Head Bath | బుధ‌వారం త‌ల‌స్నానం చేస్తే.. మ‌హిళ‌ల‌కు తెలివితేట‌లు పెరుగుతాయ‌ట‌..!

Head Bath | శ‌రీరాన్ని ప‌రిశుభ్రంగా ఉంచుకునే క్ర‌మంలో ప్ర‌తి ఒక్క‌రు ప్ర‌తి రోజు స్నానం( Bath ) చేస్తారు. మ‌గ‌వారిలో చాలా మంది ప్ర‌తి రోజు త‌ల స్నానం( Head Bath ) చేస్తారు. అదే ఆడ‌వారు అయితే వారంలో ఒకట్రెండు సార్లు మాత్ర‌మే త‌ల స్నానం చేస్తారు. అయితే వారంలో ఈ మూడు రోజుల్లో మాత్ర‌మే మ‌హిళ‌లు త‌ల‌స్నానం( Woman Head Bath ) చేయాల‌ని, అప్పుడే వారి జీవితం సుఖ‌సంతోషాల‌తో ఉంటుంద‌ని జ్యోతిష్య పండితులు పేర్కొంటున్నారు. మ‌రి ఆ మూడు రోజులేవో ఈ క‌థ‌నంలో తెలుసుకుందాం..

Head Bath | హిందూ ధ‌ర్మ శాస్త్ర ప్ర‌కారం త‌ల‌స్నానం( Head Bath ) అనేది కేవ‌లం ప‌రిశుభ్ర‌త‌కు సంబంధించిన అంశం కాదు. ఇది గ్ర‌హాల శ‌క్తులు, మ‌న‌సును స‌మ‌తుల్య‌త‌పై ప్ర‌భావం చూపుతుంది. ప్రాచీన కాలంలో, ప్రతి రోజు ఒక గ్రహానికి అనుసంధానించబడి ఉండేది. తప్పుడు రోజున తలస్నానం చేయడం వలన ఆ గ్రహ శక్తికి విఘాతం కలిగి, ఆరోగ్యం, మానసిక స్థితి లేదా అదృష్టంపై ప్రభావం పడే ప్రమాదం ఉందని భావించేవారు. కాబ‌ట్టి మ‌హిళ‌లు ఏ రోజు త‌ల‌స్నానం చేయాలి..? ఏ రోజుల్లో త‌ల‌స్నానం చేయ‌కూడ‌దు..? అనే విష‌యాల‌ను ఈ క‌థ‌నంలో తెలుసుకుందాం.

త‌ల‌స్నానం చేయాల్సిన రోజులు ఇవే..

ప్ర‌తి సోమ‌వారం మ‌హిళ‌లు త‌ల‌స్నానం చేయొచ్చు. ఎందుకంటే ఈ రోజు శివుడికి, చంద్రుడికి ప్రీతిక‌ర‌మైన రోజు. కాబ‌ట్టి సోమ‌వారం త‌ల‌స్నానం చేయ‌డం సుర‌క్షితం. మ‌న‌సుకు ప్ర‌శాంత‌త‌ను క‌ల‌గ‌జేస్తుంది. ఇక బుధ‌వారం బుధుడికి సంబంధించిన రోజు. బుధ‌వారం త‌ల‌స్నానం చేయ‌డం వ‌ల్ల మ‌హిళ‌ల‌కు తెలివితేట‌లు పెరుగుతాయ‌ని, మ‌న‌సు ప్ర‌శాంతంగా ఉంటుంది. ఈ రెండు రోజుల కంటే ముఖ్య‌మైన రోజు శుక్ర‌వారం. శుక్రవారం శుక్రుడు, లక్ష్మీ దేవికి సంబంధించినది. ఈ రోజు తలస్నానం చేయడం అదృష్టంగా భావిస్తారు. ఇది సౌందర్యాన్ని, ఆకర్షణను, మంచి వైబ్‌లను పెంచుతుంది.

తలస్నానం చేయకూడని రోజులు ఇవే..

మంగళవారం అంగారకుడి శక్తికి సంబంధించిన రోజు. ఈ రోజు తలస్నానం చేయడం వల్ల చికాకు, అనవసరమైన ఖర్చులు లేదా అలసట కలుగుతాయి. ఇక గురువారం అనేది బృహస్పతికి సంబంధించినది. ఈ రోజున తలస్నానం కచ్చితంగా చేయకూడదు అనేది గట్టి నియమం. ఇది సంపద, ఆధ్యాత్మిక ఎదుగుదల, సంబంధాలపై ప్రతికూల ప్రభావాన్ని చూపుతుందని చాలా మంది నమ్ముతారు. శనివారం శని కర్మ శక్తిని కలిగి ఉంటుంది. ఈ రోజున తలస్నానం చేయడం వల్ల పనులలో ఆటంకాలు లేదా ఆలస్యం జరగవచ్చని భావించి చాలా మంది నివారిస్తారు.

మ‌రి ఆదివారం త‌ల‌స్నానం చేయొచ్చా..?

ఆదివారం సూర్యుడికి సంబంధించినది. ఈ రోజు తలస్నానం నిషేధం కానప్పటికీ, ఆదర్శం కాదు. సూర్యుడి వేడి, చల్లని నీరు కలవడం వల్ల తలనొప్పి, రోగనిరోధక శక్తి తగ్గడం వంటివి జరగవచ్చని పాత నమ్మకం. అందుకే ఆరోగ్యం దృష్ట్యా ఈ రోజు తలస్నానం మానుకోవడం మంచిది.