TG PGECET & LAWCET 2025 Schedule | పీజీ, లాసెట్‌ల అడ్మిషన్ల షెడ్యూల్ విడుదల

TG PGECET & LAWCET 2025 Schedule | విధాత, హైదరాబాద్: తెలంగాణలో పీజీ ఈసెట్‌ (TG PGECET), లాసెట్‌-2025 (TG LAWCET) అడ్మిషన్ల షెడ్యూల్‌ విడుదలైంది. ఈనెల 26న ఈ రెండింటికి అధికారులు నోటిఫికేషన్‌ జారీ చేయనున్నారు. ఆగస్టు 1 నుంచి 9 వరకు ఆన్‌లైన్‌ రిజిస్ట్రేషన్‌కు అవకాశం కల్పించారు. 11, 12 తేదీల్లో మొదటి విడత వెబ్‌ ఆప్షన్లు, 16న సీట్ల కేటాయింపు చేపట్టనున్నారు. ఆగస్టు 18 నుంచి 21 వరకు కళాశాలల్లో విద్యార్థులు రిపోర్టు చేయాల్సి ఉంటుందని వెల్లడించారు.

లాసెట్‌ అడ్మిషన్లకు ఆగస్టు 4 నుంచి 14 వరకు ఆన్‌లైన్‌ రిజిస్ట్రేషన్లకు అనుమతి ఇచ్చారు. 16, 17 తేదీల్లో వెబ్‌ఆప్షన్లు, 22న సీట్ల కేటాయింపు చేపట్టనున్నారు. 22 నుంచి 25 వరకు సెల్ఫ్‌ రిపోర్టింగ్‌కు అవకాశం కల్పించారు.