Rs 1000-Rs 500 Notes | రూ.1000 నోటు తెచ్చే ఆలోచన లేదు..! రూ.500 నోట్లను వెనక్కి తీసుకునే ఆలోచన లేదు..! స్పష్టం చేసిన కేంద్రం

Rs 1000-Rs 500 Notes | రూ.2వేల నోట్లపై పార్లమెంటుకు కేంద్రం కీలక వివరాలను వెల్లడించింది. ఈ ఏడాది మే 19 నుంచి జూన్ 30వ తేదీ మధ్య 136.13కోట్ల రూ.2వేల నోట్లు బ్యాంకుల్లో జమ అయ్యాయని తెలిపింది. వాటి విలువ రూ.2.72 లక్షల కోట్లు ఉంటుందని వెల్లడించింది. పెద్ద నోట్ల రద్దు నేపథ్యంలో రూ.2 వేల నోట్లను 2016 నవంబర్ 10వ తేదీ నుంచి చెలామణిలోకి తీసుకువచ్చిన విషయం తెలిసిందే. నాలుగు, ఐదేళ్ల ఏళ్ల జీవిత […]

Rs 1000-Rs 500 Notes |

రూ.2వేల నోట్లపై పార్లమెంటుకు కేంద్రం కీలక వివరాలను వెల్లడించింది. ఈ ఏడాది మే 19 నుంచి జూన్ 30వ తేదీ మధ్య 136.13కోట్ల రూ.2వేల నోట్లు బ్యాంకుల్లో జమ అయ్యాయని తెలిపింది. వాటి విలువ రూ.2.72 లక్షల కోట్లు ఉంటుందని వెల్లడించింది. పెద్ద నోట్ల రద్దు నేపథ్యంలో రూ.2 వేల నోట్లను 2016 నవంబర్ 10వ తేదీ నుంచి చెలామణిలోకి తీసుకువచ్చిన విషయం తెలిసిందే.

నాలుగు, ఐదేళ్ల ఏళ్ల జీవిత కాలం ఉన్న రూ.2వేల నోట్లలో సుమారు 89శాతం నోట్లను మార్చి 2017 నాటికే మార్కెట్లోకి ఆర్‌బీఐ విడుదల చేసింది. ఆ తర్వాత ఇటీవల ఆర్బీఐ నిర్వహించిన ఓ సర్వేలో రూ.2 వేల నోట్లను రోజువారీ లావాదేవీల్లో ప్రజలు వినియోగించడం లేదని తేలింది.

ప్రస్తుతం అందుబాటులో ఉన్న ఇతర నోట్లు సరిపోతాయని, రూ.2 వేల నోట్లు అవసరం లేదని భావించింది. దాంతో రూ.2వేల నోట్లను చెలామణి నుంచి తప్పించాలని నిర్ణయించింది. ఈ క్రమంలోనే నోట్లను వెనక్కి తీసుకుంటున్నట్లు ప్రకటించింది. ఆ తర్వాత రూ.2వేల నోట్లు ఉన్న ప్రజలు బ్యాంకుల్లో తమ ఖాతాల్లో డిపాజిట్ చేసుకోవడం లేదంటే మార్చుకునే సదుపాయం కల్పించింది.

నోట్ల మార్పిడికి రోజువారీ పరిమితి రూ.20వేలు విధించగా.. బ్యాంకుల్లోని ఖాతాలో డిపాజిట్‌ చేసుకునేందుకు ఎలాంటి పరిమితి విధించలేదు. రూ.2వేల నోట్ల డిపాజిట్, మార్చుకునేందుకు సెప్టెంబర్‌ 30వ తేదీ వరకు గడువు ఇచ్చింది. అదే సమయంలో రూ.1000 నోట్లను తీసుకువచ్చే ఆలోచన లేదని, ప్రస్తుతం ఉన్న రూ.500 నోట్లను రద్దు చేసే ఆలోచన లేదని స్పష్టం చేసింది.