విధాత, జనగామ :
గ్రామ పంచాయతీ ఎన్నికలు సజావుగా జరిగేలా ప్రత్యేక శ్రద్ధతో పని చేయాలని ఎన్నికల సాధారణ పరిశీలకులు నిఖిల.. నోడల్ అధికారులకు సూచించారు. గ్రామ పంచాయతీ ఎన్నికలకు సంబంధించి.. జిల్లా కి జనరల్ అబ్జర్వర్ గా నిఖిల నియామకం అయిన నేపథ్యంలో గురువారం కలెక్టరేట్‌లోని మినీ కాన్ఫరెన్స్ హాల్‌లో నోడల్ అధికారాలతో సమావేశం నిర్వహించారు. ఈ సందర్భంగా అధికారులను ఉద్దేశించి సాధారణ ఆమె మాట్లాడుతూ….గ్రామ పంచాయతీల ఎన్నికలు సజావుగా నిర్వహించాలని..ప్రజాస్వామ్య బద్దంగా ఎన్నికలు జరిగే విధంగా నోడల్ అధికారులు పని చేయాలన్నారు .
ముందుగా జిల్లా ఎన్నికల అధికారి, కలెక్టర్ రిజ్వాన్ బాషా షేక్ జిల్లాలో 3 విడతలుగా జరగనున్న ఎన్నికల ఏర్పాట్ల గురించి సవివరంగా అబ్జర్వర్ కి వివరించి ఎన్నికల నిర్వహణ కి పూర్తి ఏర్పాట్లు చేశామని తెలిపారు. ఆ తరవాత నోడల్ అధికారులుగా నియమితులైన అధికారులు… వారికి కేటాయించి న బాధ్యతలను, వారి కార్యాచరణ ను అబ్జర్వర్ కి తెలిపారు. అనంతరం అబ్జర్వర్ మాట్లాడుతూ…ఎన్నికలకు సంబంధించిన ప్రతీ అంశం మీద అధికారులు శిక్షణ తీసుకోని పూర్తి అవగాహన కలిగి ఉండాలన్నారు..ప్రశాంత వాతావరణం లో.. పారదర్శకంగా ఎన్నికలు జరిగేలా కృషి చేయాలన్నారు .
అనంతరం లింగాల ఘనపూర్ గ్రామ పంచాయతీని జిల్లా కలెక్టర్ రిజ్వాన్ బాషా షేక్‌తో కలిసి సందర్శించి నామినేషన్ ప్రక్రియను పరిశీలించారు. నామినేషన్ల ప్రక్రియలో ఎలాంటి తప్పులు, పొరపాట్లు లేకుండా చూడాలన్నారు. నామినేషన్లు దాఖలు చేసే క్రమంలో కావలసిన ధృవ పత్రాలను సమర్పించడం లాంటి విషయాలను అభ్యర్థులకు తెలియజేయాలని ఆమె సూచించారు. నామినేషన్ల ఫారాలను జాగ్రత్తగా ఒకటికి రెండు సార్లు అధికారులు సరిచూసుకోవాలని సూచించారు. కార్యక్రమంలో అదనపు కలెక్టర్ పింకేష్ కుమార్, జడ్పీ సీఈఓ మాధురి షా, వ్యయ పరిశీలకులు జయశ్రీ, డీ ఆర్డీ వో వసంత, డీపీవో నవీన్, నోడల్ అధికారులు పాల్గొన్నారు.