Kalki 2898 AD | కల్కి 2898 ఏడీ ఓటీటీ రిలీజ్ డేట్ ఫిక్స్

ప్రభాస్ కథానాయకుడిగా నాగ్ అశ్విన్ దర్శకత్వంలో రూపొందిన బ్లాక్ బస్టర్‌ చిత్రం 'కల్కి 2898 ఏడీ చిత్రం ఓటీటీలోకి రాబోతుంది. కల్కీ సినిమా ఓటీటీలోకి ఎప్పుడొస్తుందా అని ఎదురుచూస్తున్న ప్రభాస్ అభిమానుల నిరీక్షణకు తెరపడనుంది

అమెజాన్ ప్రైమ్‌లో ప్రసారం

విధాత, హైదరాబాద్ : ప్రభాస్ కథానాయకుడిగా నాగ్ అశ్విన్ దర్శకత్వంలో రూపొందిన బ్లాక్ బస్టర్‌ చిత్రం ‘కల్కి 2898 ఏడీ చిత్రం ఓటీటీలోకి రాబోతుంది. కల్కీ సినిమా ఓటీటీలోకి ఎప్పుడొస్తుందా అని ఎదురుచూస్తున్న ప్రభాస్ అభిమానుల నిరీక్షణకు తెరపడనుంది. ఈ నెల 23నుంచి కల్కీ చిత్రం ఆమెజాన్ ఫ్రైమ్‌లో ప్రసారం కానున్నట్లుగా సమాచారం. హిందీ వెర్షన్ మాత్రం అదే తేదీ నుంచి నెట్‌ఫ్లిక్స్ వేదికగా ప్రసారం కానుందని తెలుస్తుంది. అధికారిక ప్రకటన వెలువడాల్సివుంది. కురుక్షేత్రం యుద్దం తర్వాత ఆరు వేల ఏళ్లకు మొదలయ్యే కథతో మొదలైన చిత్రం భూమిపై తొలి నగరంగా పురాణాలు చెబుతున్న కాశీ, అప్పటికి చివరి నగరంగా మిగిలిపోగా భూమిపై ఉన్న అన్ని వనరులను పీల్చేసి స్వర్గంలాంటి కాంప్లెక్స్ నగరాన్ని నిర్మించి సుప్రీం యాస్కిన్ (కమల్‌హసన్‌), పాలిస్తుంటాడు.

కాశీలో బౌంటీ ఫైటర్ అయిన బైరవ (ప్రభాస్) యూనిట్స్‌ను సంపాదించి కాంప్లెక్స్ కి వెళ్లి అక్కడ స్థిరపడిపోవాలనే ప్రయత్నాల్లో ఉంటాడు. సుప్రీం యాస్కిన్ తలపెట్టిన ప్రాజెక్ట్ కే కోసం, కాంప్లెక్స్ సైన్యం కాశీకి వచ్చి గర్భం దాల్చే అవకాశాలున్న అమ్మాయిల్ని కొనుగోలు చేసుకుని వెళుతూ ఉంటుంది. అలా ఎంతోమంది అమ్మాయిల్ని ప్రాజెక్ట్-కే కోసం గర్భవతుల్ని చేసి, వారి నుంచి సిరమ్ సేకరిస్తూ ప్రయోగాలు చేపడుతుంటారు. అలా సుమతి (దీపికా పదుకొణె) కాంప్లెక్స్‌లో చిక్కుకుపోయి గర్భం దాలుస్తుంది. మరోవైపు రేపటి కోసం అంటూ శంబల ప్రజలు ఎన్నో త్యాగాలు చేస్తూ తల్లి కోసం ఎదురు చూస్తుంటారు. ఆ తల్లి సుమతి అని నమ్ముతారు. మరి ఆమెని కాంప్లెక్స్ ప్రయోగాల నుంచి ఎవరు కాపాడారు? చిరంజీవి అయిన అశ్వత్థామ, భైరవకీ సంబంధం ఏమిటి? సుప్రీం యాస్కిన్ ప్రాజెక్ట్ కే లక్ష్యమేమిటి? అన్న అంశాల చుట్టు నడిచిన కల్కీ సినిమా ప్రేక్షకులకు కొత్త అనుభూతినిస్తూ సాగుతుంది. ఈ సినిమా వేయి కోట్ల క్లబ్‌కు చేరింది. ఓటీటీ ఫ్లాట్ ఫామ్‌లోనూ కల్కీ కొత్త రికార్డులు సృష్టిస్తుందని భావిస్తున్నారు.