సీఎం రేవంత్‌రెడ్డితో ఆర్ధిక వేత్త మాంటెక్‌ సింగ్ అహ్లువాలియా భేటీ

సీఎం రేవంత్‌రెడ్డితో ప్రముఖ ఆర్థికవేత్త, ప్రణాళికా సంఘం మాజీ ఉపాధ్యక్షుడు మాంటెక్ సింగ్ అహ్లువాలియా భేటీ అయ్యారు.

విధాత : సీఎం రేవంత్‌రెడ్డితో ప్రముఖ ఆర్థికవేత్త, ప్రణాళికా సంఘం మాజీ ఉపాధ్యక్షుడు మాంటెక్ సింగ్ అహ్లువాలియా భేటీ అయ్యారు. శనివారం డాక్టర్ బీఆర్ అంబేద్కర్‌ తెలంగాణ రాష్ట్ర సచివాలయంలో రేవంత్‌రెడ్డిని, డిప్యూటీ సీఎం భట్టి విక్రమార్కను కలిసిన అహ్లువాలియా కేంద్ర, రాష్ట్ర ఆర్థిక స్థితిగతులపై చర్చించారు.

గడిచిన పదేండ్లలో కేంద్ర-రాష్ట్రాల్లో భారీగా పెరిగిన అప్పులు, వాటి ప్రభావం, కాంగ్రెస్ హయాంలో దేశంలో అనుసరించిన ఆర్థిక సంస్కరణలు, వివిధ అంశాలపై ఈ సందర్భంగా చర్చించారు. రాష్ట్రంలో కాంగ్రెస్ ప్రభుత్వం అధికారంలోకి వచ్చాక రూపొందిస్తున్న తొలి బడ్జెట్ సందర్భంగా ఆర్ధిక వేత్త అహ్లువాలియా భేటీ ప్రాధాన్యతను సంతరించుకుంది.