Minister Jagdish Reddy | తెలంగాణ వీరత్వానికి ప్రతీక సర్వాయి పాపన్న గౌడ్: మంత్రి జగదీష్ రెడ్డి

Minister Jagdish Reddy | జయంతి వేడుకల్లో మంత్రి జగదీష్ రెడ్డి విధాత, సూర్యాపేట: తెలంగాణ వీరత్వం, పరాక్రమానికి సర్దార్ సర్వాయి పాపన్న గౌడ్ ప్రతీక అని రాష్ట్ర విద్యుత్ శాఖ మంత్రి గుంటకండ్ల జగదీష్ రెడ్డి కొనియాడారు. శుక్రవారం సూర్యాపేట మున్సిపల్ కార్యాలయంలో సర్వాయి పాపన్న గౌడ్‌ మహారాజ్‌ జయంతి వేడుకలు ఘనంగా నిర్వహించారు. ఈ కార్యక్రమానికి మంత్రి ముఖ్య అతిథిగా హాజరై, చిత్రపటానికి పూలమాల వేసి నివాళులర్పించి మాట్లాడారు. బహుజన రాజ్యం కోసం జీవితాన్నే […]

Minister Jagdish Reddy |

• జయంతి వేడుకల్లో మంత్రి జగదీష్ రెడ్డి

విధాత, సూర్యాపేట: తెలంగాణ వీరత్వం, పరాక్రమానికి సర్దార్ సర్వాయి పాపన్న గౌడ్ ప్రతీక అని రాష్ట్ర విద్యుత్ శాఖ మంత్రి గుంటకండ్ల జగదీష్ రెడ్డి కొనియాడారు. శుక్రవారం సూర్యాపేట మున్సిపల్ కార్యాలయంలో సర్వాయి పాపన్న గౌడ్‌ మహారాజ్‌ జయంతి వేడుకలు ఘనంగా నిర్వహించారు.

ఈ కార్యక్రమానికి మంత్రి ముఖ్య అతిథిగా హాజరై, చిత్రపటానికి పూలమాల వేసి నివాళులర్పించి మాట్లాడారు. బహుజన రాజ్యం కోసం జీవితాన్నే త్యాగం చేసిన గొప్ప మహనీయుడు సర్వాయి పాపన్న అని అన్నారు. మహనీయుడి స్ఫూర్తితో తెలంగాణ రాష్ట్ర ప్రభుత్వం బడుగు, బలహీన వర్గాల అభ్యున్నతికి కృషి చేస్తోందని పేర్కొన్నారు.

సర్వాయి పాపన్న గౌడ్ వర్ధంతిని తెలంగాణ రాష్ట్ర ప్రభుత్వం అధికారికంగా నిర్వహిస్తోందని మంత్రి తెలిపారు. బడుగు, బలహీన వర్గాల నాయకత్వాన్ని సముచితంగా గౌరవించుకుంటున్నదని అన్నారు. వెనుకబడిన వర్గాలను ఆర్థికంగా ఆదుకుంటూ సీఎం కేసీఆర్ సముచిత గౌరవం కల్పిస్తున్నారని తెలిపారు. ఆత్మగౌరవం కోసం వివక్ష, దురాభిమానాలకు వ్యతిరేకంగా పోరాడుతూ సర్వాయి పాపన్న స్ఫూర్తిని తెలంగాణ ప్రభుత్వం కొనసాగిస్తున్నదని, ఆయన బాటలో బహుజనులు, గౌడలు నడవాలని పిలుపునిచ్చారు.

కార్యక్రమంలో జిల్లా కలెక్టర్ వెంకట్రావు, జిల్లా గ్రంథాలయ సంస్థల చైర్మన్ నిమ్మల శ్రీనివాస్ గౌడ్, మున్సిపల్ చైర్మన్ పెనుమాల అన్నపూర్ణ, మున్సిపల్ కమిషనర్ రామానుజుల రెడ్డి, వైస్ చైర్మన్ పుట్ట కిషోర్, పోలీస్ అధికారుల సంఘం నేత రామచంద్ర గౌడ్, మారిపెద్ది శ్రీనివాస్ గౌడ్, కౌన్సిలర్లు రాపర్తి శ్రీనివాస్ గౌడ్, అనంత యాదగిరి గౌడ్, బీఆర్ఎస్ జిల్లా నాయకులు రాపర్తి శ్రీనివాస్ గౌడ్, బైరు వెంకన్న గౌడ్, కౌన్సిలర్లు, బీసీ నేతలు పాల్గొన్నారు.