Andhra King Taluka | ఒక హిట్ త‌ర్వాత మూడు వరుస చిత్రాలతో నిరాశపరిచిన ఎనర్జిటిక్ స్టార్ రామ్ పోతినేని, ఈసారి పూర్తిగా ఫుల్ జోష్‌తో కనిపించాడు. నవంబర్ 27న విడుదలైన ఆయన తాజా చిత్రం ‘ఆంధ్రా కింగ్ తాలూకా’ మొదటి రోజు నుంచే పాజిటివ్ టాక్‌ను సంపాదించి మంచి ఊపుతో దూసుకుపోతోంది. ‘బయోపిక్ ఆఫ్ ఫ్యాన్’ అనే వినూత్న కాన్సెప్ట్‌తో తెరకెక్కిన ఈ చిత్రంలో రామ్ ఎనర్జిటిక్ పర్ఫామెన్స్, మాస్ వైబ్, యూత్ కనెక్ట్ పనిచేయడంతో ప్రేక్షకులు థియేటర్లకు భారీగా వ‌స్తున్నారు. గత కొన్ని చిత్రాల్లో కనిపించని రామ్ పాత మాస్ లుక్, స్టైల్, డైలాగ్ డెలివరీ ఈ సినిమాలో ఫుల్ స్వింగ్‌లో కనిపించింది.
ఆయన పర్ఫామెన్స్‌తో పాటు హీరోయిన్ భాగ్యశ్రీ బోర్సే నటన కూడా ప్రేక్షకులను ఆకట్టుకుంది. దర్శకుడు మహేశ్ బాబు.P కంటెంట్‌పై నమ్మకంతో డ్రామా, ఎమోషన్, మాస్ ఎలిమెంట్స్‌ను ప్రేక్షకులు ఎంత‌గానో ఆద‌రించారు. ప్రపంచవ్యాప్తంగా సుమారు ₹27 కోట్ల థియేట్రికల్ బిజినెస్ చేసిన ఈ సినిమా, బ్రేక్ ఈవెన్ చేరాలంటే ₹28 కోట్ల షేర్ అవసరం. ట్రేడ్ రిపోర్టుల ప్రకారం డే–1లో వరల్డ్ వైడ్ షేర్: ₹4.25 కోట్లు, వరల్డ్ వైడ్ గ్రాస్: ₹7.65 కోట్లు, తెలుగు రాష్ట్రాలు: ₹2.75 కోట్లు షేర్,రెస్టాఫ్ ఇండియా: ₹25 లక్షలు, ఓవర్సీస్: ₹1.25 కోట్లు షేర్ రాబ‌ట్టింది. చిత్రానికి పాజిటివ్ టాక్ ఉన్నప్పటికీ, కొన్ని వర్గాలు రామ్ మార్కెట్‌తో పోలిస్తే ఈ ఓపెనింగ్స్ కొంచెం తక్కువగా ఉన్నాయని చెబుతున్నా… వర్కింగ్ డే రిలీజ్ కావడంతో ఇది మంచి ఫిగర్‌గా భావిస్తున్నారు.
ఏరియా వైజ్ కలెక్షన్లు (తెలుగు రాష్ట్రాల‌లో) చూస్తే.. గుంటూరు: ₹10 లక్షలు షేర్, తూర్పు గోదావరి: ₹11 లక్షలు, కృష్ణా: ₹20 లక్షల గ్రాస్, పశ్చిమ గోదావరి: ₹16.20 లక్షలు, ఉత్తరాంధ్ర: ₹30 లక్షల షేర్, ఓవర్సీస్‌లో రామ్ కేరీర్ బెస్ట్ ఓపెనింగ్ రాబ‌ట్టింది. రామ్‌కు ఈసారి విదేశాల్లో భారీ రిస్పాన్స్ వచ్చింది.నార్త్ అమెరికా డే–1 కలెక్షన్: $275K, ఇది రామ్ కెరీర్‌లో హయ్యెస్ట్ ఓపెనింగ్. గురువారం రిలీజ్ అయినప్పటికీ, మంచి మౌత్ టాక్ వల్ల ఆడియన్స్ థియేటర్లకు రావడంతో టీమ్‌లో ఆనందం నెలకొంది. వరల్డ్ వైడ్ డే–1 గ్రాస్ ₹7.5 కోట్ల దాకా చేరిన‌ట్టు తెలుస్తుంది. డే–1కి మంచి టాక్ రావడంతో శుక్రవారం నుంచి ఆదివారం వరకూ కలెక్షన్లు పెద్ద ఎత్తున పెరుగుతాయని ట్రేడ్ విశ్లేషకుల అంచనా. అలా జరిగితే బ్రేక్ ఈవెన్ దాదాపు కన్‌ఫర్మ్ అవుతుంది. అందువల్ల రామ్ ఈసారి ఖచ్చితంగా సాలిడ్ కంబ్యాక్ కొట్టినట్టే అన్న నమ్మకం పెరుగుతోంది.