విధాత: ఇటీవ‌ల సంక్రాంతి ప‌ర్వ‌దినాన్ని పుర‌స్క‌రించుకుని ప్రేక్ష‌కుల ముందుకు వ‌చ్చి మిశ్ర‌మ స్పంద‌న తెచ్చుకున్న భారీ చిత్రం గేమ్ ఛేంజర్ (Game Changer). RRR వంటి ప్ర‌తిష్టాత్మ‌క చిత్రం త‌ర్వాత రామ్ చ‌ర‌ణ్ (Ram Charan) సోలో హీరోగా న‌టించిన ఈ మూవీ ఎన్నో అంచ‌నాల మ‌ధ్య థియేట‌ర్ల‌లోకి వ‌చ్చి అశించిన‌తంగా ఆద‌ర‌ణ‌ను ద‌క్కించుకోలేక పోయింది. అయితే ఈ మూవీ డిజిట‌ల్ స్ట్రీమింగ్‌కు సిద్ధ‌మైంది. ఈమేర‌కు సోష‌ల్ మీడియాలో న్యూస్ బాగా హ‌ల్‌చ‌ల్ చేస్తోంది.
ప్ర‌ముఖ త‌మిళ క్రియేటివ్ ద‌ర్శ‌కుడు జిగ‌ర్తాండ ఫేం కార్తీక్ సుబ్బ‌రాజ్ స్టోరీ అందించిన ఈ మూవీకి మ‌రో త‌మిళ అగ్ర ద‌ర్శ‌కుడు, ఇండియా గ‌ర్వించే శంకర్ (Shankar) ద‌ర్శ‌క‌త్వం వ‌హించాడు. అంతేకాదు ఈ సినిమా శంకర్ స్ట్రెయిట్‌గా తెలుగులో ఫ‌స్ట్ టైం డైరెక్ట్‌ చేసిన చిత్రంగా నిలిచింది. రామ్ చ‌ర‌ణ్ స‌ర‌స‌న అంజ‌లి (Anjali), కియారా అద్వానీ (Kiara Advani) క‌థానాయిక‌లుగా న‌టించ‌గా ఎస్జే సూర్య (SJ Suryah), జ‌య‌రాం, శ్రీకాంత్‌, రాజీవ్ క‌న‌కాల కీల‌క పాత్ర‌ల్లో న‌టించారు.
సినిమా విడుద‌ల‌కు ముందే త‌మ‌న్ (ThamanS) సంగీతంలో వ‌చ్చిన పాట‌లు మంచి ఆద‌ర‌ణ‌ను ద‌క్కించుకున్న ఈ చిత్రం పూర్తిగా పొలిటిక‌ల్ డ్రామాగా తెర‌కెక్కింది. ఓ IAS సిన్సియ‌ర్‌గా విధులు నిర్వ‌హిస్తే ఏం చేయ‌గ‌ల‌డ‌నే క‌థా నేప‌థ్యంలో సినిమా సాగుతుంది. ఓ అవినిలీ, అక్ర‌మాల‌కు కేరాఫ్‌గా ఉన్న ఓ మంత్రి సీఎం కావ‌డానికి చేసిన ప‌నులు, దానిని నిబ‌ద్ద‌త గ‌త అధికారి ఎలా అడ్డుకున్నాడ‌నే నేప‌థ్యంలో సినిమా సాగుతుంది. ఈ క్ర‌మంలో పాల‌న చేస్తున్న అధికార పార్టీకి, IAS అధికారి తండ్రి అప్ప‌న్న‌కు ఉన్న లింకేంటి, చివ‌ర‌కు IAS ఏం చేశాడ‌నేది సినిమా.
అయితే ఇప్పుడీ సినిమా ఫిబ్ర‌వ‌రి 15 నుంచి అమెజాన్ ప్రైమ్ వీడియో (Amazon Prime Video) ఓటీటీలో స్ట్రీమింగ్‌కు రెడీ అయింది. అమెజాన్ ముంద‌స్తుగా చేసుకున్న ఒప్పందం ప్ర‌కారం మూవీ రిలీజైన 30 రోజుల త‌ర్వాత డిజిట‌ల్ స్ట్రీమింగ్‌కు రానుంది. సో ఇప్ప‌టికే ఈ గేమ్ ఛేంజర్ (Game Changer) సినిమాను థియేట‌ర్లలో మిస్స‌వుతున్నారో, మ‌రో సారి చూడాల‌నుకునే వారు ఎంచ‌క్కా ఇంట్లోనే చూసేయ‌వ‌చ్చు.