్వామ్య వ్యాపారంలో కృషికి తగిన ప్రతిఫలం లభిస్తుంది. మీ వ్యక్తిత్వం ఎందరినో ప్రభావితం చేస్తుంది. చంచల నిర్ణయాలతో నష్టం వాటిల్లుతుంది. అవసరానికి సరిపడా డబ్బు చేతికి అందుతుంది.

ధనుస్సు

ధనుస్సురాశి వారికి ఈ రోజు సామాన్యంగా ఉంటుంది. సహచరుల సహకారంతో చేపట్టిన పనులు పూర్తి చేస్తారు. వృత్తి ఉద్యోగాలలో శ్రమ, ఒత్తిడి పెరుగుతాయి. సన్నిహితులతో వాదప్రతివాదాలు పెరుగుతాయి. ఆరోగ్యం పట్ల జాగ్రత్తగా ఉండాలి.

మకరం

మకరరాశి వారికి ఈ రోజు ఫలవంతంగా ఉంటుంది. మనోబలంతో చేసే పనులు విశేషమైన లాభాలు ఇస్తాయి. సమాజంలో గౌరవ మర్యాదలు పెరుగుతాయి. ధార్మిక , సామాజిక కార్యకలాపాల కోసం అధికంగా ధనవ్యయం చేస్తారు. కుటుంబంలో సుఖశాంతులు నెలకొంటాయి.

కుంభం

కుంభరాశి వారికి ఈ రోజు అనుకూలంగా ఉంటుంది. కొత్త ప్రాజెక్టులు చేపట్టడానికి శుభప్రదమైన రోజు. వృత్తిపరంగా లాభించవచ్చు. సామాజికంగా మంచి కీర్తి ప్రతిష్ఠలు అందుకుంటారు. అవివాహితులకు కళ్యాణయోగం ఉంది. జీవిత భాగస్వామితో తీర్థయాత్రలకు వెళ్తారు. ఆరోగ్యం సహకరిస్తుంది.

మీనం

మీనరాశి వారికి ఈ రోజు ఆశాజనకంగా లేదు. కుటుంబ సభ్యులతో మనస్పర్థలు ఏర్పడతాయి. ప్రతికూల ఆలోచనలు వీడితే మంచిది. దృఢ సంకల్పంతో సత్ఫలితాలు ఉంటాయి. అపోహలు, అపరాధాలకు తావివ్వవద్దు. ఆరోగ్యంపై శ్రద్ధ అవసరం.