పూణేలో ఐఐటీఎం ఎగ్జిబిషన్లో ఆకట్టుకున్న తెలంగాణ టూరిజం స్టాల్

పూణేలో 27 నుంచి 29 వరకు జరిగిన ఐఐటీఎం ఎగ్జిబిషన్‌లో తెలంగాణ టూరిజం శాఖ ఏర్పాటు చేసిన టూరిజం స్టాల్ సందర్శకులను కట్టిపడేసింది.

విధాత, హైదరాబాద్ :

పూణేలో 27 నుంచి 29 వరకు జరిగిన ఐఐటీఎం ఎగ్జిబిషన్‌లో తెలంగాణ టూరిజం శాఖ ఏర్పాటు చేసిన టూరిజం స్టాల్ సందర్శకులను కట్టిపడేసింది. యునెస్కో ప్రపంచ వారసత్వ కట్టడం రామప్ప ఆలయం, పులుల అభ‌యార‌ణ్యాలు, పోచంపల్లి, చేర్యాల మాస్క్, బుద్దవనం, బిర్లామందిర్, వరంగల్ ఫోర్ట్, చార్మినార్, గోల్కండ ఫోర్ట్, బోనాలు, పాండవుల గుట్ట, మెదక్ చర్చి, గానుగపూర్ గ్రూప్ అఫ్ టెంపుల్స్, బొగత వాటర్ ఫాల్స్, యాదగరిగుట్ట, భద్రాచలం, భువ‌న‌గిరి కోట‌ వంటి ప్రఖ్యాత పర్యాటక ప్రదేశాల ఛాయాచిత్రాల ప్రదర్శనను ఐఐటీఎం షో వేదికగా ప్రదర్శించారు.

తెలంగాణ సాంస్కృతిక వైభవం, చారిత్రక సంపద, సహజ సౌందర్యాన్ని సమన్వయంగా ప్రదర్శించిన ఈ స్టాల్ ఐఐటీఎం షోలో ఆకర్షణీయ కేంద్ర బిందుగా నిలిచింది. పర్యాటకాన్ని ఆర్థిక వృద్ధి కీలక శక్తిగా మార్చాలనే ప్రభుత్వ దృష్టిని ప్రతిబింబించింది.. ఈ స్టాల్ సందర్శకుల దృష్టిని ఆకర్షించి, తెలంగాణ టూరిజం ఔన్నత్యాన్ని చాటిచెప్పింది. ఐఐటీఎంలో గత మూడు రోజులుగా జరుగుతున్న ఐఐటీఎం టూరిజం ఈవెంట్ లో దాదాపు 2దేశాలు, 11 రాష్ట్రాల నుంచి 200 స్టాలు ప్రదర్శనకు ఉంచారు. దేశ విదేశ టూర్ ఆపరేటరులు ట్రావెల్ ఎజెంట్లు పాల్గొన్న ఈ ఎగ్జిబిషన్‌లో తెలంగాణ పర్యాటకానికి ఉత్తమ మెడికల్ టూరిజం డెస్టినేషన్ అవార్డు దక్కింది. హైదరాబాద్, రంగారెడ్డి జిల్లా పర్యాటక అధికారి ఎస్.ప్రభాకర్ ఈ అవార్డును అందుకున్నారు