Ravi Babu | కమెడియన్గా, విలన్గా, నటుడిగా ప్రత్యేక గుర్తింపు తెచ్చుకున్న రవిబాబు, దర్శకుడిగా కూడా మొదటి నుంచే డిఫరెంట్ కాన్సెప్ట్లతో ప్రేక్షకులను మెప్పిస్తున్నాడు. ‘అల్లరి’, ‘అనసూయ’, ‘నచ్చావులే’, ‘నువ్విలా’, ‘అమరావతి’, ‘అవును’, ‘ఆవిరి’, ‘క్రష్’ వంటి విభిన్న కథలతో తెరకెక్కించిన సినిమాలు ఈజీ హిట్స్గా నిలిచి, రవిబాబుకు డైరెక్టర్గా ప్రత్యేక స్థానం తీసుకొచ్చాయి.
కొంతకాలం దర్శకత్వానికి గ్యాప్ తీసుకున్న రవిబాబు, తాజాగా మళ్లీ బ్యాక్ టు బ్యాక్ ప్రాజెక్ట్లతో ప్రేక్షకుల ముందుకు వస్తున్నాడు. ఇటీవలే ‘ఏనుగుతొండం ఘటికాచలం’ సినిమాతో ఈటీవీ విన్ ఓటీటీలో పలకరించిన ఆయన, ఇప్పుడు మరో కొత్త సినిమాను అధికారికంగా ప్రకటించారు.
‘రేజర్’ టైటిల్ గ్లింప్స్ రిలీజ్
రవిబాబు తాజా సినిమా పేరు ‘రేజర్’ అని వెల్లడిస్తూ, సినిమా టైటిల్ గ్లింప్స్ను విడుదల చేశాడు. ఈ గ్లింప్స్లో మనుషులను ముక్కలు ముక్కలుగా నరికేసినట్టుగా చూపిస్తూ, డార్క్ మరియు వైలెంట్ టోన్లో ఉన్న విజువల్స్తో ప్రేక్షకులను షాక్కు గురి చేశాడు. టైటిల్ గ్లింప్స్ చూసిన వెంటనే సినిమా ఏ స్థాయిలో ఉండబోతోందన్న ఆసక్తి పెరిగింది.
సురేష్ ప్రొడక్షన్స్ బ్యానర్పై నిర్మాణం
ఈ సినిమా సురేష్ ప్రొడక్షన్స్ బ్యానర్పై తెరకెక్కుతున్నట్లు సమాచారం. ఇందులో హీరోగా కూడా రవిబాబే నటిస్తున్నారని తెలుస్తోంది. గతంలో హారర్, థ్రిల్లర్ జానర్లలో తనదైన స్టైల్ చూపించిన రవిబాబు, ఈసారి మరింత ఇంటెన్స్ కంటెంట్తో రాబోతున్నాడనే టాక్ వినిపిస్తోంది.
సమ్మర్ 2026లో విడుదల
‘రేజర్’ సినిమాను సమ్మర్ 2026లో ప్రేక్షకుల ముందుకు తీసుకురాబోతున్నట్లు రవిబాబు ప్రకటించారు. టైటిల్ గ్లింప్స్తోనే సినిమాపై అంచనాలు పెంచిన ఆయన, ఈసారి ఏ రేంజ్లో భయపెట్టబోతున్నాడో చూడాలని ఫ్యాన్స్ ఆసక్తిగా ఎదురుచూస్తున్నారు. డిఫరెంట్ కథలు, కొత్త ప్రయత్నాలతో ఎప్పుడూ సర్ప్రైజ్ చేసే రవిబాబు… ‘రేజర్’తో మరోసారి తన మార్క్ చూపిస్తాడా లేదా అన్నది వేచి చూడాల్సిందే.
