Ashu Reddy | సోషల్ మీడియా సెన్సేషన్ అషు రెడ్డి గత కొన్ని రోజులుగా వరుస వివాదాలతో వార్తల్లో నిలుస్తున్న సంగతి తెలిసిందే. ముఖ్యంగా ఎన్నారై వైవీ ధర్మేంద్రతో ఆమెకు సంబంధించిన వ్యక్తిగత, ఆర్థిక వ్యవహారాల అంశం సోషల్ మీడియాలో పెద్ద చర్చకు దారితీసింది. ఈ వ్యవహారంలో ఆమెపై నమోదైన ఆరోపణలు, కేసులు నెట్టింట హాట్ టాపిక్గా మారాయి.
ఇలాంటి సమయంలోనే అషు రెడ్డి అకస్మాత్తుగా సోషల్ మీడియాలో కొన్ని ఎంగేజ్మెంట్ ఫోటోలు షేర్ చేయడం మరింత సంచలనంగా మారింది. చేతికి ఉంగరం తొడిగిన ఫోటోలు, పెళ్లి వేడుకలను తలపించే విజువల్స్ పోస్ట్ చేయడంతో నిజంగానే ఆమె నిశ్చితార్థం జరిగిపోయిందని అందరూ భావించారు. ముఖ్యంగా ధర్మేంద్రతో కొనసాగుతున్న వివాదాలకు ఫుల్ స్టాప్ పెట్టేందుకు ఇద్దరూ పెళ్లి చేసుకోవాలని నిర్ణయించుకున్నారనే ప్రచారం కూడా బలంగా జరిగింది.
ఊహించని ట్విస్ట్…
అయితే ఈ మొత్తం వ్యవహారానికి తాజాగా అషు రెడ్డి ఊహించని ట్విస్ట్ ఇచ్చింది. తాను షేర్ చేసిన ఎంగేజ్మెంట్ ఫోటోలు నిజ జీవితానికి సంబంధించినవి కావని, అవి కేవలం ఓ వెబ్ సిరీస్ షూటింగ్లో భాగంగా తీసిన సన్నివేశాలని ఆమె వెల్లడించింది. దీనికి సంబంధించిన మరిన్ని వివరాలతో సోషల్ మీడియాలో మరో పోస్టు పెట్టి క్లారిటీ ఇచ్చింది.
దీంతో గత కొన్ని రోజులుగా నెట్టింట వైరల్ అయిన “అషు రెడ్డి ఎంగేజ్మెంట్” వార్తల్లో ఎలాంటి నిజం లేదని తేలిపోయింది. ఫోటోలు చూసి నిజంగానే పెళ్లి ఫిక్స్ అయిందని భావించిన అభిమానులు ఇప్పుడు షాక్ అవుతున్నారు.
ఎలా ఎండ్ కార్డ్ వేస్తుంది..
ఇక మరోవైపు ధర్మేంద్ర వ్యవహారం ఇంకా పూర్తిగా ముగియకపోవడంతో, ఈ వివాదానికి అషు రెడ్డి ఎలా ఎండ్ కార్డ్ వేస్తుందన్నది ఆసక్తికరంగా మారింది. ప్రస్తుతం ఆమె చేసిన ఈ వివరణ సోషల్ మీడియాలో వైరల్ అవుతుండగా, కొందరు ఇది ప్రమోషనల్ స్ట్రాటజీ అయి ఉండొచ్చని కామెంట్లు చేస్తున్నారు.
టిక్టాక్ వీడియోలతో గుర్తింపు తెచ్చుకుని, తర్వాత బిగ్బాస్ ద్వారా మరింత పాపులారిటీ సంపాదించిన అషు రెడ్డి.. సోషల్ మీడియాలో ఎప్పుడూ ట్రెండింగ్లో ఉండే సెలబ్రిటీల్లో ఒకరిగా మారిపోయారు. ఇప్పుడు ఈ ఫేక్ ఎంగేజ్మెంట్ ట్విస్ట్తో మరోసారి వార్తల్లో నిలిచారు.