Human Bathing Machine | స్నానం చేయించే మెషీన్ వచ్చేసింది.. ధర ఎంతో తెలుసా?

మనుషులకు స్నానం చేయించే యంత్రం ఇప్పుడు జపాన్లో అమ్మకానికి వచ్చింది. వాషింగ్ మెషీన్ ల కనిపించే ఈ పరికరంలో వ్యక్తి పడుకుని మూత మూసుకుంటే.. శరీరం శుభ్రం చేస్తుంది. ఒసాకా ఎక్స్ పోలో భారీ ఆదరణ పొందిన ఈ "హ్యూమన్ వాషింగ్ మెషీన్"ను సైన్స్ కంపెనీ తయారు చేసింది.

జపాన్ టెక్నాలజీ ప్రపంచాన్ని మరోసారి ఆకట్టుకుంది. రెట్రో ఆలోచనకు ఆధునిక ఇంజినీరింగ్‌ను కలిపి రూపొందించిన హ్యూమన్ వాషింగ్ మెషీన్ ఇప్పుడు అధికారికంగా మార్కెట్‌లోకి తీసుకొచ్చారు. ఒసాకాలో నిర్వహించిన ఎక్స్‌పో 2025లో లాంచ్ చేసిన ఈ పరికరం ఇప్పుడు హోటళ్లు, రిటైల్ సంస్థలు, వ్యక్తులు కూడా కొనుగోలు చేయగలిగేలా అందుబాటులోకి వచ్చింది. ఒసాకా కేంద్రంగా ఉన్న సైన్స్ కంపెనీ ఈ మెషీన్ ను శుక్రవారం మార్కెట్‌లో ప్రవేశపెట్టినట్లు ప్రకటించింది.

మిరాయి నింగెన్ సెంటక్కి (Future Human Bathing Machine)గా జపాన్‌లో పిలుస్తున్న ఈ పరికరం 2.3 మీటర్ల పొడవు గల మెషిన్ లో వినియోగదారు పడుకుని క్యాప్ పెట్టి ఉంచితే అది వ్యక్తి శరీరాన్ని పూర్తి ఆటోమేటిక్‌గా శుభ్రం చేస్తుంది. సాధారణ స్క్రబ్బింగ్‌కు బదులుగా హై-ప్రెజర్ నాజిల్స్, ఫైన్ మిస్ట్ షవర్‌లు, మైక్రోబబుల్స్‌తో చర్మాన్ని లోతుగా శుభ్రం చేస్తుంది. ఎక్స్‌పోలో ఈ పరికరాన్ని వీక్షించేందుకు వేలాది మంది క్యూలో నిలబడ్డారు.

ఈ ఆటోమేటిక్ బాత్ వాషింగ్ మెషిన్ కేవలం శరీరాన్ని శుభ్రం చేయడమే కాకుండా, చర్మాన్ని ఎక్స్‌ఫోలియేట్ చేయడం, ఒత్తిడిని తగ్గించడం వంటి ఆరోగ్య ప్రయోజనాలను కూడా అందిస్తుంది. చిన్న బాత్‌టబ్ పరిమాణంలో ఉన్న ఈ పోడ్‌లో వినియోగదారుడికి హై-ప్రెజర్ వాటర్ జెట్స్, మైక్రో బబుల్స్‌తో పాటు మానసిక ప్రశాంతత కోసం అంబియెంట్ మ్యూజిక్, దృశ్య ప్రొజెక్షన్లు కూడా ఉంటాయి. అంతేకాకుండా బయోమెట్రిక్ స్కానింగ్ ద్వారా గుండె స్పందన, శరీర స్థితిని పరిశీలించి వాషింగ్ సైకిల్‌ను స్వయంచాలకంగా సర్దుబాటు చేస్తుంది.

☝🏻Новый тренд в японских отелях — капсулы для стирки людей

Устройство Mirai Ningen Sentakki, что переводится как «Стиральная машина для людей», разработанное японской компанией Science, обещает перевернуть представление о процессе купания
Футуристическая ванна создает pic.twitter.com/SkSmetJAKP

— миллиард казахстанцев (@S8gy2AEgVRHyS2Q) October 11, 2025

ఈ కాన్సెప్ట్ 1970 ఒసాకా ఎక్స్‌పోలో ప్రదర్శించిన పాత మోడల్‌కి అప్‌గ్రేడ్ వెర్షన్ అని కంపెనీ ప్రతినిధి సచికో మేఖురా తెలిపారు. “ఇది కేవలం శరీరాన్ని శుభ్రం చేయడమే కాదు, మనస్సును కూడా ఉత్తేజపరుస్తుంది” అని ఆమె చెప్పారు. మొత్తం 15 నిమిషాల స్నానం సమయంలో శరీర, మానసిక శాంతి ఇవ్వడం ఈ పరికరం ప్రత్యేకత గా ఉంది.

మొదటి కమర్షియల్ యూనిట్‌ను ఒసాకాలోని ఓ హోటల్ కొనుగోలు చేసింది. టోక్యోలోని ఇకేబుకురోలో డిసెంబర్ 25 నుంచి ఈ పరికరం ప్రత్యక్ష డెమోలో ప్రదర్శించనున్నారు. హోటళ్లు, వెల్నెస్ సెంటర్లు, విదేశీ రిసార్ట్‌ల నుంచి కూడా భారీగా ఆర్డర్లు వస్తున్నాయని సైన్స్ కంపెనీ వెల్లడించింది. ఈ పరికరం ధర సుమారు 60 మిలియన్ యెన్లు..భారతీయ కరెన్సీలో దాదాపు రూ.3.25–3.40 కోట్లు ఉంటుంది. అధిక ధర కారణంగా ఇది సాధారణ కుటుంబాల కోసం కాకపోయినా, లగ్జరీ రంగంలో మాత్రం ఈ హ్యూమన్ వాషింగ్ మెషీన్ ఇప్పటికే భారీ ఆకర్షణగా మారింది. భవిష్యత్తులో ఇలాంటి స్మార్ట్ బాతింగ్ సిస్టంలు మరింత విస్తరించే అవకాశాలు ఉన్నాయని నిపుణులు అంచనా వేస్తున్నారు.

Also Read –
Ardh Kumbh 2027 | 2027లో అర్ధ కుంభమేళా.. మూడు నెలల పాటు ఉత్సవాలు..
Peddi | చికిరి పాట‌ కోసం రామ్ చ‌ర‌ణ్‌ని బుచ్చిబాబు అంత క‌ష్ట‌పెట్టాడా.. కొండ‌లు ఎక్క‌లేక మ‌ధ్య‌లోనే ఆగిన చెర్రీ
Apple Stores | ఇండియాలో మరో యాపిల్ స్టోర్.. ఎక్కడో తెలుసా?