Allu Arjun | మెగా పవర్ స్టార్ రామ్చరణ్, ఉపాసన కొణిదెల దంపతుల ఇంట కవల పిల్లల రాకతో ఆనందం రెట్టింపు అయిన విషయం తెలిసిందే. ఒక పాప, ఒక బాబు జన్మించడంతో కొణిదెల కుటుంబంలో పండుగ వాతావరణం నెలకొంది. ఈ శుభసందర్భంగా టాలీవుడ్కు చెందిన పలువురు ప్రముఖులు, అభిమానులు రామ్చరణ్ దంపతులకు శుభాకాంక్షలు తెలుపుతూ సోషల్ మీడియాలో సందడి చేస్తున్నారు. ముఖ్యంగా అల్లు అర్జున్ చేసిన పోస్టు అభిమానుల్లో ప్రత్యేక ఆకర్షణగా నిలిచింది.అల్లు అర్జున్ తన సోషల్ మీడియా ఖాతా ద్వారా రామ్చరణ్, ఉపాసనలకు హృదయపూర్వక శుభాకాంక్షలు తెలియజేశారు.
కుటుంబమంతా ఆనందంతో, నవ్వులతో కనిపిస్తుండటాన్ని చూసి తనకు ఎంతో సంతోషంగా ఉందని పేర్కొన్నారు. “మరోసారి తల్లిదండ్రులైన ఉపాసన, రామ్చరణ్లకు నా శుభాకాంక్షలు. చిరంజీవి గారి ముఖంలో గర్వం, ఆనందం స్పష్టంగా కనిపిస్తోంది. కుటుంబం మొత్తం చిరునవ్వులతో కనిపించడం ఎంతో హ్యాపీగా ఉంది. ఈ చిన్నారుల రాకతో వారి జీవితాల్లో మరింత వెలుగు నిండింది” అంటూ బన్నీ చేసిన వ్యాఖ్యలు అభిమానులను భావోద్వేగానికి గురిచేశాయి.
అల్లు అర్జున్ పోస్టు మెగా–అల్లు కుటుంబాల మధ్య ఉన్న ఆప్యాయత బంధాన్ని మరోసారి గుర్తు చేసేలా ఉందని నెటిజన్లు కామెంట్లు చేస్తున్నారు. సోషల్ మీడియాలో ఈ పోస్టు వైరల్ అవుతూ అభిమానుల్లో ఉత్సాహాన్ని పెంచింది. చిరంజీవి కుటుంబ ఆనందాన్ని చూసి ఇండస్ట్రీ మొత్తం సంబరపడుతోందని పలువురు సినీ విశ్లేషకులు అభిప్రాయపడుతున్నారు.ఇక ఈ సంతోషకర సందర్భంలో ప్రముఖ నిర్మాత అల్లు అరవింద్ కూడా రామ్చరణ్, ఉపాసన దంపతులకు ప్రత్యేకంగా శుభాకాంక్షలు తెలిపారు. కొణిదెల కుటుంబానికి చెందిన ఇతర సభ్యులతో పాటు పలువురు టాలీవుడ్ నటులు, దర్శకులు, నిర్మాతలు సోషల్ మీడియా వేదికగా విషెస్ తెలుపుతున్నారు. అభిమానులు కూడా తమ ప్రేమాభిమానాలను కామెంట్లు, పోస్టుల రూపంలో వ్యక్తం చేస్తున్నారు.
కవలల రాకతో ఇప్పటికే క్లీంకారతో కళకళలాడుతున్న కొణిదెల కుటుంబంలో ఆనందం మరింత పెరిగింది. ఈ శుభవార్తతో మెగా అభిమానుల్లో పండుగ వాతావరణం నెలకొనగా, సోషల్ మీడియా అంతా అభినందనల సందేశాలతో నిండిపోయింది.