Gold smugglers | హైద‌రాబాద్ : ఇత‌ర దేశాల నుంచి బంగారం స్మ‌గ్లింగ్( Gold smuggling )చేస్తూ ఎయిర్‌పోర్టుల్లో ప‌లువురు ప‌ట్టుబ‌డుతూనే ఉంటారు. తాజాగా ఇండియా – బంగ్లాదేశ్ స‌రిహ‌ద్దు( India – Bangladesh Border )ల్లో ఓ గోల్డ్ స్మ‌గ్ల‌ర్( Gold smugglers ) ప‌ట్టుబ‌డ్డాడు. అత‌ను తెలివిగా సైకిల్ టైర్‌( Cycle Tyre )లో బంగారం దాచి అక్ర‌మంగా త‌ర‌లించేందుకు య‌త్నించాడు. కానీ అత‌న్ని బీఎస్ఎఫ్ జ‌వాన్లు( BSF Jawans ) అదుపులోకి తీసుకుని త‌నిఖీ చేయ‌గా, బంగారం బ‌య‌ట‌ప‌డింది. అది కూడా ఎవ‌రికి అనుమానం రాకుండా సైకిల్ టైర్‌లో దాచి బంగారం త‌ర‌లించేందుకు య‌త్నించాడు. ప‌ట్టుబ‌డ్డ బంగారం విలువ రూ. 1.02 కోట్లు ఉంటుంద‌ని పోలీసులు తెలిపారు. ఈ ఘ‌ట‌న వెస్ట్ బెంగాల్( West Bengal )లోని మ‌ల్దా జిల్లాలో గురువారం చోటు చేసుకుంది.
బంగ్లాదేశ్ నుంచి బెంగాల్ మీదుగా అక్ర‌మంగా బంగారం త‌ర‌లిస్తున్న‌ట్లు భార‌త నిఘా వ‌ర్గాల‌కు స‌మాచారం అందింది. ఈ క్ర‌మంలో బీఎస్ఎఫ్‌కు చెందిన 119 బెటాలియ‌న్ జ‌వాన్లు అంత‌ర్జాతీయ స‌రిహ‌ద్దులో నిఘా పెంచారు. ప్ర‌తి ఒక్క‌రి క‌దలిక‌ల‌ను గ‌మ‌నిస్తూ, అనుమానితుల‌ను అదుపులోకి తీసుకుని త‌నిఖీలు నిర్వ‌హించారు. ఈ క్ర‌మంలో గురువారం మ‌ధ్యాహ్నం 2.56 గంట‌ల‌కు ఓ వ్య‌క్తి సైకిల్‌పై అంత‌ర్జాతీయ స‌రిహ‌ద్దు దాటి భార‌త్‌లోకి ప్ర‌వేశించేందుకు య‌త్నించాడు. అత‌న్ని జ‌వాన్లు ఆపి క్షుణ్ణంగా త‌నిఖీలు నిర్వ‌హించారు. సైకిల్ ముందు టైర్‌లో బంగారం త‌ర‌లిస్తున్న‌ట్లు గుర్తించారు. ఏడు బంగారం బిస్కెట్ల‌ను స్వాధీనం చేసుకున్నారు. ఈ బంగారం విలువ రూ. 1.02 కోట్లు ఉంటుంద‌ని పోలీసులు నిర్ధారించారు. కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు.
VigilantBSF Swift action by troops of South Bengal Frontier foiled attempt of smuggling and recovered 7 Gold Biscuits (Wt-816.41 grams) worth ₹1.02 Cr, which was being smuggled from Bangladesh to India on Bicycle.#BSFseizedGold #SmugglingFoiled pic.twitter.com/u2O4H9tlb4
— BSF_SOUTH BENGAL: KOLKATA (@BSF_SOUTHBENGAL) November 27, 2025