Rajasekhar | టాలీవుడ్ యంగ్ హీరో శర్వానంద్ ప్రధాన పాత్రలో నటించిన హై-వోల్టేజ్ స్పోర్ట్స్ డ్రామా ‘బైకర్’ విడుదలకు సిద్ధమైంది. దర్శకుడు అభిలాష్ కంకర తెరకెక్కించిన ఈ చిత్రం, భారతీయ సినీ చరిత్రలోనే తొలి మోటోక్రాస్ రేసింగ్ నేపథ్యంతో రూపొందిన చిత్రంగా ప్రత్యేక గుర్తింపు తెచ్చుకుంటోంది.
యూవీ క్రియేషన్స్ పతాకంపై వంశీ–ప్రమోద్లు భారీ బడ్జెట్తో నిర్మించిన ఈ చిత్రం ఏప్రిల్ 3, 2026న ప్రపంచవ్యాప్తంగా విడుదల కానుంది. ఇప్పటికే గ్లింప్స్, ట్రైలర్, ప్రమోషన్స్తో ఈ సినిమాపై భారీ హైప్ క్రియేట్ అయింది.
రేసర్ ‘విక్కీ’గా శర్వానంద్
ఈ సినిమాలో శర్వానంద్ ‘విక్కీ’ అనే ప్రొఫెషనల్ రేసర్ పాత్రలో కనిపించనున్నారు. అంతర్జాతీయ రేసింగ్ సర్క్యూట్లో భారతీయ బైకర్ సత్తా చాటే కథాంశంతో ఈ సినిమా రూపొందింది. హాలీవుడ్ రేంజ్ యాక్షన్, రేసింగ్ సీన్స్ ఈ చిత్రానికి ప్రధాన ఆకర్షణగా నిలుస్తాయని చిత్రబృందం చెబుతోంది.
సీనియర్ హీరో రాజశేఖర్ ఈ సినిమాలో కీలక పాత్ర పోషిస్తున్నారు. సినిమా ప్రమోషన్స్లో భాగంగా నిర్వహించిన మీడియా సమావేశంలో ఆయన తన వ్యక్తిగత అనుభవాలను పంచుకున్నారు.
భయంతో బైక్ అమ్మేసింది..
నాకు చిన్నప్పటి నుంచే బైక్స్ అంటే చాలా ఇష్టం. సెలవుల్లో అమ్మమ్మ వాళ్లింటికి వెళ్లినప్పుడు బుల్లెట్ బైక్తో ఊరంతా తిరిగేవాడిని. ఆ ఇష్టంతోనే ‘శేషు’ సినిమా సమయంలో యమహా 650 బైక్ కొనుగోలు చేశాను. కానీ నేను వేగంగా డ్రైవ్ చేస్తానని భయపడి నా భార్య ఆ బైక్ను అమ్మేసింది అని రాజశేఖర్ సరదాగా తెలిపారు.
‘బైకర్’ సినిమా కేవలం రేసింగ్కు మాత్రమే పరిమితం కాకుండా, తండ్రి-కొడుకుల మధ్య ఉన్న భావోద్వేగ బంధాన్ని కూడా చూపిస్తుందని రాజశేఖర్ చెప్పారు. దర్శకుడు అభిలాష్ విజన్ ఉన్న వ్యక్తి అని, తనకు కావాల్సిన అవుట్పుట్ వచ్చే వరకు రాజీ పడరని ఆయన ప్రశంసించారు.
టెక్నికల్ హైలైట్స్
ఈ చిత్రానికి జిబ్రాన్ సంగీతం అందిస్తున్నారు. డాల్బీ సినిమా, 4DX వంటి ప్రీమియం ఫార్మాట్లలో విడుదలవడం ఈ సినిమాకు మరింత ప్రత్యేకతను తీసుకొచ్చింది.
హీరోయిన్గా మాళవికా నాయర్ నటించగా, బ్రహ్మాజీ, అతుల్ కులకర్ణి తదితరులు కీలక పాత్రల్లో కనిపించనున్నారు.
రాజశేఖర్ తదుపరి ప్రాజెక్టులు
ఈ సందర్భంగా రాజశేఖర్ తన భవిష్యత్ ప్రాజెక్టుల గురించి కూడా వెల్లడించారు. దర్శకుడు పవన్ సాధినేనితో కలిసి ‘మగాడు’ సినిమా ఏప్రిల్ నుంచి ప్రారంభం కానుందని తెలిపారు. అలాగే తన కుమార్తె శివాని, విశ్వదేవ్లతో కలిసి చేస్తున్న మరో సినిమా షూటింగ్ కూడా కొనసాగుతోందని చెప్పారు.